Uncategorized
ភាគខាងត្បូងប្រទេសចិន កំពុងទប់ទល់នឹងព្យុះទីហ្វុង Yagi ដ៏ធំ
ខេត្ត និងទីក្រុងនានានៅភាគខាងត្បូងរបស់ចិន បានត្រៀមលក្ខណៈសម្រាប់ការមកដល់នៃព្យុះទីហ្វុងដ៏ធំ យ៉ាហ្គី (Super typhoon Yagi) ដោយបានបិទសាលារៀន និងពន្យារពេលជើងហោះហើរ មុនការបោកបក់ដីដែលរំពឹងទុកតាមបណ្តោយឆ្នេរត្រូពិចនៃកោះ ហៃណាន (Hainan) ដោយអាចជាព្យុះដ៏ខ្លាំងក្លាបំផុតដែលវាយប្រហារតំបន់នោះក្នុងពេលជិតមួយទសវត្សរ៍។
ការិយាល័យឧតុនិយមចិន បាននិយាយនៅថ្ងៃព្រហស្បតិ៍ (០៥ កញ្ញា) នេះថា ព្យុះទីហ្វុង Yagi បានពង្រឹងទៅជាព្យុះទីហ្វុងដ៏ធំមួយកាលពីយប់ថ្ងៃពុធ ហើយបច្ចុប្បន្នមានចម្ងាយប្រហែល ៦១០គីឡូម៉ែត្រ ភាគអាគ្នេយ៍នៃតំបន់ ស៊ូវិន (Xuwen) ទីក្រុង ចានជាំង (Zhanjiang) ខេត្តក្វាងតុង (Guangdong)។
ព្យុះ Yagi ត្រូវបានគេរំពឹងថានឹងផ្លាស់ទីទៅភាគខាងលិចក្នុងល្បឿន ១០ទៅ១៥គីឡូម៉ែត្រក្នុងមួយម៉ោង ដែលនាំមកនូវភ្លៀងធ្លាក់ខ្លាំងទៅកាន់តំបន់ឆ្នេរភាគខាងត្បូងនៃខេត្តក្វាងតុង និងកោះ ហៃណាន។ ព្យុះនេះនឹងបោកបក់ដល់ដីតាមបណ្តោយឆ្នេរចាប់ពីតំបន់ ឆុងហៃ (Qionghai) របស់កោះ ហៃណាន ទៅដល់តំបន់ ទានប៉ៃ (Dianbai) ខេត្តក្វាងតុង ចាប់ពីរសៀលដល់យប់ថ្ងៃសុក្រ (០៦ កញ្ញា) ស្អែកនេះ។
រថភ្លើង និងទូកបានផ្អាកប្រតិបត្តិការនៅហៃណាន នៅព្រឹកថ្ងៃព្រហស្បតិ៍ ខណៈសាលារៀនជាច្រើនទូទាំងភាគខាងត្បូងប្រទេសចិន រួមទាំងនៅក្នុងមជ្ឈមណ្ឌលហិរញ្ញវត្ថុទីក្រុងហុងកុង និងមជ្ឈមណ្ឌលល្បែងទីក្រុងម៉ាកាវ ត្រូវបានបិទ។ អាជ្ញាធរក្នុងតំបន់និយាយថា រាល់ជើងហោះហើរទាំងក្នុង និងក្រៅប្រទេសពីអាកាសយានដ្ឋាន ហៃខូវ (Haikou) របស់ហៃណាន នឹងត្រូវផ្អាកចាប់ពីថ្ងៃព្រហស្បតិ៍ វេលាម៉ោង ៨យប់ រហូតដល់ពាក់កណ្តាលអធ្រាត្រ ខណៈតំបន់ឆ្នេរ និងកន្លែងទេសចរណ៍នៅតាមឆ្នេរនានាក៏ត្រូវបានបិទផងដែរ៕

-
ព័ត៌មាន4 days ago
រថយន្ដក្រុងមួយគ្រឿង សង្ស័យអ្នកបើកបរងងុយដេករេចង្កូតបុកចូលផ្ទះប្រជាពលរដ្ឋ ទាំងកម្រោល ស្ថិតនៅស្រុកចុងកាល់
-
ព័ត៌មាន1 week ago
ឧបករណ៍ប្រពៃណីខ្មែរចាប់ផ្តើមលក់ដាច់ ខណៈពិធីបុណ្យចូលឆ្នាំថ្មីខិតជិតចូលមកដល់
-
ព័ត៌មាន1 week ago
ក្រសួងការងារ៖ គិតត្រឹមម៉ោង៣៖១៥នាទីរសៀលនេះ នៅការដ្ឋានបាក់រលំអគារមួយកន្លែងនៅថៃមានពលករបរទេសប្រមាណ៣០នាក់មិនទាន់អាចដឹងថាមានជនជាតិណាខ្លះទេ
-
ព័ត៌មាន1 week ago
ក្រសួងការងារបញ្ជាកថាគិតត្រឹមល្ងាចថ្ងៃនេះ មិនមានពលរដ្ឋខ្មែររងគ្រោះថ្នាក់ដោយសារករណីរញ្ជួយដីនៅថៃនោះទេ
-
ព័ត៌មាន3 days ago
សង្រ្កាន្តនៅវិទ្យាល័យហ៊ុនសែនបរិបូណ៌ ឆ្លុះបញ្ចាំងពី វប្បធម៌ ទំនៀមទម្លាប់ ប្រពៃណី និងការអភិវឌ្ឍសមត្ថភាពរបស់យុវជនជាសហគ្រិនភាព
-
ព័ត៌មាន7 days ago
សម្តេចធិបតី ហ៊ុន ម៉ាណែត ចូលរួមសោកស្តាយជាមួយរាជរដ្ឋាភិបាលថៃ និងមីយ៉ាន់ម៉ា ក្នុងឧបទ្ទវហេតុគ្រោះធម្មជាតិរញ្ជួយដី
-
ព័ត៌មាន1 week ago
សម្ដេចធិបតី ហ៊ុន ម៉ាណែត បង្ហាញរូបថតមួយសន្លឹកជាពេលកម្ពុជាឆ្លងរាលដាលជំងឺកូវីដ១៩ ក្នុងសហគមន៍ដំបូង ហើយសម្ដេចបានចូលរួមប្រឈម និងដោះស្រាយនូវវិបត្តិនោះ
-
ព័ត៌មាន1 week ago
អបអរសាទរ! បេក្ខជន ៤៩នាក់ ទទួលបានលទ្ធផលល្អភ្លាមៗនៅក្នុងវេទិកាការងារ