ព័ត៌មាន
សម្តេចតេជោ ហ៊ុន សែន ស្នើមេដឹកនាំប្រទេសអាស៊ានបូកបី ជួយចែករំលែក និងគាំទ្របច្ចេកវិទ្យាមួយចំនួនដល់កម្ពុជា ខណៈកំពុងជួបវិបត្តិកូវីដ១៩
សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានស្នើឲ្យមេដឹកនាំ ប្រទេសអាស៊ានបូកបីដែលរួមមានចិន ជប៉ុននិងកូរ៉េ ជួយចែករំលែក និងគាំទ្រ បច្ចេកវិទ្យាមួយចំនួនដល់កម្ពុជា…
នៅវិមានសន្តិភាពទីស្តីការនាយករដ្ឋមន្ត្រីរសៀលថ្ងៃទី១៤ ខែមេសានេះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានស្នើឲ្យមេដឹកនាំ ប្រទេសអាស៊ានបូកបីដែលរួមមានចិន ជប៉ុននិងកូរ៉េ ជួយចែករំលែក និងគាំទ្រ បច្ចេកវិទ្យាមួយចំនួនដល់កម្ពុជាខណៈ ដែលកំពុងជួបវិបត្តិដោយសារកូវីដ១៩។
នៅក្នុងកិច្ចប្រជុំកំពូលពិសេសអាស៊ានបូកបីស្ដីពីបញ្ហា កូវីដ១៩នេះ ជាមួយនឹងក្តីរីករាយដែលបានចូលរួមក្នុងជំនួបថ្នាក់ដឹកនាំអាស៊ានជាមួយថ្នាក់ដឹកនាំបូកបី តាមរយៈ video conference សម្ដេចបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ប្រទេសអាស៊ានបូកបីដែលបានខិតខំទប់ស្កាត់ប្រកបដោយប្រសិទ្ធភាពនូវការរីករាលដាលនៃជំងឺនេះនឹងបន្តការអនុវត្តវិធានការបង្ការប្រកបដោយប្រសិទ្ធភាពខ្ពស់។
ទន្ទឹមនេះ សម្ដេចក៏បានស្នើសុំប្រទេសអាស៊ានបូកបីពិនិត្យជួយចែករំលែកនឹងគាំទ្រផ្នែកបច្ចេកវិទ្យាលើវិស័យមួយចំនួនដូចជាវិស័យ e-government វិស័យធុរកិច្ចឌីជីថល ប្រព័ន្ធសិក្សាឌីជីថលជាដើម ដើម្បីធានានូវនិរន្តភាពនៃការអភិវឌ្ឍ។
តបនឹងការស្នើសុំ របស់ប្រមុខរាជរដ្ឋាភិបាលកម្ពុជាខាងលើនេះ បើតាម ឯកឧត្តម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រីក៏បានបញ្ជាក់ថា ជាទូទៅប្រមុខរដ្ឋាភិបាលនៃប្រទេសអាស៊ានបូកបីមិនបានឆ្លើយតបចំទាំងស្រុងទេ ក៏ប៉ុន្តែ ជារួមគឺមានការគាំទ្រធ្វើយ៉ាងណាឱ្យប្រព័ន្ធឌីជីថលនេះ ដំណើរការ ជាពិសេសធ្វើយ៉ាងណាឲ្យមានលំហូរសេដ្ឋកិច្ច មានការគាំទ្រគ្នាទៅវិញទៅមក ឲ្យមានភាពរឹងមាំនិងប្រើប្រាស់តាមប្រព័ន្ធ ឌីជីថល ដើម្បីជំរុញកិច្ចសហប្រតិបត្តិការ ជំរុញដល់វិស័យសេដ្ឋកិច្ចនិងវិស័យផ្សេងៗទៀត អោយមានដំណើរការ ជាពិសេសក្នុងការដោះស្រាយទប់ស្កាត់ការរីករាលដាលកូវីដ១៩៕
-
ព័ត៌មាន1 week agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ
-
ព័ត៌មាន1 week agoព្រឹទ្ធសភាឯកភាពទាំងស្រុងលើសេចក្តីព្រាងច្បាប់គ្រប់គ្រងរដ្ឋបាលឃុំ សង្កាត់ និងទទួលស្គាល់សមាជិកព្រឹទ្ធសភាថ្មី មណ្ឌលភូមិភាគទី៦
-
ព័ត៌មាន1 week agoក្រសួងសុខាភិបាល បើកសិក្ខាសាលាស្តីពី លទ្ធផលវាយតម្លៃប្រព័ន្ធរាយការណ៍ការចម្លងរោគ ក្នុងមូលដ្ឋានព្យាបាល និងថែទាំសុខភាព
-
ព័ត៌មាន1 week agoកងទ័ពកម្ពុជា និងអាមេរិកនឹងចាប់ផ្តើមធ្វើសមយុទ្ធ«ឆ្មាំអង្គរ»នៅខែកុម្ភៈ ឆ្នាំ២០២៧ខាងមុខនេះ
-
ព័ត៌មាន7 days agoឯកឧត្តម ហ៊ុន ម៉ានី៖ បាឋកថាជាស៊េរី ជាស្ពានផ្សារភ្ជាប់នូវគុណតម្លៃអន្តរជំនាន់ រវាងថ្នាក់ដឹកនាំជំនាន់មុន និងថ្នាក់ដឹកនាំជំនាន់ក្រោយ
-
ព័ត៌មាន1 week agoប្រធានក្រុមការងារទទួលបន្ទុកជួសជុល និងសាងសង់ឡើងវិញអគារសិក្សាដែលជាអំណោយរបស់សម្ដេចតេជោដឹកនាំក្រុមការងារចុះពិនិត្យ សិក្សា និងវាយតម្លៃស្ថានភាពអគារសិក្សានៅតាមសាលារៀនចំនួន ៩ ក្នុងឃុំរវៀង និងឃុំសំរោង ស្រុកសំរោង ខេត្តតាកែវ
-
ព័ត៌មាន1 week agoឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញប្រកាសជាផ្លូវការបណ្តាញអគ្គលេខាធិការនៃក្រសួង ស្ថាប័ន ចំណុះអង្គការនីតិប្រតិបត្តិ
-
ព័ត៌មាន1 week agoឯកឧត្តម យក់ ប៊ុនណា បង្ហាញផែនការសកម្មភាព ១០ចំណុច ជំរុញទំនើបកម្មរដ្ឋបាលសាធារណៈតាមរយៈ «បណ្តាញអគ្គលេខាធិការ»