គាំទ្រ ផ្តល់កម្លាំងចិត្តដល់ ស៊ីម ច័ន្ទស្រីមុំ បេក្ខនារីតំណាងឱ្យកម្ពុជា ក្នុងការប្រកួត Miss Intercontinental នៅលើឆាកអន្តរជាតិ

កាលពីចុងខែកញ្ញារំលងទៅថ្មីៗនេះ កញ្ញា ស៊ីម ច័ន្ទស្រីមុំ បានធ្វើដំណើរទៅប្រទេស អេហ្ស៊ីប ដើម្បីត្រៀមខ្លួន និងចូលរួមប្រកួតក្នុងកម្មវិធីអន្តរជាតិ Miss Intercontinental 2022។

កញ្ញា ស៊ីម ច័ន្ទស្រីមុំ ជាបេក្ខនារីតំណាងឱ្យប្រទេសកម្ពុជា ដែលនឹងបង្ហាញវត្តមាន និងសមត្ថភាពផ្ទាល់ខ្លួននៅលើឆាកអន្តរជាតិ ក្នុងចំណោមស្ត្រីមកពីជុំវិញពិភពលោកចំនួន៨០ប្រទេសផ្សេងៗគ្នា។ តាមរយះកម្មវិធីលំដាប់ពិភពលោកមួយនេះ ច័ន្ទស្រីមុំ សង្ឃឹមយ៉ាងមុតមាំថានឹងធ្វើឱ្យ កម្ពុជា មានគេឯងស្គាល់កាន់តែច្រើននិងស្ញើចសរសើរពីប្រទេសជាតិរបស់យើងថែមទៀត។

ដូច្នេះ សូមបងប្អូនខ្មែរជួយគាំទ្រ និងផ្តល់កម្លាំងចិត្តពីចម្ងាយដល់កញ្ញា ស៊ីម ច័ន្ទស្រីមុំ ជាបន្តបន្ទាប់រហូតដល់ថ្ងៃប្រកួតធំនៅថ្ងៃទី ១៤ ខែតុលា ឆ្នាំ២០២២ ដែលមានទីតាំងនៅ Sharm El Sheikh ប្រទេស អេហ្ស៊ីប។

ការប្រកួតបវរកញ្ញាអន្តរទ្វីប ឬ Miss Intercontinental 2022 នេះធ្វើឡើងជាលើកទី ៥០ ដោយមានបេក្ខនារីចំនួន ៨០រូប មកពីបណ្តាលប្រទេសផ្សេងៗជុំវិញពីភពលោក។
កុំភ្លេចតាមដាន និងចូលរួមគាំទ្រដល់បេក្ខនារីតំណាងឱ្យកម្ពុជា កញ្ញា ស៊ីម ច័ន្ទស្រីមុំ ទាំងអស់គ្នា៕

អត្ថបទដោយ៖ Hati