ព័ត៌មាន
យុវជនផុលផុសទៅដាក់ពាក្យស្នើសុំចូលបំពេញកាតព្វកិច្ចយោធាដោយការស្ម័គ្រចិត្ត និងបេះដូងស្នេហាជាតិ
យុវជនបន្តវេន បានបង្ហាញជំហរក្លាហាន និងបេះដូងស្នេហាជាតិ ដោយការស្ម័គ្រចិត្តចូលបម្រើជាតិ តាមរយៈការបំពេញកាតព្វកិច្ចយោធា ដោយមិនគេចវេសឡើយ។
នៅថ្ងៃទី១៣ ខែតុលា នេះ បន្ទាប់ពីបញ្ចប់ពិធីបុណ្យភ្ជុំបិណ្ឌ ការធ្វើដំណើរកម្សាន្តនោះ យុវជនជាច្រើនបានបង្ហាញវត្តមាននៅតាមបណ្តាមូលដ្ឋានកងរាជអាវុធហត្ថក្នុងរាជធានីភ្នំពេញ ដើម្បីដាក់ស្នើសុំចូលបំពេញកាតព្វកិច្ចយោធា សម្រាប់ឆ្នាំ២០២៦។
មូលដ្ឋានកងរាជអាវុធហត្ថក្នុងរាជធានីភ្នំពេញ ក្រោមការដឹកនាំអនុវត្តដោយលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ បន្តធ្វើការទទួលពាក្យស្នើសុំចូលបំពេញកាតព្វកិច្ចយោធារបស់យុវជន។
ជាក់ស្តែង នៅមូលដ្ឋានកងរាជអាវុធហត្ថខណ្ឌជ្រោយចង្វារ ក្រោមការដឹកនាំដោយលោកវរសេនីយ៍ទោ ហង្ស ណារិទ្ធ មេបញ្ជាការមូលដ្ឋានកងរាជអាវុធហត្ថ, កម្លាំងមន្ត្រីអាវុធហត្ថ បន្តកិច្ចការងារទទួលពាក្យពីយុវជន យុវនារី ស្ម័គ្រចូលបំពេញកាតព្វកិច្ចយោធា ស្របតាមការជ្រើសរើសរបស់គណៈកម្មាធិការជាតិកាតព្វកិច្ចយោធា។
យុវជន យុវនារី បង្ហាញភាពក្លាហាន និងគោលជំហរមិនងាករេ ក្នុងការរួមចំណែកជាមួយវិស័យការពារប្រទេសជាតិ ដោយចាត់ទុកការបំពេញកាតព្វកិច្ចនេះ ជាការពង្រឹងដុះខាត់ និងអភិវឌ្ឍន៍សមត្ថភាពផ្ទាល់ខ្លួនរបស់ពួកគេផងដែរ។
អាណាព្យាបាលយុវជន ថ្លែងអំណរគុណរាជរដ្ឋាភិបាល ដែលបានបើកឱកាសយ៉ាងទូលាយសម្រាប់កូនៗរបស់គាត់ ក៏ដូចជាយុវជនទូទៅ បានចូលរួមការពារបូរណភាពទឹកដី ឲ្យនៅគង់វង្ស ប្រឆាំងដាច់ខាតពីខ្មាំងសត្រូវឈ្លានពាន ។
គួរបញ្ជាក់ថា ដំណើរការ នៃការទទួលពាក្យ គឺបានចាប់ផ្តើមពីថ្ងៃទី១០មក រហូតដល់ថ្ងៃទី១៧ ខែតុលា ឆ្នាំ២០២៦ នឹងត្រូវបានបញ្ចប់ទាំងស្រុង សម្រាប់ការជ្រើសរើសយុវជនស្ម័គ្រចិត្តចូលបំពេញកាតព្វកិច្ចយោធាក្នុងឆ្នាំ២០២៦នេះ៕ អត្ថបទ៖ លីហេង
-
ព័ត៌មាន4 days agoសម្តេចធិបតី ជឿជាក់ថា កម្ពុជា-វៀតណាម អាចសម្រេចមហិច្ឆតា ជំរុញទំហំពាណិជ្ជកម្ម ២០ ពាន់លានដុល្លារ
-
ព័ត៌មាន4 days agoសម្តេចធិបតី ជំរុញ កម្ពុជា-វៀតណាម មើលគ្នាជាគោលដៅទេសចរណ៍ និងទាក់ទាញទេសចរពី ទីផ្សារទី៣
-
ព័ត៌មាន3 days agoសម្ដេចអធិបតី និងលោកជំទាវ អញ្ជើញ ឧទ្ទិសកុសលជូន ញាតិកា និង បុព្វបុរស នៅ វាំងចាស់ ខេត្តកំពង់ស្ពឺ
-
ព័ត៌មាន4 days agoសម្ដេចតេជោ ហ៊ុន សែន ទទួលជួបពិភាក្សាការងារជាមួយ ឯកឧត្តម ឡេ មិញហ៊ឹង (Le Minh Hung) នាយករដ្ឋមន្រ្តីនៃសាធារណរដ្ឋសង្គមនិយមវៀតណាម
-
ព័ត៌មាន4 days agoមជ្ឈមណ្ឌលបណ្ដុះធុរកិច្ចថ្មី «តេជោ» ជំរុញសហគ្រាសបោះដុំ និងលក់រាយចាប់យកឌីជីថល AI ដើម្បីបង្កើនផលិតភាព
-
ព័ត៌មាន1 week agoបញ្ហាដីធ្លីលោកស្រី សែម សុខគា នៅតំបន់អន្ទង់អាំងត្រូវបានដោះស្រាយដោយជោគជ័យតាមអនុសាសន៍ របស់សម្ដេចធិបតី
-
ព័ត៌មាន4 days agoប្រធានរដ្ឋសភាកម្ពុជា និងនាយករដ្ឋមន្រ្ដីវៀតណាម ជំរុញទំនាក់ទំនងមិត្តភាពឱ្យកាន់តែស៊ីជម្រៅ
-
ព័ត៌មាន3 days agoឯកឧត្តម គីម រិទ្ធី អភិបាលខេត្តព្រះវិហារ នាំយកចង្ហាន់ និងទេយ្យទានប្រគេនព្រះសង្ឃ ៤វត្ត ក្នុងស្រុកជាំក្សាន្ដ នាឱកាសបុណ្យកាន់បិណ្ឌទី១៣