កំពត៖ អភិបាលខេត្តកំពត បានណែនាំយ៉ាងម៉ឺងម៉ាត់ដល់កងកម្លាំងសមត្ថកិច្ច និងមន្ត្រីជំនាញពាក់ព័ន្ធនៅតាមច្រកទ្វារ និងប៉ុស្តិ៍ត្រួតពិនិត្យទាំងអស់ ឱ្យរឹតបន្តឹងការត្រួតពិនិត្យទំនិញនាំចូល ជាពិសេសគ្រឿងឧបភោគបរិភោគ បន្លែ និងផ្លែឈើ ដើម្បីទប់ស្កាត់ការនាំចូលចំណីអាហារមានផ្ទុកសារធាតុគីមីខុសច្បាប់ ដែលអាចប៉ះពាល់ដល់សុខភាពប្រជាពលរដ្ឋ។ នៅរសៀលថ្ងៃទី១៩ ខែឧសភា ឆ្នាំ២០២៦ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តកំពត ដើម្បីពង្រឹងការងារសន្តិសុខ សណ្តាប់ធ្នាប់សង្គម និងការគ្រប់គ្រងការនាំទំនិញចូលក្នុងភូមិសាស្ត្រខេត្តឱ្យកាន់តែមានប្រសិទ្ធភាព។ ក្នុងកិច្ចប្រជុំនោះ ឯកឧត្តមអភិបាលខេត្ត បានដាក់បទបញ្ជាយ៉ាងតឹងរ៉ឹង ដោយណែនាំឱ្យកងកម្លាំងសមត្ថកិច្ច និងមន្ត្រីជំនាញនៅតាមបណ្តាច្រកទ្វារ...
មន្ត្រីថ្នាក់ដឹកនាំ កងកម្លាំងទាំង៣ ព្រះសង្ឃ ពលរដ្ឋ សិស្ស និសិត្យ ខេត្តស្វាយរៀង ប្រមាណជាង១ពាន់អង្គ/នាក់ដឹកនាំដោយ ឯកឧត្តម ប៉េង ពោធិសា អភិបាលខេត្ត នៅថ្ងៃទី២០ខែឧសភា ឆ្នាំ២០២៦នេះបាននិមន្ត និងអញ្ជើញមកជួបជុំប្រារព្ធពិធីទិវាជាតិនៃការចងចាំ២០ឧសភា ដែលពិធីនេះបានប្រព្រឹត្តធ្វើឡើងនៅមណ្ឌលឧក្រិដ្ឋកម្មប្រលយ័ពូជសាសន៏ភូមិតាណរ សង្កាត់ស្វាយតឿ ក្រុងនិងខេត្តស្វាយរៀង។ ឯកឧត្តម ប៉េង ពោធិសា អភិបាលខេត្ត បានអញ្ជើញអានខ្លឹមសារលិខិតសម្តេចមហាបវរធិបតីហ៊ុន ម៉ាណែត នាយករដ្ឋមន្ត្រី ដែលមានខ្លឹមសារជាអាទិ៍...
ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានជួបពិភាក្សាការងារជាមួយ លោកវេជ្ជបណ្ឌិត Saia Ma’u Piukala នាយកអង្គការសុខភាពពិភពលោកប្រចាំតំបន់ប៉ាស៊ីហ្វិកខាងលិច (WHO Regional Director for the Western Pacific – WPRO) នារសៀលថ្ងៃទី១៩ ខែឧសភា ឆ្នាំ២០២៦ នៅទីក្រុងហ្សឺណែវ ប្រទេសស្វីស។ ឯកឧត្តមសាស្រ្តាចារ្យរដ្ឋមន្រ្តី បានជម្រាបជូនអង្គការសុខភាពពិភពលោកតំបន់ប៉ាស៊ីហ្វិកខាងលិច...
