ព័ត៌មាន
រាជរដ្ឋាភិបាលកំពុងផ្តល់ជំនាញដល់ពលរដ្ឋដើម្បីសម្រេចចក្ខុវិស័យជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០ និងចំណូលខ្ពស់ឆ្នាំ២០៥០
គោលដៅរបស់រាជរដ្ឋាភិបាល គឺធ្វើយ៉ាងណាផ្តល់ឱកាសការងារ និងជំនាញច្បាស់លាស់ដល់ប្រជាពលរដ្ឋទាំងអស់ ដើម្បីទទួលបានប្រាក់ចំណូលខ្ពស់ និងលើកកម្ពស់ជីវភាពរស់នៅកាន់តែប្រសើរ។ នេះបើតាមការថ្លែងរបស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ក្នុងពិធីបិទទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៧ នៅមជ្ឈមណ្ឌលសន្និបាត និងពិព័រណ៍កោះពេជ្រ កាលពីថ្ងៃទី១៦ ខែមិថុនា ឆ្នាំ២០២៤។
ឯកឧត្តមរដ្ឋមន្ត្រី បានបញ្ជាក់ថា ប្រជាពលរដ្ឋត្រូវបានផ្តល់ឱកាសសិក្សាជំនាញបច្ចេកទេស វិជ្ជាជីវៈ សំដៅឱ្យមានជំនាញច្បាស់លាស់ក្នុងជីវិត ដើម្បីសម្រេចបាននូវគោលដៅ អនាគតកម្ពុជាក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។
យ៉ាងណាក៏ដោយ ឯកឧត្តមរដ្ឋមន្ត្រី បានបញ្ជាក់បន្ថែមថា កម្ពុជាមិនអាចសម្រេចបាននូវគោលដៅនេះទេ ប្រសិនបើប្រជាពលរដ្ឋ មិនមានឱកាសការងារ និងជំនាញ។ ក្នុងន័យនេះ រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានបើកវគ្គបណ្តុះបណ្តាលបច្ចេកទេស និងវិជ្ជាជីវៈ ដល់គ្រួសារក្រីក្រ និងគ្រួសារងាយរងហានិភ័យ ចំនួន ១លាន៥សែននាក់ ដើម្បីបំពេញតម្រូវការទីផ្សារការងារនាពេលខាងមុខ និង កាត់បន្ថយភាពក្រីក្រ។
ជាមួយគ្នានេះ ឯកឧត្តមរដ្ឋមន្ត្រី បានសម្តែងក្តីសង្ឃឹមថា យុវជនទាំងអស់នឹងធ្វើការសម្រេចចិត្តបានត្រឹមត្រូវ ក្នុងការប្រែក្លាយអនាគតរបស់ខ្លួនកាន់តែមានភាពល្អប្រសើរ រីកចម្រើនជាមួយចំណេះជំនាញប៉ិនប្រសព្វ។ ជាពិសេស យុវជន និងនិស្សិតត្រូវធានាថា ការសិក្សារបស់ពួកគេទទួលបានជោគជ័យ ហើយមានគុណភាព ដើម្បីទាក់ទាញការវិនិយោគ បង្កើនឱកាសការងារក្នុងស្រុក ដើម្បីទទួលបានប្រាក់ចំណូល លើកកម្ពស់ជីវភាពរស់នៅ និងលើកកម្ពស់ការអភិវឌ្ឍប្រទេសជាតិ៕
អត្ថបទ: BTV NEWS
-
ព័ត៌មាន7 days ago
ប្រជាពលរដ្ឋ បន្តទស្សនកិច្ចខេត្តទិសឦសាន ជើងទី៣ ស្វែងយល់ពីអធិបតេយ្យភាពជាតិ
-
PR NEWS17 hours ago
GANZBERG លើកស្ទួយ គុនខ្មែរ ឡើង ដល់កម្រិត ពិភពលោក!
-
ព័ត៌មាន6 days ago
នាវាកងទ័ពជើងទឹកអង់គ្លេស ចូលចតធ្វើទស្សនកិច្ចលើកកម្ពស់ទំនាក់ទំនង និងពង្រឹងកិច្ចសហប្រតិបត្ដិការ
-
ព័ត៌មាន6 days ago
និស្សិតមហាវិទ្យាល័យសិល្បៈសូនរូប ១៨៣នាក់ឡើងការពារស្នាដៃបញ្ចប់បរិញ្ញាបត្រឆ្នាំសិក្សា២០២៣-២០២៤
-
ព័ត៌មាន6 days ago
សហគ្រិនក្នុងស្រុកចាប់អារម្មណ៍ការប្រើប្រាស់បញ្ញាសិប្បនិម្មិត AI សម្រាប់ការធ្វើអាជីវកម្ម
-
ព័ត៌មាន1 week ago
បេក្ខជន ១,២០០នាក់ ដាក់ពាក្យធ្វើអ្នកស្ម័គ្រចិត្តក្នុងព្រឹត្តិការណ៍កីឡាជាតិ លើកទី៤
-
ព័ត៌មាន1 week ago
សម្តេចតេជោ៖កម្ពុជាសម្រេចបញ្ចប់ការចូលរួមក្នុងតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) ចាប់ពីថ្ងៃ២០ ខែកញ្ញា ឆ្នាំ២០២៤នេះតទៅ ដើម្បី «ដកអាវុធចេញពីដៃពួកជ្រុលនិយម» កុំឲ្យមានលទ្ធភាពញុះញង់បោកប្រាស់ប្រជាជនកម្ពុជាតទៅទៀត
-
ព័ត៌មាន1 week ago
អបអរសាទរ! ប្រាក់ឈ្នួលកម្មករកាត់ដេរឆ្នាំ២០២៥ ឡើងដល់ ២០៨ដុល្លារ ខណៈសម្ដេចធិបតី ហ៊ុន ម៉ាណែត បន្ថែម២ដុល្លារលើតួលេខ ២០៦ ដុល្លារ នៃលទ្ធផលបោះឆ្នោតរបស់ក្រុមប្រឹក្សាជាតិប្រាក់ឈ្នួលអប្បបរមា