តើការពិត គ្រូពេទ្យនិងកែវ ជាបងប្អូនបង្កើតគ្នា ឬក៏អត់! កុំភ្លេចរង់ចាំទស្សនារឿង កូនឥតខាន់ស្លា រដូវកាលទី២ឆាប់ៗនេះ

បន្ទាប់ពីការទន្ទឹងរង់ចាំរបស់ហ្វេនៗអស់រយៈពេលមួយឆ្នាំ ពេលនេះអ្នកដឹកនាំរឿង«កូនគ្មានខាន់ស្លា» ដ៏ល្បីកក្រើកអ្នកទស្សនា គឺលោក ប៊ុន ចាន់ទី បានបង្ហើបឱ្យដឹងថា ខ្សែរឿងជីវិត «កូនគ្មានខាន់ស្លា» រដូវកាលទី២ នឹងចាក់ផ្សាយសប្តាហ៍ក្រោយនេះហើយ លើកញ្ចក់ទូរទស្សន៍បាយ័ន បន្ទាប់ពីរឿង«កូនប្រសាក្រៅភ្នែក» បញ្ចប់។

តារាសម្តែងល្បីៗ ដែលជាតួអង្គក្នុងរឿង«កូនគ្មានខាន់ស្លា»រដូវកាលទី១ ដូចជា លោក ម៉ឺន ឯកសុភារិទ្ធ កញ្ញា ឈិន មុន្នីនាថ កញ្ញា លឹម មួយហ្គេច លោក ហង្ស សម្បើមស័ក្ត នឹងវិលមកជួបទស្សនិកជនជាថ្មីក្នុងរដូវកាលទី២ នេះ រួមជាមួយការ​បង្ហាញមុខតួអង្គថ្មីផងដែរ។ ខ្សែរឿងជីវិត«កូនគ្មានខាន់ស្លា»រដូវកាលទី២ នឹងបង្ហាញពីជីវិតស្នេហារបស់កែវ និងសិទ្ធិបន្តទៀត ហើយបកស្រាយអាថ៍កំបាំងពិតថា តើកែវ និងសិទ្ធិជាបងប្អូនបង្កើតមានឳពុកជាមួយគ្នាពិតមែន ប្ញក៏មានអាថ៍កំបាំងអ្វីផ្សេងទៀត ដែលមិនទាន់បង្ហាញឱ្យទស្សនិកជនដឹងក្នុងរដូវកាលទី១។

ខណៈដែលខ្សែរឿងជីវិត«កូនគ្មានខាន់ស្លា»រដូវកាលទី២ កាន់តែជិតដល់ថ្ងៃចាក់បញ្ចាំងនៅសប្តាហ៍ក្រោយនេះ ហ្វេនៗដែលបានទស្សនាកាលពីរដូវកាលទី១ បាន comment បង្ហាញនូវអារម្មណ៍រំភើបក្នុងការទន្ទឹងរង់ចាំទស្សនាសាច់រឿងបន្ត។ ជាពិសេសហ្វេនៗក៏សង្ឃឹមថា កែវនិងសិទ្ធិមិនមែនជាបងប្អូនបង្កើតនឹងគ្នា ហើយបានជួបជុំគ្នាវិញ៕

ប្រភពអត្ថបទ៖ Selapaknews

កែសម្រួលដោយ៖ Ha Ti