ក្រោយប្រទេសថៃបានបិទព្រំដែនជាឯកតោភាគី ហើយពលរដ្ឋខ្មែរបន្តធ្វើពហិការឈប់ប្រើប្រាស់ទំនិញថៃរយៈពេលជិត ១ឆ្នាំមកនេះ ដំណើរការដោះដូរទំនិញ និងការទិញលក់តាមបណ្តាផ្សារនានានៅភ្នំពេញ ដូចជាផ្សារអូរឫស្សី ផ្សារធំថ្មី និងផ្សារឈូកមាសជាដើម នៅតែរក្សាបានសភាពល្អប្រសើរ ព្រមទាំងមានសណ្តាប់ធ្នាប់ល្អប្រសើរ ខណៈសន្ទុះពហិការទំនិញថៃរបស់ពលរដ្ឋបន្តកើនឡើងខ្លាំង។ ជួបសម្ភាសន៍ជាមួយក្រុមប្រជាពលរដ្ឋដែលជាអាជីវករនៅផ្សារឈូកមាស ស្ថិតនៅខណ្ឌសែនសុខ រាជធានីភ្នំពេញ នៅព្រឹកថ្ងៃទី២០ ខែឧសភា ឆ្នាំ២០២៦នេះ ពួកគាត់បាននិយាយឱ្យដឹងថា សព្វថ្ងៃនេះតាមការមើលឃើញជាក់ស្តែង ទាំងម្ហូបអាហារ របស់របរប្រើប្រាស់ ស្លៀកពាក់ និងសម្ភារៈផ្សេងៗ គឺមានច្រើនសន្ធឹកសន្ធាប់ណាស់ ដែលមិនបង្កឱ្យមានការខ្វះខាតក្នុងការទិញលក់នោះទេ។ ក្រុមអាជីវករផ្សារ...
នាព្រឹកថ្ងៃទី២០ ខែឧសភា ឆ្នាំ២០២៦ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានអញ្ជើញជាអធិបតីក្នុងកម្មវិធីសម្ពោធឆ្លងកុដិ និងដងទង់មួយគូ ក្នុងវត្តអង្គ្រងមានជ័យសិរីឧត្តម ហៅ (វត្តអង្រ្គង) ស្ថិតនៅក្នុងភូមិអង្គ្រង ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ ។ កម្មវិធីបុណ្យនេះ មានការនិមន្ត/អញ្ជើញចូលរួមពីសំណាក់ព្រះសង្ឃ យាយជី តាជី សមាជិកព្រឹទ្ធសភា និងរដ្ឋសភា ក្រុមការងាររាជរដ្ឋាភិបាលចុះជួយក្រុង...
ក្រសួងពាណិជ្ជកម្ម សូមជម្រាបជូនសាធារណជន មេត្តាជ្រាបថា អនុព័ន្ធពាណិជ្ជកម្ម អមស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានចុះស្រាវជ្រាវដល់ទីតាំងម៉ាត ដែលបានដាក់លក់ផលិតផលផ្លែស្វាយខាងលើ និងទទួលបានការបញ្ជាក់ថា ម្ចាស់ម៉ាតបានទទួលស្គាល់ថា កន្លងមកពិតជាមានការច្រលំបិតស្លាកសញ្ញាថាជាផលិតផលរបស់កម្ពុជា នៅលើផ្លែស្វាយរបស់ថៃពិតប្រាកដមែន ប៉ុន្តែត្រូវបានកែតម្រូវរួចរាល់ហើយ។ អនុព័ន្ធពាណិជ្ជកម្មអមស្ថានឯកអគ្គរាជទូត ក៏បានណែនាំ និងដាស់តឿនដល់ម្ចាស់ម៉ាត ឱ្យមានការប្រុងប្រយ័ត្ន និងជៀសរៀងការក្លែងបន្លំប្រភពដើមថា ជាផលិតផលរបស់កម្ពុជា ដែលអាចឈានដល់ការចាត់វិធានការតាមផ្លូវច្បាប់។ ក្រសួងពាណិជ្ជកម្ម សូមបញ្ជាក់បន្ថែមទៀតជូនសាធារណជនផងដែរថា ផ្អែកតាមប្រព័ន្ធស្វ័យប្រវត្តិកម្ម វិញ្ញាបនបត្របញ្ជាក់ប្រភពដើមទំនិញ (CO Automation) របស់ក្រសួងពាណិជ្ជកម្ម...
កម្ពុជា-ហូឡង់ ប្តេជ្ញាជំរុញកិច្ចសហប្រតិបត្តិការលើវិស័យសេដ្ឋកិច្ច និងពាណិជ្ជកម្ម ឱ្យកាន់តែរីកចម្រើនខ្លាំងក្លាថែមទៀត។ ការបញ្ជាក់ការប្ដេជ្ញាចិត្តបែបនេះ ក្នុងឱកាស សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Remco Johannes van Wijngaarden ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រហូឡង់ប្រចាំកម្ពុជា និងសហការី ចូលជួបសម្តែងការគួរសម និងជម្រាបលា នៅវិមានសន្តិភាព ក្នុងឱកាសដែលឯកឧត្តមត្រូវបញ្ចប់បេសកកម្មការទូតនៅកម្ពុជានាព្រឹកថ្ងៃទី២០ ខែឧសភា ឆ្នាំ២០២៦នេះ។ ក្នុងឱកាសនៃជំនួប,...
