ខ្សែរភាពយន្តភាគចិនរឿង «ស្នេហ៍និងគុំនំ» ជាខ្សែរភាពយន្តល្អមានគ្រប់រសជាតិ

រឿង «ស្នេហ៍និងគុំនំ» ជាខ្សែភាពយន្តភាគចិនដ៏ល្អឯកមួយក្នុងចំណោមខ្សែរភាពយន្តភាគចិនជាច្រើនដែលបានចេញផ្សាយក្នុងឆ្នាំ ២០២២ នេះ។

រឿងរ៉ាវដែលតាមពីក្រោយ Nalan Yue បុរសម្នាក់ដែលមានអត្តសញ្ញាណពីរ។ សម្ព័នភាពរវាងតួអង្គឯកទាំងពីរកើតឡើងដោយភាពចៃដន្យរហូតកាន់តែស៊ីជម្រៅ តែចំណងមិត្តភាពរវាងអ្នកទាំងពីរក៏ប្រែជាស្មុគស្មាញទៅវិញដោយសារតែរឿងពីអតីតកាលរបស់ចាស់ទុំទាំងសងខាង។  

ក្រៅពីស្នេហាតួរអង្គទាំងពីរក៏មានកាតព្វកិច្ចរៀងៗខ្លួនដោយតួអង្គស្រី Rong Hou មានកាតព្វកិច្ចត្រូវជួយឪពុករបស់នាងស្វែងរកឧបករណ៍ព្យាបាលជំងឺដែលបានបាត់។ ចំណែកតួអង្គប្រុសត្រូវបានបង្ខំឲ្យក្លាយជាអ្នកស្នងក្បាច់គុនបិសាច។ ក្នុងដំណើរស្វែងរកឧបករណ៍ព្យាបាលជំងឺនាង​បាន​ធ្លាក់​ក្នុង​គ្រោះ​ថ្នាក់​ជា​ច្រើន​ដង តែក៏ត្រូវ​បាន​ជួយ​សង្គ្រោះ​ដោយ Nalan Yue ។

គ្រួសាររបស់ពួកគេត្រូវបានជាប់នៅក្នុងបណ្តាញដ៏ស្មុគស្មាញនៃការសងសឹក និងការស្អប់។ ពេលជួបគ្នាដំបូង គេសម្រេចចិត្តប្រើចិត្តស្មោះ ដើម្បីបញ្ចុះបញ្ចូលមនុស្សជំនាន់មុន ឱ្យបោះបង់ការស្អប់ខ្ពើមក្នុងចិត្ត ប៉ុន្តែផែនការធ្វើបាបត្រកូល Nalan ម្ដងទៀតត្រូវបានចាប់ផ្តើមឡើងវិញ។

តើស្នេហារវាងពួកគេនឹងក្លាយទៅជាយ៉ាងណា? តើចិត្តស្មោះរបស់អ្នកទាំងពីរអាចបញ្ឈប់ការសងសឹករវាងគ្រួសារទាំងពីរបានដែរឬទេ?

ជូនទស្សនារៀងរាល់ថ្ងៃចន្ទ ដល់ សុក្រ វេលាម៉ោង ១២:៣០ ដល់ ១៣:៣០ថ្ងៃត្រង់ លើកញ្ចក់ទូរទស្សន៍បាយ័ន៕

អត្ថបទដោយ៖ Momo