ទូរទស្សន៍បាយ័ន និងគួបូតា បើកសង្វៀនប្រដាល់ថ្មី «ជើងឯក គូបូតា ច្ចេកវិទ្យាកសិកម្មថ្មី»

កាលពីចុងសប្តាហ៍កន្លងទៅនេះ ស្ថានីយ៍វិទ្យុ និងទូរទស្សន៍បាយ័ន និងក្រុមហ៊ុន គួបូតា (កម្ពុជា) បានបើកនូវកម្មវិធីប្រកួតថ្មីមួយទៀតដែលមានឈ្មោះថា «ជើងឯក គូបូតា ច្ចេកវិទ្យាកសិកម្មថ្មី» នៅស្ទូឌីយោស្ទឹងមានជ័យ ប្រជុំទៅដោយអ្នលលេងគុនខ្មែរកំពូលៗ។

លោក Nattawat Lertsirakiat ជាអគ្គនាយក ក្រុមហ៊ុនគូបូតា (កម្ពុជា) បានលើកឡើងដោយក្តីរំភើបរីករាយជាខ្លាំងដែលបានចូលរួមកម្មវិធីប្រដាល់ដើម្បីបង្ហាញនូវការប្រដាល់ដែលមានលក្ខណៈទំនើប និងបច្ចេកវិទ្យាថ្មី ដែលភ្ជាប់មកជាមួយនឹងឈ្មោះកម្មវិធីថ្មី គឺ «ជើងឯក គូបូតា ច្ចេកវិទ្យាកសិកម្មថ្មី»។ លោកធានាយ៉ាងមុតមាំនូវភាពសប្បាយរីករាយ និងរំភើបដូចដែលអ្នកគាំទ្ររំពឹងចង់ឃើញ។

ខណៈនោះលោកក៏បាន ថ្លែងអំណរគុណយ៉ាងជ្រាលជ្រៅចំពោះការគាំទ្រកម្មវិធីប្រដាល់ គូបូតា ដែលធ្វើឱ្យកម្មវិធីនេះក្លាយជាកម្មវិធីប្រដាល់គុនខ្មែរដ៏ពេញនិយមបំផុតនៅក្នុងប្រទេសកម្ពុជា។ ហើយសម្រាប់ឆ្នាំនេះ យើងនឹងនាំមកនូវអ្វីដែលកាន់តែសប្បាយ និងរំភើបជាមួយនឹងការប្រកួតពិសេសថ្មីចំពោះមុខនេះ។

ចំពោះលទ្ធផលថ្ងៃបើកឆាក កីឡាករ ឌុន កល្យាណ ឈ្នះកីឡាករ ជុន សែនកក្កដា ឡុង សុផា ឈ្នះកីឡាករ ធាន រាជ ពេជ្រ សុខឃីម ឈ្នះរិទ្ធ វិបុល ខណៈដែលកីឡាករ ផល សោភណ្ឌ ឈ្នះសោម វិឆ័យ៕

រៀបរៀងដោយ៖ Ha Ti