សាខាកាកបាទក្រហមកម្ពុជាខេត្តស្វាយរៀងរៀបចំសន្និបាតបូកសរុប​​​លទ្ធផលការងារអាណត្តិទី៥និងបោះឆ្នោតជ្រើសរើសថ្នាក់ដឹកនាំសាខាអាណត្តិទី៦

ស្វាយរៀង ៖ សាខាកាកបាទក្រហមកម្ពុជាខេត្តស្វាយរៀនៅថ្ងៃទី១១ ខែមីនា ឆ្នាំ២០២៥ នេះ បានរៀបចំសន្និបាតសាខា អាណត្តិទី ៦ (២០២៥-២០៣០) ដែលពិធីនេះបានប្រព្រឹត្តធ្វើឡើងនៅអគារសនិ្នបាត(គជ់ស្វាយព្រៃ)សង្កាត់សង្ឃ័រ ក្រុងស្វាយរៀង ក្រោមវត្តមានលោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងមានការអញ្ជើញចូលរួមពីលោកជំទាវដួង វណ្ណា ប្រធានកិត្តិយសសាខា ឯកឧត្តម ម៉ែន វិបុល ប្រធានគណៈកម្មាធិការសាខាអាណត្តិទី៥ និងជាប្រធានអង្គសន្និបាត ព្រមទាំងមានការអញ្ជើញចូលរួម សមាជិក-សមាជិកាពេញសិទ្ធិ   មន្ត្រីបច្ចេកទេស ទីស្នាក់ការកណ្តាល ក្រុមប្រតិបត្តិសាខា យុវជនកាកបាទក្រហមកម្ពុជា សហភាពសហព័ន្ធយុវជនកម្ពុជា អ្នកស្ម័គ្រចិត្តកាកបាទក្រហមកម្ពុជា អ្នកអង្កេតការណ៏តាមមន្ទីរ អង្គភាពនានា ភ្ញៀវកិត្តិយស អង្គភាពរដ្ឋ និងអាជីវករសរុបចំនួនជាង២០០នាក់ ផងដែរ ។ គោលបំណងសំខាន់នៃសន្និបាតនេះគឺ៖ ១- ស្តាប់ កែសម្រួល និងអនុម័តរបាយការណ៍សកម្មភាពការងារ និងរបាយការណ៍ហិរញ្ញវត្ថុ ក្នុងអាណត្តិទី ៥ និងផែនការទិសដៅអនុវត្តបន្តអាណត្តិទី ៦ (២០២៥-២០៣០)២- បោះឆ្នោតជ្រើសរើសប្រធានគណៈកម្មាធិការសាខាអាណត្តិទី ៦  ៣- ប្រកាសសេចក្ដីសម្រេចតែងតាំង ប្រធាន អនុប្រធានកិត្តិយសសាខា ។ ក្នុងឱកាសនោះដែរ សន្និបាតសាខា បានបោះឆ្នោតជ្រើសរើសសមាសភាពគណៈកម្មាធិការសាខា អាណត្តិទី ៦ ដែលមានសមាសភាព១៥នាក់ (ស្ត្រី៤នាក់) ។យោងកំណត់ហេតុកិច្ចប្រជុំលើកទី ១ នៃគណៈកម្មាធិការសាខា អាណត្តិទី ៦ សម្រេចឯកភាពគ្នាជាឯកឆន្ទ ជ្រើសរើស ឯកឧត្តម ប៉េង ពោធិ៍សា ជាប្រធានគណៈកម្មាធិការសាខា ឯកឧត្តម ហែម ពិសិដ្ឋ អនុប្រធានគណៈកម្មាធិការសាខា លោកជំទាវ ហៅ ច័ន្ទសិរីទេពី ចៅ ភិរុណ អនុប្រធានគណៈកម្មាធិការសាខា លោកជំទាវ ពៅ សុភាព ហេរញ្ញិកគណៈកម្មាធិការសាខា និងលោកជំទាវ ភួង សារី ជាលេខាធិការ គណៈកម្មាធិការសាខា ។

ថ្លែងមានប្រសាសន៏បិទសន្តិបាត នាឪកាសនោះលោកជំទាវពុំ ចន្ទីនី អគ្គលេខាធិការ កាកបាទក្រហមកម្ពុជា បាននាំមកនូវបណ្តាំផ្ញើសាកសួរសុខទុក្ខ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះ ឯកឧត្តម លោកជំទាវ លោកឧកញ៉ា លោកលោកស្រីទាំងអស់ដែលអញ្ជើញមកជួបជុំបារម្ភពិធីបូកសរុបលទ្ធផលការងារមនុស្សធម៌នៅក្នុងអាណត្តិទី 5 របស់ចាខាកាកបាទក្រហមកម្ពុជានៅថ្ងៃនេះដោយក្តីនឹករលឹក។

ក្នុងនាមសម្តេចប្រធានកាកបាទក្រហមកម្ពុជា លោកជំទាវ អគ្គលេខាធិការកាកបាទក្រហមកម្ពុជា បានថ្លែងនូវការកោតសរសើរចំពោះគណះកម្មាធិការសាខាកាកបាទក្រហមកម្ពុជាខេត្តអាណត្តិទី៥ ដែលកន្លងមកបានចូលរួមអនុវត្តគោលការគ្រឹះ របស់កាកបាទក្រហមកម្ពុជា ក្នុងវិសយ័មនុស្សធម៏ ក្នុងកិច្ចការសង្គ្រោះពលរដ្ឋដែលរងផលប៉ះពាល់ដោយគ្រោះធម្មជាតិ ជាមួយនិងរាជរដ្ឋាភិបាល បានទាន់ពេលវេលា រហូតធ្វើអោយពលរដ្ឋកាន់តែមានជំនឿមកលើការដឹកនាំរបស់រាជរដ្ឋាភិបាលកម្ពុជា ដែលដឹកនាំដោយ សម្ដេចមហាបវរធិបតីហ៊ុនម៉ាណែត។

លោកជំទាវអគ្គលេខាធិការកាកបាទក្រហមកម្ពុជា នូវបានណែនាំដល់ ថ្នាក់ដឹកនាំគណះកម្មាធិការ ដែលត្រូវបានអង្គបោះឆ្នោតផ្តល់ការទុកចិត្តបន្តដឹកនាំវិសយ័ការងារមនុស្សធម៏ ត្រូវបន្តអនុវត្តការងារសេសសល់ សិក្សាស្វែងយល់ ពីវិធីរកមូលនិធិ ដើម្បីទ្រទ្រង់សកម្មភាព តាមគ្រប់មធ្យោបាយ ពិសេសសហការជាមួយរដ្ឋបាលមូលដ្ឋាន ក្នុងការស្វែងរក និងផ្តល់ស្បៀងអោយបានដល់ដៃអ្នកដែលអត់ឃ្លានពិតប្រាកដ ដើម្បីបញ្ជៀស ការគ្រោះដល់អាយុជីវិតពលរដ្ឋឈឺគ្មានការព្យាបាល និងស្លាប់ដោយអត់បាយ ។ ដោយ ៖ ភា សារិទ្ធ