កូរ៉េខាងត្បូងប្រកាសកាន់តែម៉ឺងម៉ាត់ឡើង ចំពោះយុទ្ធនាការគម្លាតសង្គម

លោកនាយករដ្ឋមន្រ្តីជុង សៃគួន Chung Sye-kyunបានអំពាវនាវដល់ប្រជាជនកូ ឱ្យមានឆន្ទៈបន្ថែម ដើម្បីកាត់បន្ថយសកម្មភាពក្រៅផ្ទះ។

នៅថ្ងៃសៅរ៍នេះ លោកជុងបាន​លើកឡើងអំពីវិស្សមកាលនាពេលខាងមុខដែលអាចជា​ការផ្ទុះឡើងមេរោគឆ្លង​ដែលកំពុង​ស្ថិតក្នុងអត្រា​ដ៏ខ្ពស់ស្រាប់។

ដោយលើកឡើងពីវិស្សមកាលធំនឹងចាប់ផ្តើមនៅចុងខែនេះ លោកជុងបាននិយាយថា“ ខ្ញុំមានការព្រួយបារម្ភថា យុទ្ធនាការនៅគម្លាតសង្គមអាចនឹងមានគ្រោះថ្នាក់នៅចុងខែនេះ” ។

ប្រទេសកូរ៉េខាងត្បូងនឹង ប្រារព្ធខួបកំណើតរបស់ព្រះពុទ្ធនៅថ្ងៃទី ៣០ ខែមេសា ហើយ ត្រូវបន្តដោយទិវាពលកម្មអន្តរជាតិ ហើយទិវាកុមារ ធ្វើឱ្យ រដ្ឋាភិបាល ចេញ ការ ស្នើសុំឱ្យពលរដ្ឋបញ្ឈប់គម្រោង ធ្វើ សកម្មភាពក្រៅផ្ទះ នា អំឡុងពេលវិស្សមកាលទំាងបី ដើម្បីសុវត្ថិភាពសហគមន៍។ «ប្រសិនបើអ្នកមានគម្រោងធ្វើដំណើរសូមពិចារណាឡើងវិញ។ »លោកChung Sye-kyunបានអំពាវនាវ។

ប្រទេសកូរ៉េខាងត្បួងមានករណីឆ្លងថ្មីតិចជាង ៣០ នាក់ប៉ុន្តែនៅបន្តជារៀងរាល់ថ្ងៃក្នុងរយៈពេលប្រាំថ្ងៃកន្លងមក។

ចាប់តាំង​ពីថ្ងៃទី ២២ ខែមីនា រដ្ឋាភិបាលបានបង្ខំសកម្មភាពសាធារណៈទាំងអស់រួមមានសាលារៀននិងកន្លែងហាត់ប្រាណឯកជននានាផង បិទផ្អាក ដើម្បីបញ្ឈប់ការរីករាលដាលនៃមេរោគ។

លោក ជុងបានសង្កត់ធ្ងន់ថា ប្រសិនបើចលនានិងទំនាក់ទំនងក្នុងចំនោមប្រជាជនមានការកើនឡើង ចំពេលមានហានិភ័យនៃការឆ្លង យើងអាចនឹងត្រូវចំណាយច្រើនថែមទៀត ហើយ កូនៗរបស់យើងប្រហែលជាមិនអាចទៅសាលារៀនវិញបានពេញមួយ ឆមាសទីមួយនេះតែម្តង។