បងប្អូនប្រជាពលរដ្ឋទទួលសេវាដឹកជញ្ជូនរថយន្តក្រុងដោយមិនបង់ប្រាក់ទិសដៅខេត្តព្រះសីហនុ-ខេត្តកំពង់ស្ពឺ ទៅរាជធានីភ្នំពេញក្រោយបញ្ចប់ពិធីភ្ជុំបិណ្ឌ

ទិដ្ឋភាពបងប្អូនប្រជាពលរដ្ឋជាច្រើនដែលមកទទួលសេវាដឹកជញ្ជូនរថយន្តក្រុង(ជិៈរថយន្តក្រុង) ដោយមិនបង់ប្រាក់ទិសដៅខេត្តព្រះសីហនុ-ខេត្តកំពង់ស្ពឺ-រាជធានីភ្នំពេញ នៅទីតាំងវេទិកា ៧មករា ក្រុងព្រះសីហនុ ថ្ងៃទី១២ ខែតុលា ឆ្នាំ២០២៦។

សូមបញ្ជាក់ជូនថា៖ សម្រាប់ខេត្តព្រះសីហនុមានរថយន្តក្រុងចំនួន ១៤គ្រឿង សម្រាប់បម្រើសេវាដឹកជញ្ជូនសាធារណៈជូនបងប្អូនប្រជាពលរដ្ឋ ដោយមិនយកប្រាក់រយៈពេល ៥ថ្ងៃ ចាប់ពីថ្ងៃ៩ ដល់ថ្ងៃទី១៣ ខែតុលា ឆ្នាំ២០២៦ ដែលធ្វើដំណើរពីរាជធានីភ្នំពេញ មកកាន់ខេត្តព្រះសីហនុ និងត្រឡប់ទៅរាជធានីភ្នំពេញវិញ គោលដៅចេញដំណើរវេទិកា ៧មករា ក្រុងព្រះសីហនុ ម៉ោងចេញដំណើរ ចាប់ពីម៉ោង ៦:៣០ នាទីព្រឹក ដល់ម៉ោង ១១:៣០ នាទីព្រឹក។

ដើម្បីសម្រួលដល់ការងារខាងលើ ក្រោមការយកចិត្តទុកដាក់របស់ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានចាត់តាំងមន្ត្រីទីចាត់ការ និងអង្គភាពចំណុះរដ្ឋបាលខេត្តព្រះសីហនុ រដ្ឋបាលក្រុងព្រះសីហនុ និងរដ្ឋបាលសង្កាត់លេខ៣ ចូលរួមសហការ និងសម្របសម្រួលនៅទីធ្លាវេទិកា ៧មករា ស្ថិតនៅក្នុងសង្កាត់លេខ៣ ក្រុងព្រះសីហនុ ដូចខាងក្រោម៖

១- ថ្ងៃទី៩ ខែតុលា ឆ្នាំ២០២៦ សូមទំនាក់ទំនងលេខទូរស័ព្ទ ០១១ ៧៨៩ ២២២

២- ថ្ងៃទី១០ ខែតុលា ឆ្នាំ២០២៦ សូមទំនាក់ទំនងលេខទូរស័ព្ទ ០១៥ ៥៥៤ ៤២៦

៣- ថ្ងៃទី១១ ខែតុលា ឆ្នាំ២០២៦ សូមទំនាក់ទំនងលេខទូរស័ព្ទ ០១៦ ៣២១ ០១០

៤- ថ្ងៃទី១២ ខែតុលា ឆ្នាំ២០២៦ សូមទំនាក់ទំនងលេខទូរស័ព្ទ ០១៦ ៣៧២ ៤២៨ / ០១៦ ៣៧៥ ៤៩៨

៥- ថ្ងៃទី១៣ ខែតុលា ឆ្នាំ២០២៦ សូមទំនាក់ទំនងលេខទូរស័ព្ទ ០១០ ៩៩៩ ១៨៦

៦- ថ្ងៃទី៩ ដល់ ថ្ងៃទី១៣ ខែតុលា ឆ្នាំ២០២៦ សូមទំនាក់ទំនងលេខទូរស័ព្ទ ០១៦ ៥៧៦ ៣៧៣ / ០១៦ ៦៥៧ ០៦១