ព័ត៌មាន
ឧត្តមសេនីយ៍ឯក ជួន ណារិន្ទ ដាក់បញ្ជាបន្ទាន់ ឲ្យកម្លាំងជំនាញបើកការស្រាវជ្រាវតាមចាប់ ក្រុមក្មេងទំនើងជិះម៉ូតូប្រដេញគ្នាបង្កអាណាធិបតេយ្យ យកមកអនុវត្តច្បាប់
រាជធានីភ្នំពេញ ៖ ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នៅរសៀលថ្ងៃទី២២ ខែវិច្ឆិកា ឆ្នាំ២០២៦នេះ ដាក់បញ្ជាបន្ទាន់ ឲ្យកម្លាំងជំនាញពាក់ព័ន្ធ បើកការស្រាវជ្រាវធ្វើយ៉ាងណាតាមចាប់ឲ្យខាងតែបាន ក្រុមក្មេងទំនើងជិះម៉ូតូច្រើនគ្រឿងប្រដេញគ្នាតាមដងផ្លូវ បង្កភាពអាណាធិបតេយ្យ ដើម្បីយកមកអនុវត្តច្បាប់ ។
បទបញ្ជារបស់លោកឧត្តមសេនីយ៍ឯកស្នងការ ធ្វើឡើង បន្ទាប់ពីមានការបង្ហោះចែករំលែកនៅលើបណ្តាញទំនាក់ទំនងសង្គម ក្រោមខ្លឹមសារនិយាយថា ក្រុមក្មេងស្ទាវ ឬក្មេងទំនើងកំពុងជិះម៉ូតូដេញកាប់កម្លាំងសមត្ថកិច្ច នៅម្តុំឈូកមាស ក្នុងទឹកដីខណ្ឌសែនសុខ នាយប់ថ្ងៃទី២១ ខែវិច្ឆិកា ឆ្នាំ២០២៦ ។
លោកឧត្តមសេនីយ៍ឯក ជួន ណារិន្ទ បានបញ្ជាក់ថា ៖ លោកបានដាក់បទបញ្ជាដល់កម្លាំងជំនាញផែនការងារព្រហ្មទណ្ឌ និងកម្លាំងអន្តរាគមន៍ រួមទាំងសមីមូលដ្ឋានខណ្ឌពាក់ព័ន្ធ ត្រូវបើកការស្រាវជ្រាវទៅតាមចាប់ក្រុមក្មេងទំនើងទាំងអស់នេះឲ្យខាងតែបាន ហើយប្រសិនបើសមីខ្លួន ឬឪពុកម្តាយអាណាព្យាបាល ជួយនាំកូនមកប្រគល់ជូនសមត្ថកិច្ចតាមសម្រួល នោះនឹងមានការបន្ថូរបន្ថយទោសទណ្ឌ តែបើរងចាំដល់សមត្ថកិច្ចស្រាវជ្រាវចាប់ខ្លួនបាន នោះនឹងគ្មានការលើកលែងឡើយ ។
លោកឧត្តមសេនីយ៍ស្នងការ បញ្ជាក់ថា ៖ ករណីនេះ ពុំមានក្រុមក្មេងស្ទាវ ដេញកាប់សមត្ថកិច្ចនោះឡើយ គឺកម្លាំងសមត្ថកិច្ចមូលដ្ឋាន ជិះប្រដេញតាមចាប់ដើម្បីឃាត់សួរនាំ គ្រាដែលក្រុមទាំងនោះ ចេញពីទីតាំងសប្បាយភាពនាពេលរាត្រី ហើយនាំគ្នាជិះម៉ូតូជាក្រុមយ៉ាងប្រសាចពេញដងផ្លូវ ធ្វើឲ្យបាត់បង់សណ្តាប់ធ្នាប់សង្គម ៕ លីហេង






-
ព័ត៌មាន2 days agoសម្តេចធិបតីណែនាំឱ្យក្រសួងធនធានទឹកនិងឧតុនិយម ត្រៀមខ្លួនទប់ទល់ជាមួយបាតុភូតអ៊ែលនីញ៉ូ
-
ព័ត៌មាន2 days agoអ្នកសារព័ត៌មានបារាំង និងកាណាដា ចុះផ្ដិតយករូបភាពស្លាកស្នាមដ៏ឈឺចាប់នៅបំន់បឹងត្រកួន, ភូមិព្រៃចាន់ និងភូមិជោគជ័យ បន្សល់ទុកដោយសង្គ្រាមថៃឈ្លានពានកាលពីឆ្នាំ២០២៥
-
ព័ត៌មាន2 days agoសម្ដេចធិបតីណែនាំឱ្យរក្សាទុកក្លោងទ្វារភូមិហ្វ្រង់កូហ្វូនី និងប្រាសាទ ព្រះវិហារ តាក្របី និងតាមាន់ធំ ដើម្បីឱ្យប្រជាពលរដ្ឋបានទស្សនាក្នុងអំឡុងពេលព្រះរាជពិធីបុណ្យអុំទូក
-
ព័ត៌មាន3 days agoទឹកធ្លាក់ជីអាំង តំបន់ទេសចរណ៍បែបធម្មជាតិ ក្នុងខេត្តមណ្ឌលគិរី ដែលទេសចរមិនគួរមើលរំលង
-
ព័ត៌មាន3 days agoGS25 ចុះកិច្ចព្រមព្រៀងសិទ្ធិផ្តាច់មុខជាមួយ META Retail បោះជំហានចូលទីផ្សារប្រទេសកម្ពុជា
-
ព័ត៌មាន2 days agoសម្តេចធិបតី ៖ ការរៀបចំកិច្ចប្រជុំកំពូលហ្វ្រង់កូហ្វូនីលើកទី២០ បង្ហាញឱ្យពិភពលោកបានឃើញថាកម្ពុជាជាប្រទេសដែលមានសន្តិភាព សន្តិសុខ និងសុវត្ថិភាពពេញលេញ
-
ព័ត៌មាន2 days agoសម្តេចប្រធានរដ្ឋសភា ជម្រាបគណៈប្រតិភូសភាអឺរ៉ុប ក្នុងមហាសន្និបាត AIPA ថា «ពលរដ្ឋខ្មែរជាង ២ម៉ឺននាក់ មិនទាន់បានវិលត្រឡប់ទៅលំនៅឋានវិញដោយសារថៃឈ្លានពាន»
-
ព័ត៌មាន1 day agoសមាគម អ.ម.ត និងសាកលវិទ្យាល័យ Concordia នៃប្រទេសកាណាដា ចុះអនុស្សរណៈយោគយល់គ្នា ជ្រោមជ្រែងនិស្សិតខ្មែរបន្តការសិក្សាថ្នាក់បណ្ឌិត (PhD)