កីឡា
ភ្នំពេញក្រោន ឈរចាំវិសាខា និង Tiffy Army ក្នុងវគ្គ ១/២ ផ្ដាច់ព្រ័ត្រពានសម្ដេចតេជោ-ថ្នាក់ជាតិ
ការប្រកួតបាល់ទាត់ដណ្ដើមពានរង្វាន់សម្ដេចអគ្គមហាសេនាបតីតេជោ ហ៊ុន សែន ឬពាន Hun Sen Cup លើកទី១៨ ឆ្នាំ២០២៤/២៥ (ថ្នាក់ជាតិ) បានរកឃើញបេក្ខភាពឡើងវគ្គពាក់កណ្ដាលផ្ដាច់ព្រ័ត្រ ១ក្រុមហើយ គឺក្រុមភ្នំពេញក្រោន ដែលត្រូវឈរចាំក្រុមឈ្នះ រវាងក្រុមវិសាខា និងសមាគមកីឡាបាល់ទាត់កងយោធពលខេមរភូមិន្ទ(Tiffy Army)។
ភ្នំពេញក្រោន បានឡើងកក់កៅអីវគ្គពាក់កណ្ដាលផ្ដាច់ព្រ័ត្រមុនគេ បន្ទាប់ពីសរុបលទ្ធផល ២ជើង បានយកឈ្នះក្រុមណាហ្គាវើលដ៏ ៤-១ ក្រោយបញ្ចប់ការប្រកយតជើងទី២ លើទឹកដីរបស់ខ្លួន កាលពីចុងសប្ដាហ៍កន្លងទៅ បានភ្លាត់ចាញ់ក្រុមលោក ឃឹម បូរី វិញ ១-០ ដែលធ្វើសម្រេចដោយកីឡាករ វ៉ាន់ តៃឡាម៉ី នៅនាទី៩០ ។ យ៉ាងណាបរាជ័យនេះ មិនអាចរារាំងដំណើរអតីតក្រុមជើងឯកឆ្នាំ២០០៨ និងឆ្នាំ២០០៩ ឡើងវគ្គបន្ដបានឡើយ ដោយសារជើងទី១ ភ្នំពេញក្រោន បានយកឈ្នះម្ចាស់ផ្ទះណាហ្គាវើលដ៏ រហូតដល់ ៤-០ នៅកីឡដ្ឋានខេត្តកំពង់ស្ពឺ ។
ជាមួយលទ្ធផលនេះដែរ ភ្នំពេញក្រោន គឺត្រូវឈរចាំគូប្រកួតរបស់ខ្លួន នៅក្នុងវគ្គពាក់កណ្ដាលផ្ដាច់ព្រ័ត្រ នៃពានរង្វាន់សម្ដេចតេជោ ហ៊ុន សែន-ថ្នាក់ជាតិ រវាងក្រុមវិសាខា និងក្រុមកងយោធពលខេមរភូមិន្ទ ដែលត្រូវប្រកួតកាត់សេចក្ដីជើងទី២ ក្នុងវគ្គ ៨ក្រុមចុងក្រោយ នាថ្ងៃទី២ ខែមេសាខាងមុខ បន្ទាប់ពីជើងទី១ ក្រុមទាំងពីរនេះ បានប្រកួតស្មើគ្នា ២-២ នៅកីឡដ្ឋានស្ដាតចាស់ ។ រីឯបេក្ខភាពដណ្ដើមកៅអីវគ្គ ១/២ ផ្ដាច់ព្រ័ត្រ ២គូផ្សេងទៀត ក៏នឹងត្រូវប្រកួតកាត់សេចក្ដីជើងទី២ នៅថ្ងៃជាមួយគ្នានោះដែរ រវាងព្រះខ័នរាជស្វាយរៀង ជាមួយគិរីវង់សុខសែនជ័យ និងបឹងកេត ជាមួយ ISI ដង្កោសែនជ័យ បន្ទាប់ពីជើងទី១ ព្រះខ័នរាជស្វាយរៀង និងបឹងកេត បានយកឈ្នះក្រៅដី ២-០ ដូចគ្នា ៕អត្ថបទ លី ឈុនឡា



-
ព័ត៌មាន6 days agoកិច្ចព្រមព្រៀងសន្តិភាពកម្ពុជា-ថៃ នឹងត្រូវចុះហត្ថលេខានៅចុងខែនេះ ដោយមានប្រធានាធិបតីអាម៉េរិកជាសាក្សី
-
ព័ត៌មាន1 week agoក្រោយស្ងប់ស្ងាត់៣យប់ ថៃ បន្តចាក់សំឡេងរំខានអ្នកភូមិជោគជ័យ ដែលមានកម្រិតរលកសំឡេងខ្ពស់បំផុត
-
ព័ត៌មាន6 days agoតំណាងរាស្រ្តមណ្ឌលខេត្តបន្ទាយមានជ័យ អញ្ជើញចុះសួរសុខទុក្ខកងកម្លាំងជួរមុខ និងប្រជាពលរដ្ឋរស់នៅភូមិព្រៃចាន់
-
ព័ត៌មាន1 day agoកំណាត់ផ្លូវជាតិលេខ២៣ (ផ្លូវកាត់ពីកោះធំទៅលើកដែក) ប្រវែង១៩,៨ គីឡូម៉ែត្រ ស្ថាបនារួចរាល់ហើយ!
-
ព័ត៌មាន1 week agoប្រធាន AmCham៖ ទំនិញអាម៉េរិកនឹងហូរចូលកម្ពុជាកាន់តែច្រើនជំរុញកំណើនពាណិជ្ជកម្មប្រទេសទាំងពីរ
-
ព័ត៌មាន1 week agoសម្ដេចតេជោ បដិសេធ ព័ត៌មានមួលបង្កាច់ របស់ អ្នកនាំពាក្យក្រសួងការពារជាតិថៃ
-
ព័ត៌មាន6 days agoទាហានកម្ពុជា ១៨ នាក់ដែលថៃចាប់ទៅ នឹងត្រូវដោះលែងក្នុងពេលឆាប់ៗនេះ
-
ព័ត៌មាន1 week agoសាច់បង្កកលួចនាំចូលពីថៃ ជិត ១តោន បានដុតកម្ទេចចោល មុនេះ ខណៈឃាត់ខ្លួនបានមនុស្ស ៣នាក់