ភ្នំពេញ៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានអះអាងថាយុវជនដែលជាប់កាតព្វកិច្ចយោធានឹងធ្វើការបណ្តុះបណ្តាលដល់ពួកគេឲ្យបានក្លាយជាធនធានមនុស្សរបស់ជាតិហើយក្នុងពេលដែលប្រទេសជាតិមានអាសន្ននោះ ពួកគាត់ទំាងនោះអាចជាកម្លាំងជួយដល់វិស័យការពារជាតិយើង។ ថ្លែងប្រាប់ទូរទស្សន៍ BTV នាព្រឹកថ្ងៃទី២០ ខែឧសភា ឆ្នាំ២០២៦នេះ ក្រោយព្រឹទ្ធសភាកម្ពុជាសម្រេចអនុម័តសេចក្តីព្រាងច្បាប់ ស្ដីពី«កាតព្វកិច្ចយោធា»នោះឯកឧត្តមនាយឧត្តមនាយឧត្តមសេនីយ៍ឯក ទៀ សីហា បានបញ្ជាក់ថា សេចក្តីព្រាងច្បាប់ស្តីពីកាតព្វកិច្ចយោធានេះនឹងអនុវត្តប្រកបដោយតម្លា ភាព និងគណនេយ្យភាពដូចទៅតាមការសំណូមពររបស់សមាជិកនៃព្រឹទ្ធសភាយ៉ាងដូច្នេះដែរ ហើយក្រសួងការពារជាតិនឹងធ្វើការព្រាងនូវអនុក្រឹត្យជាបន្តបន្ទាប់ ដើម្បីការពារដល់យុវជនជំនាន់ថ្មី នឹងអាចបានអនុវត្តកាតព្វកិច្ចយោធានេះឲ្យបានមានប្រសិទ្ធភាព ជាពិសេសគឺការផ្តល់ឱកាសដល់យុវជនជំនាន់ថ្មីនេះមានការរួមចំណែកក្នុងការការពារជាតិមាតុភូមិ។ ប្រមុខការពារជាតិកម្ពុជា...
នៅមជ្ឈមណ្ឌលប្រល័យពូជសាសន៍ជើងឯក នៅថ្ងៃនេះ រដ្ឋបាលរាជធានីភ្នំពេញ បានដឹកនាំមន្ត្រីរាជការ និងប្រជាពលរដ្ឋចាស់ក្មេងប្រមាណ៦០០០នាក់ ជួបជុំប្រារព្ធទិវាជាតិ នៃការចងចាំ ២០ ឧសភា លើកទី៩ ឆ្នាំ២០២៦ ដើម្បីគោរពវិញ្ញាណក្ខន្ធ និងធ្វើបុណ្យឧទ្ទិសកុសលដល់អ្នកដែលបានស្លាប់ក្នុងវាលពិឃាត នៃរបប ប៉ុល ពត ។ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានអានសារលិខិតសម្តេចធិបតី ហ៊ុន ម៉ាណែត នាយករដ្ឋមន្ត្រី...
សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ព្រឹកថ្ងៃទី២០ ខែឧសភា ឆ្នាំ២០២៦នេះ ប្រារព្ធ «ទិវាជាតិនៃការចងចាំ ២០ ឧសភា» ដើម្បីឧទ្ទិសកុសលដល់ដួងវិញ្ញាណក្ខន្ធជនរងគ្រោះដែលបានបាត់បង់ជីវិតក្នុងរបបកម្ពុជាប្រជាធិបតេយ្យ (ហៅថាសម័យខ្មែរក្រហម) ជាពិសេសជនរងគ្រោះ នៅអតីតមន្ទីរ ស-២១ ។ លោក នី សំណាង ប្រធានផ្នែកពិព័រណ៌ តំណាងលោក ហង្ស និស្ស័យ ប្រធានសារមន្ទីរទួលស្លែង នៃក្រសួងវប្បធម៌ និងវិចិត្រសិល្បៈ (ហៅកាត់ថា មន្ទីរ ស-២១) បានមានប្រសាសន៍ថា សារមន្ទីរឧក្រិដ្ឋកម្មប្រល័យពូជសាសន៍ទួលស្លែង បានប្រារព្ធទិវានេះតាមបែបសាសនា...