ព័ត៌មាន
និស្សិតសាកលវិទ្យាល័យប៊ែលធី៣០នាក់ទទួលបានវគ្គបណ្តុះបណ្តាលវិជ្ជាសង្គ្រោះបឋមពីកាកបាទក្រហមកម្ពុជា
ភ្នំពេញ ៖ សមាជិកក្លឹបយុវជន កាកបាទក្រហមកម្ពុជា នៃសាកលវិទ្យាល័យប៊ែលធីអន្តរជាតិ ចំនួន៣០នាក់ទទួលបាន វគ្គបណ្តុះ បណ្តាលវិជ្ជាសង្រ្គោះបឋម ពីមន្រ្តីកាកបាទក្រហមកម្ពុជា រយៈពេល២ថ្ងៃ ចាប់ថ្ងៃទី ២៦-២៧ ខែកុម្ភះ ឆ្នាំ២០២៥នេះ។ បន្ទាប់ពីមានអនុសាសន៍ណែនាំពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ត្រៃយ៍ កាកបាទក្រហមកម្ពុជា។
នៅចំពោះនិស្សិត យុវជន កក្រក យុវជន សសយក និង កាយឫទិ ជិត៣០០នាក់ ដែលបានចូលក្នុងឱកាសបិទ និងប្រគល់វិញ្ញាបនបត្រ វគ្គបណ្តះបណ្តាលគ្រូបង្គោលសង្គ្រោះបឋមនេះ ឯកឧត្តម លី ណាវុឌ្ឍ សាកលវិទ្យាធិការ និងជាប្រធានកិត្តិយសក្លឹបយុវជន កាកបាទក្រហមកម្ពុជា ប្រចាំសាកលវិទ្យាល័យ ប៊ែលធីអន្តរជាតិ មានប្រសាសន៍ថា នេះជាកិត្តិយសណាស់ដែល សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនប្រធាន ចាត់មន្រ្តីជំនាញផ្នែក វិជ្ជាសង្គ្រោះបឋម មកបណ្តុះបណ្តាលដល់និស្សិតចំនួន៣០នាក់នៅក្នុងសាកលវិទ្យាល័យប៊ែលធីអន្តរជាតិ បានចេះដឹងនៅជំនាញដ៏មានសារសំខាន់មួយនេះ។ ឯកឧត្តមបន្តថា បន្ទាប់ពីយុវជនទាំង៣០នាក់ចេះវិជ្ជានេះហើយ និងបន្តចែករំលែកបង្រៀនទៅដល់សាខាប៊ែលធីទាំងអស់ ដើម្បីជម្រុញ និងលើកកម្ពស់ការយល់ដឹងពីវិជ្ជាសង្គ្រោះអោយបានទូលំទូលាយ និងត្រៀមលក្ខណះក្នុងការជួយនៅពេលដែលជួបឧបទ្ឋហេតុអ្វីមួយ។
មានប្រសាសន៍ក្នុងឱកាសបិទវគ្គបណ្តុះបណ្តាលវិជ្ជាសង្រ្គោះបឋមនេះ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា បានឱ្យដឹងថា នេះជាសាកលវិទ្យាល័យទី៣ហើយ ដែលក្រុមមន្រ្តីជំនាញវិជ្ជាសង្គ្រោះបឋម កាកបាទក្រហមកម្ពុជា បានចុះបង្រៀនគ្រូបង្គោលនៅតាមគ្រឹះស្ថានឧត្តមសិក្សានៅក្នុងរាជធានីភ្នំពេញ។ លោកជំទាវបន្តថា បន្ទាប់ពីអនុវត្តតាមយុទ្ធសាស្រ្ត ដ៏ខ្ពង់ខ្ពស់របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន និង អនុសាសន៍របស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ត្រៃយ៍ នៃគណៈកម្មាធិការកណ្តាល កក្រក។ ព្រោះកន្លងមកលោកបានពិនិត្យឃើញថា នៅតាមបណ្តាសាខា និងគ្រឹះស្ថានឧត្តមសិក្សាទាំង២៥ ក្នុងរាជធានីភ្នំពេញ នៅខ្វះគ្រូបង្គោលវិជ្ជាសង្គ្រោះបឋម ទើបសម្តេចប្រធាន និង លោកជំទាវបណ្ឌិត