អាជ្ញាធរខណ្ឌឬស្សីកែវ ដាក់ឱសានវាទ ឲ្យរុះរើស និងចល័តចេញ មិនអនុញ្ញាតឱ្យធ្វើអាជីវកម្មដាយត្រីបន្តទៀតនោះ

ភ្នំពេញ៖ អាជ្ញាធរខណ្ឌឬស្សីកែវ ទុករយៈពេលដល់ ថ្ងៃទី៣០ ខែមិនា ឆ្នាំ ២០២៥ ឲ្យម្ចាស់ដាយត្រីរុះរើស និងចល័តមិនអនុញ្ញាតឱ្យធ្វើអាជីវកម្មដាយត្រីបន្តទៀតនោះឡើយ ក្នុងករណី មិនសហការ មិនអនុវត្តតាមការណែនាំរបស់រដ្ឋបាលខណ្ឌឫស្សីកែវនិងអនុវត្តវិធានការរដ្ឋបាល។

ជាក់ស្ដែងនៅ នៅថ្ងៃអង្គារ ទី១១ ខែមិនា ឆ្នាំ២០២៥ លោក ឌន ដាវុឌ នាយករងរដ្ឋបាលខណ្ឌឫស្សីកែវ ដោយទួលបានការណែនាំរបស់លោក ជិន ប៊ុនធឿន អភិបាល នៃគណៈអភិបាលខណ្ឌឫស្សីកែវ បានដឹកនាំមន្រ្តីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈ មន្ត្រីការិយាល័យសេដ្ឋកិច្ច និងអភិវឌ្ឍន៍សហគមន៍ នាយសង្កាត់រដ្ឋបាលជល់ផលច្រាំងចំរេះ សង្កាត់ច្រាំងចំរេះទី១ និងសង្កាត់ស្វាយប៉ាក់ ចុះត្រួតពិនិត្យ ដាយត្រីដែរមាននៅក្នុងភូមិសាស្រ្តខណ្ឌឬស្សីកែវ ដោយដាយត្រីសរុបចំនួន ១៣ទីតាំង ដែរមានច្បាប់អនុញ្ញាត ក្នុងការចុះពិនិត្យជាក់ស្ដែងឃេីញថាមានដាយត្រីមានចំនួន ១០ ទីតាំងប៉ុណ្ណោះ ស្ថិតនៅភូមិសាស្រ្ត ខណ្ឌឫស្សីកែវ។

ក្នុងយុទ្ធនាការចុះត្រួតពិនិត្យនេះ ក្រុមការងារបានណែនាំ ឲ្យម្ចាស់ដាយត្រីរុះរើស និងចល័តយ៉ាងយូរត្រឹមថ្ងៃផុតកំណត់ឱ្យធ្វើអាជីវកម្មដាយត្រីដែលត្រូវជាថ្ងៃទី៣០ ខែមិនា ឆ្នាំ ២០២៥ ហើយក្នុងប្រសិនបើម្ចាស់ដាយត្រីមិនសហការមិនអនុវត្តតាមការណែនាំរបស់រដ្ឋបាលខណ្ឌឫស្សីកែវនិងអនុវត្តវិធានការរដ្ឋបាលនិងមិនទទួលខុសត្រូវចំពោះការខូចខាតឬបាត់បង់ផលប្រយោជន៍អ្វីឡើយ៕

អត្ថបទ៖ កុម្ភៈ