កីឡា
ក្រុម Top-6 ត្រូវជួបគ្នាក្នុងលីគកំពូលកម្ពុជា សប្ដាហ៍ទី១៧ នាចុងសប្ដាហ៍នេះ
ការប្រកួតជម្រើសជើងឯកលីគកំពូលកម្ពុជា ឆ្នាំ២០២៤/២៥ ជុំទី២ នឹងបន្ដការប្រកួតសន្សំពិន្ទុ សប្ដាហ៍ទី១៧ នាចុងសប្ដាហ៍នេះ ស្របពេលក្រុមកំពុងឈរលេខរៀងទី១ ដល់លេខ៦ (Top-6) នឹងត្រូវជួបគ្នា គ្រាដែលក្រុម ISI ដង្កោសែនជ័យ ត្រូវសម្រាកក្នុងការប្រកួតសប្ដាហ៍នេះ។
សម្រាប់បេក្ខភាពក្រុម Top-6 ដែលត្រូវជួបគ្នា រួមមាននៅថ្ងៃទី១១ ខែមករា គឺក្រុមកំពុងឈរលេខ៣ វិសាខា ត្រូវជួបក្រុមម្ចាស់ផ្ទះអង្គរថាយហ្គឺរ ដែលកំពុងឈរលេខ៤ បណ្ដោះអាសន្ន ។ កាលពីជើងទី១ អង្គរថាយហ្គឺរ បានរងបរាជ័យក្រៅដី ២-១ ។ យ៉ាងណាជំនួបជើងទី២ នេះ ប្រធានក្លិបមានមូលដ្ឋាននៅខេត្តសៀមរាបនេះ បានដាក់គោលដៅដណ្ដើមជ័យជម្នះក្នុងដីវិញឲ្យបាន ។ រីឯការប្រកួតនៅថ្ងៃសៅរ៍ដដែល នឹងមាន ១គូទៀត រវាងក្រសួងមហាផ្ទៃ និងកងយោធពលខេមរភូមិន្ទ ដែលត្រូវជួបគ្នានៅកីឡដ្ឋាន អេអាយអេ ខេអឹមអេចផាក។
ដោយឡែកនៅថ្ងៃទី១២ ខែមករាវិញ ក្រុមកំពូលតារាង ភ្នំពេញក្រោន ត្រូវបើកទ្វារផ្ទះស្វាគមន៍ក្រុមឈរលេខ៦ ណាហ្គាវើលដ៏ បន្ទាប់ពីយកឈ្នះក្រៅដីយ៉ាងជោគជ័យក្នុងលទ្ធផល ៦-២ កាលពីជើងទី១ ។ រីឯក្រុមឈរលេខ២ ព្រះខ័នរាជស្វាយរៀង វិញ នឹងត្រូវជួបក្រុមភ្ញៀវបឹងកេត ដែលកំពុងឈរលេខរៀងទី៥ នៅកីឡដ្ឋានខេត្តស្វាយរៀង បន្ទាប់ពីយកឈ្នះក្រុមនាគខៀវ ២-១ ក្រៅដី កាលពីជើងទី១ ។ ដំណាលគ្នា នៅថ្ងៃអាទិត្យដដែល ក៏នឹងមានការប្រកួត ១គូទៀត រវាងក្រុមកំពុងឡើងជើង ឡាយហ្វខេត្តព្រះសីហនុ និងគិរីវង់សុខសែនជ័យ ផងដែរ។
គួរដឹងថា ក្រោយបញ្ចប់ការប្រកួតសប្ដាហ៍ទី១៧ លីគកំពូលកម្ពុជា នៅសល់ការប្រកួតសន្សំពិន្ទុ ៥សប្ដាហ៍ទៀតប៉ុណ្ណោះ នឹងត្រូវបញ្ចប់ជុំទី២ ដើម្បីកំណត់បេក្ខភាពឡើងវគ្គបន្ដ ស្របពេលបច្ចុប្បន្នមានបេក្ខភាព ២ក្រុម ដែលបានកក់កៅអីវគ្គ ៦ក្រុមចុងក្រោយជាផ្លូវការ រួមមានក្រុមកំពូលតារាងភ្នំពេញក្រោន និងក្រុមការពារតំណែងជើងឯក ព្រះខ័នរាជស្វាយរៀង ៕ អត្ថបទ លី ឈុនឡា

-
ព័ត៌មាន1 week ago
មានការរិះគន់នគរបាលខេត្តឧត្តរមានជ័យ ឃាត់រថយន្តឈ្នួលត្រួតពិនិត្យលិខិតឆ្លងដែន និងទារប្រាក់ ស្នងការខេត្តបញ្ជាក់ថា កំពុងស្រាវជ្រាវ
-
ព័ត៌មាន7 days ago
ស៊ុតមាន់ចំនួនជាង ២ម៉ឺន៥ពាន់គ្រាប់ នាំចូលពីប្រទេសវៀតណាម ត្រូវបានមន្រ្តីជំនាញធ្វើការឃាត់ និងដកហូត
-
ព័ត៌មាន7 days ago
ពលរដ្ឋ និងកុមារ បន្តមកចាក់វ៉ាក់សាំងកូវីដ-១៩ដូសជំរុញ នៅមណ្ឌលសុខភាពក្រាំងធ្នង់ ទប់ស្កាត់ការរីករាលដាល
-
ព័ត៌មាន2 days ago
អង្គភាពផ្តល់សេវាសាធារណៈគំរូក្នុងវិស័យសុខាភិបាលឆ្នាំ២០២៤ បានធ្វើទស្សនកិច្ចសិក្សានៅប្រទេសចិន
-
ព័ត៌មាន1 week ago
នាយឧត្តមសេនីយ៍ សៅ សុខា អញ្ជើញចុះត្រួតពិនិត្យការងារសាងសង់ព្រះមហាចេតិយ នៅវត្តច័ន្ទបុរីវង្ស
-
ព័ត៌មាន2 days ago
ក្រសួងចំនួន៣ ឯកភាពគ្នាលើចំណុចសំខាន់ៗ៣ ដើម្បីលើកកម្ពស់វិស័យកសិកម្ម ធនធានទឹក និងអភិវឌ្ឍន៍ជនបទ
-
ព័ត៌មាន1 week ago
វិស័យធំៗបីនៅកម្ពុជា មានតម្រូវការកម្លាំងពលកម្មសរុបចំនួនជិត ៧ម៉ឺនកន្លែង នៅទូទាំងប្រទេស
-
ព័ត៌មាន7 days ago
ប្រជាពលរដ្ឋឃុំខុនរ៉ង ស្រុកបរិបូណ៌ ថ្លែងអំណរគុណរាជរដ្ឋាភិបាល ដែលបានជួយផ្លូវថ្មី១ខ្សែ នាំអោយពួកគាត់ធ្វើដំណើរបានស្រួល ចំណេញពេលវេលា និងថវិកា