ពលរដ្ឋខេត្តស្វាយរៀងថ្លែងអំណរគុណចំពោះរាជរដ្ឋាភិបាលដែលបានស្ថាបនាផ្លូវក្រាលកៅស៊ូ១ខ្សែត្រៀមដាក់អោយពួកគាត់ប្រើប្រាស់

ស្វាយរៀង ៖ ផ្លូវជាតិក្រាលកៅស៊ូប្រភេទDBST ស្ថិតនៅក្នុងឃុំចំបក់ ស្រុកស្វាយជ្រំ ខេត្តស្វាយរៀងដែលជាគម្រោងរបស់រាជរដ្ឋាភិបាលត្រូវបានត្រៀមដាក់អោយពលរដ្ឋប្រើប្រាស់ បន្ទាប់ពីក្រុមការងារមន្ទីរសាធារណៈការនិងដឹកជញ្ជូនខេត្តស្ថាបនាសម្រេចបានប្រមាណជាង៥០%ហើយ។

តំណាងពលរដ្ឋឃុំចំបក់ ស្រុកស្វាយជ្រំ ខេត្តស្វាយរៀងលោកសៅ ឆូយ និងលោកស្រី ស្រី ម៉ៅ នៅថ្ងៃទី១៨ ខែមិនា ឆ្នាំ២០២៥នេះ បានមានចំណាប់អារម្មណ៏ដោយសំដែងនូវការសប្បាយរីករាយ និងគោរពថ្លែងអំណរគុណចំពោះ រាជរដ្ឋាភិបាល សម្តេចមហាបវរធិបតី ហ៊ុន ម៉ាណែត ដែលសម្តេចបានគិតគូរស្ថាបនាផ្លូវក្រាលកៅស៊ូឆ្លងកាត់ភូមិ ឃុំរបស់ពួកខ្ញុំ ខណ:ដែលកាលពីមុននៅក្នុងភូមិឃុំ របស់ពួកយើងខ្ញុំ ពិបាកក្នុងការធ្វើដំណើរនិងផ្លាស់ប្តូរទំនិញខ្លាំងណាស់ ហើយពុំមានផ្លូវល្អសម្រាប់ប្រើប្រាស់នោះទេ ។

លោក យន់ រស្មី ប្រធានមន្ទីរសាធារណៈការនិងដឹកជញ្ជូនខេត្តបានបញ្ជាក់ប្រាប់BTV តាមសាតេឡេក្រាមអោយ ដឹងថា ក្នុងរយះពេល៣ខែឆ្នាំ២០២៥នេះមន្ទីរ ក្រោមការជំរុញរបស់ក្រសួង និងរដ្ឋបាលខេត្ត ថ្នាក់ដឹកនាំនិងមន្ត្រីរាជការ បានចុះធ្វើការងារជួសជុល និងស្ថាបនាផ្លូវលេខ៣១៤ បេ ក្រាលកៅស៊ូប្រភេទ DBST បានប្រវែង២ពាន់១០០ម៉ែត្រ ផ្លូវខេត្តលេខ៣១៤ បេ និង៣១៤ អា ប្រភេទ ReseaI (SBST) បានប្រវែង៥ពាន់៩០០ម៉ែត្រថែទាំជាប្រចាំផ្លូវជាតិ និងផ្លូវខេត្ត កៅស៊ូគ្រប់ប្រភេទ និងដីល្បាយថ្ម បានប្រវែងជាង៤០គីឡូម៉ែត្រ ដោយឡែកការងារស្ថាបនាផ្លូវថ្មីស្ថិតនៅក្នុងឃុំចំបក់បច្ចុប្បន្ន ក្រុមការងារសម្រេចបានជាង៥០% និងបញ្ចាប់មុនចំណាប់ឆ្នាំ២០២៥ខាងមុខនេះ ។ ដោយ ៖ ភា សារិទ្ធ