ផ្លែឈើចម្រុះនៅខេត្តស្វាយរៀងត្រូវបានម្ចាស់ចំការធ្វើការប្រមូលផលជាបណ្តើរខ្លះៗហើយ

ស្វាយរៀង ៖ ដំណាំផ្លែឈើហូបផ្លែជាផលិតផលថ្មីមួយមុខបន្ថែមទៀតរបស់ខេត្តស្វាយរៀង បន្ទាប់ពីដំណាំស្រូវ បន្លែ និងសត្វ ក្នុងការរួមចំណែកអភិវឌ្ឍន៍សេដ្ឋកិច្ចគ្រួសារ និងសង្គមជាតិ បច្ចុប្បន្នដំណាំទាំងនោះត្រូវបាន ធ្វើការប្រមូលផលខ្លះៗហើយ បន្ទាប់ពីម្ចាស់ចំការមានចំណាប់អារម្មណ៍ធ្វើការដាំដុះជាលក្ខណៈប្រមូលផ្ដុំ។

លោក ផិត ដាលឿ តំណាំងម្ចាស់ចំការដំណាំផ្លែឈើហូបផ្លែចម្រុះជាង៨០ហិចតាហិចតា ស្ថិតក្នុងឃុំសំបូរ ស្រុករមាសហែក ខេត្តស្វាយរៀង បានប្រាប់ទូរទស្សន៍BTV នៅថ្ងៃទី១៦ ខែមិនា ឆ្នាំ២០២៥នេះថា អនុវត្តគោលការណ៍រួមចំណែកទប់ស្កាត់ការនាំផ្លែឈើ ចូលពីប្រទេសជិតខាងសម្រាប់បំរើការហូបចុករបស់ពលរដ្ឋ តាមរយះដាំដុសក្នុងចំការរបស់លោក​ ពីឆ្នាំ២០១៣ បច្ចុប្បន្នដំណាំទាំងនោះ មានត្របែក ក្រូច និងផ្លែឈើហូបផ្លែផ្សេងៗទៀតបានធ្វើការប្រមូលផលជាបណ្តើរៗហើយ ពិសេសដំណាំធូរេន និងត្រៀមប្រមូលផលដែរបន្ទាប់គ្រួសារគាត់បានដាំដុះរយះពេល៤ឆ្នាំកន្លងមក។

តំណាងចំការផ្លែឈើរូបនេះ បានអំពាវនាវដល់ពលរដ្ឋនៅគ្រប់មជ្ឈដ្ឋានក្នុងនិងក្រៅខេត្តសូមគាំទ្រផ្លែឈើហូបផ្លែខេត្តស្វាយរៀង ពិសេសសូមអញ្ជើញ បងប្អូនក្នុងនិងក្រៅខេត្តចូលមកលេងកំសាន្ត ខណៈដែលនៅក្នុងតំបន់ចំការមានការរៀបចំ ទីតាំងចម្ការទៅជារម្មណីដ្ឋានដើម្បីអោយបងប្អូនទស្សនាចំការបន្ធូអារម្មណ៏ ពិសេសទំនាក់ទំនងក្នុងការបញ្ជាទិញផ្លែឈើ ដើម្បីយកទៅលក់បន្ត នៅរាជធានីភ្នំពេញ ខេត្តក្នុងភូទាំងប្រទេស ។