ដើមខែមីនា! ទស្សនារឿងភាគថ្មីទាំង៤នេះ លើប៉ុស្តិ៍ទូរទស្សន៍បាយ័ន អស់បារម្ភខ្លាចអផ្សុក

ដោយសង្កេតឃើញថា គ្រប់កម្មវិធីចាក់ផ្សាយរបស់ ស្ថានីយទូរទស្សន៍ បាយ័ន ទទួលបានការគាំទ្រ និងពេញចិត្តពីបងប្អូនយ៉ាងច្រើន មិនថាជាកម្មវិធីតន្ត្រី ព័ត៌មានកម្សាន្ត កំប្លែងជាដើម ពិសេសគ្រប់រឿងភាគខ្មែរ និងបរទេសសុទ្ធតែត្រូវចិត្តអ្នកទស្សនា ហើយសរសើរពេញៗមាត់តែម្ដង។

ដូច្នេះ ដើម្បីស្វាគមន៍ខែថ្មីឆាប់ៗខាងមុខនេះ ស្ថានីយទូរទស្សន៍ បាយ័ន បានត្រៀមរួចជាស្រេចនូវរឿងភាគថ្មី ល្អៗមើលជាច្រើន ដើម្បីកំដរជាការកម្សាន្តរបស់ទស្សនិកជន មានដូចខាងក្រោមនេះ៖

១. រឿងភាគបុរាណ រឿង «ពិសទាសករ» ផ្សាយជូនទស្សនារៀងរាល់ថ្ងៃច័ន្ទ |អង្គារ ⏰នៅម៉ោង ៩យប់ ចាប់ពីថ្ងៃទី ០១ ខែមីនានេះតទៅ។

២. ខ្សែរឿងជីវិត រឿង «ប៉ាបវរកញ្ញា» នឹងចាក់ផ្សាយចាប់ពីថ្ងៃទី ០៣ ខែមីនា ឆ្នាំ ២០២២  ចាក់ផ្សាយទស្សនារៀងរាល់ថ្ងៃព្រហស្បតិ៍ |សុក្រ វេលាម៉ោង៩យប់។

៣. រឿងភាគថៃ រឿង «គូស្នេហ៍វង្វេងបេះដូង» ផ្សាយជូនទស្សនារៀងរាល់ថ្ងៃច័ន្ទ |សុក្រ ⏰វេលាម៉ោង ១១ |១២ថ្ងៃត្រង់ ចាប់ពីថ្ងៃទី០២ ខែមីនានេះតទៅ។

៤. រឿងភាគបុរាណចិន រឿង «និស្ស័យស្នេហ៍និរាស» ផ្សាយជូនទស្សនារៀងរាល់ថ្ងៃចន្ទ |សុក្រ វេលាម៉ោង ១២:៣០ ដល់ ១៣:៣០ថ្ងៃត្រង់ លើកញ្ចក់ទូរទស្សន៍បាយ័ន។

អត្ថបទដោយ៖ Ha Ti