ស្នើរឱ្យមានការបង្រៀនវិជ្ជាសង្គ្រោះបឋម ទៅដល់គ្រឹះស្ថានឧត្តមសិក្សាទាំង២៥ ក្នុងរាជធានីភ្នំពេញ និងសាខាទាំងអស់ ទៅតាមពេលវេលាសមស្របណាមួយ។ ព្រោះលោកយល់ឃើញថា ការរៀបចំអោយមាន វគ្គបណ្តុះបណ្តាលវិជ្ជាសង្គ្រោះបឋម ទៅដល់គ្រូបង្គោលនេះ គឺដើម្បីជាលើកកម្ពស់សុខភាពសាធារណៈ។ ជាពិសេសបង្កើនការយល់ដឹង អំពីការសង្គ្រោះបឋម បង្កើនការត្រៀមលក្ខណៈសង្គ្រោះបន្ទាន់ទៅដល់ជនរងគ្រោះ វគ្គនេះដែរវាក៏ជាការផ្តល់ឱកាសឱ្យអ្នកស្ម័គ្រចិត្ត បានអនុវត្តផ្ទាល់ក្នុងការជួយសង្រ្គោះបឋម និងជំរុញឱ្យមានការលើកទឹកចិត្ត មានការចូលរួមពីសហគមន៍ និងសាធារណជនទូទៅបានយល់ដឹងផងដែរ។
លោកជំទាវអគ្គលេខាធិការអោយដឹងទៀតថា ដើម្បីលើកកម្ពស់សុខភាពប្រជាពលរដ្ឋ ឈានទៅសម្រេចបាន ស្របតាមយុទ្ធសាស្ត្រ កក្រក ឆ្នាំ២០២១-២០៣០ គ្រួសារ, ស្ថាប័នសាធារណៈ, ឬវិស័យឯកជន, ត្រូវមានមនុស្សម្នាក់ចេះ វិជ្ជាសង្គ្រោះបឋម ក្នុងការសង្គ្រោះអាយុជីវិតមនុស្សឱ្យបានទាន់ពេលវេលាមុនបញ្ជូនទៅដល់មន្ទីរពេទ្យ៕ 27/2/25
អត្ថៈ សំ ងីម

-
ព័ត៌មាន1 week ago
កម្ពុជាគ្រោងនឹងទិញយន្តហោះផលិតដោយចិនផ្ទាល់ ប្រភេទC909 regional ២០គ្រឿង ខណៈ១០គ្រឿងបានបញ្ជាទិញរួចហើយ
-
ព័ត៌មាន1 week ago
ក្រសួងបរិស្ថាននឹងចាត់វិធានការច្បាប់លើការទន្រ្ទានដីនៅឧទ្យានជាតិ«គិរីរម្យ»
-
ព័ត៌មាន5 days ago
អ្នកនាំពាក្យក្រសួងការពារជាតិស្នើឱ្យគ្រប់ភាគីទាំងអស់ចៀសវាងសកម្មភាពទាំងឡាយណាដែលអាចនាំទៅដល់ការកើនឡើងនូវភាពតានតឹង និងការពង្រីកតំបន់ជម្លោះព្រំដែនកម្ពុជា និងថៃ
-
ព័ត៌មាន1 week ago
អាមេរិកផ្តល់ជំនួយម៉ាស៊ីនថតសួត ឌីជីថលមានភ្ជាប់បញ្ញាសិប្បនិម្មិតចំនួនបីគ្រឿងដល់កម្ពុជា
-
ព័ត៌មាន3 days ago
ពលរដ្ឋ ព្រះសង្ឃ និងទាហានកម្ពុជារងរបួសកើនឡើងដល់ ២៨ អង្គ/នាក់ អំឡុងពេលទាហានថៃរំលោភលើអធិបតេយ្យភាពថ្ងៃនេះ
-
ព័ត៌មាន1 week ago
លោកជំទាវបណ្ឌិត ពេជ ចន្ទមុន្នី អញ្ជើញជាអធិបតីក្នុងពិធីបើកពិព័រណ៍ជំនាញសិក្សា និងការងារឆ្នាំ២០២៥
-
ព័ត៌មាន1 week ago
តំណាងថ្មីរបស់ UNDP ប្រចាំកម្ពុជា ប្តេជ្ញាក្នុងការបន្តពង្រឹង និងពង្រីកកិច្ចសហប្រតិបត្តិការលើការអភិវឌ្ឍវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ
-
ព័ត៌មាន1 week ago
សហគ្រិនខ្មែរសហការជាមួយសាកលវិទ្យាល័យជាតិមានជ័យ ដើម្បីដំណើរការកម្មវិធី UnipreneurCamp កម្រងទី៥