កសិករខេត្តស្វាយរៀងអះអាងថាការងារធ្វើស្រែប្រាំងឆ្នាំនេះទទួលបានផលចំណេញតិចតួច

ស្វាយរៀង ៖ បើទោះជាតម្លៃស្រូវនៅឆ្នាំនេះមានតម្លៃចុះថោក តែការងារធ្វើស្រែប្រដេញ និងស្រូវប្រាំងរបស់កសិករខេត្តស្វាយរៀងមានការកើនឡើងជាង៥ពាន់ហិចតាលើផែនការផលិតស្រូវរដូវប្រាំងប្រចាំឆ្នាំរបស់ខេត្តចំនួន២ម៉ឺន៥០០ហិចតា។

លោកស្រី រៀម សាវឿន ក្នុងពេលប្រមូលច្រូតកាត់ផលស្រូវ នៅក្នុងភូមិ ញរ ឃុំ ញរ ស្រុកកំពង់រោទិ៍ខេត្តស្វាយរៀង ថ្ងៃទី២០ ខែកុម្ភះ ឆ្នាំ២០២៥នេះ បានប្រាប់ ទូរទស្សន៏ BTV អោយដឹងថា ស្រូវនៅឆ្នាំនេះមានតម្លៃថោងជាងឆ្នាំមុនច្រើន ខណៈដែលឆ្នាំមុនក្រុមឈ្មួញដើរ ប្រមូលទិញស្រូវតាមវាលស្រែមានតម្លៃចាប់ពី១ពាន់ទៅ១ពាន់១០០រៀល តែសម្រាប់ឆ្នាំនេះក្រុមឈ្មួញដើរប្រមូលទិញស្រូវមកដល់វាលស្រែឲ្យតម្លៃតែ៧៥០រៀល ក្នុងមួយគីឡូក្រាម បើក្រុមគាត់ដឹកនាំយកទៅលក់ដល់គោលដៅនៅក្នុងភូមិសាស្ត្រប្រទេសវៀតណាម ក្នុងមួយគីឡូស្រូវលក់អាចលក់បាន៨៥០រៀលដែរ។

លោកស្រីបានបញ្ជាក់ថាការផលិតស្រូវនៅឆ្នាំនេះ តម្លៃដើមផលិតមានការកើតឡើង ពេលប្រមូលផលស្រូវលក់ទូទាត់មានការចំណេញតិចតួចសម្រាប់ពលរដ្ឋដែលរស់នៅនិងធ្វើស្រែកៀកនិងប្រទេសវៀតណាម តែបើអ្នកនៅឆ្ងាយហើយនាំស្រូវយកមកលក់ទូទាត់មិនរួចថ្លៃដើមទេដោយជីគីមី ថ្នាំពុលកសិកម្ម និងការដឹកជញ្ជូនមានតម្លៃខ្ពស់។ សំឡេង….

តាមរបាយការណ៍របស់មន្ទីរកសិកម្មរុក្ខាប្រមាញ់និងនេសាទខេត្តស្វាយរៀង ដែលទូរទស្សន៍ btv ទទួលបានតាមសារតេឡេក្រាម គិតមកដល់ថ្ងៃទី១៧ ខែកុម្ភះ ឆ្នាំ២០២៥នេះកសិករបានធ្វើការប្រមូលទុកដាក់ផលស្រូវប្រដេញទឹកនិងស្រែប្រាំងបានចំនួនប្រមាណ១ម៉ឺន ៧ពាន់៥តោន ក្នុងនោះកសិករក្នុងខេត្ត និងខេត្តជិតៗបាននាំស្រូវទៅកាន់ទីផ្សារវៀតណាមចំនួនតាមភូមិសាស្ត្រខេត្តមានចំនួន៤ម៉ឺន ៧ពាន់៨២៦តោន ដោយក្នុងមួយគីឡូក្រាមលក់បានតម្លៃចាប់ពី៨៥៩រៀល ទៅ៩០០រៀល ។