ព័ត៌មាន
មជ្ឈមណ្ឌលជាតិផ្តល់ឈាមរំពឹងអាចប្រមូលឈាមបានច្រើនសម្រាប់ចែកចាយដល់មន្ទីរពេទ្យនានា
ប្រធានមជ្ឈមណ្ឌលជាតិផ្តល់ឈាម បង្ហាញនូវសុទិដ្ឋិនិយមខ្ពស់ នៅលើការប្រមូលឈាមក្នុងឆ្នាំ២០២៥ នេះ ដែលនិងអាច ប្រមូលឈាមបានច្រើនសម្រាប់ការចែកចាយដល់មន្ទីរពេទ្យ ខណៈនៅក្នុងរយៈពេលជិត ៣ ខែ ដើមឆ្នាំនេះ មានសប្បុរសជនជាច្រើន បានកំពុងបន្តបានចូលរួមបរិច្ចាគឈាម។
លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម ក្រសួងសុខាភិបាល លើកឡើងនៅក្នុងកម្មវិធីបរិច្ចាកឈាមប្រ ចាំឆ្នាំ២០២៥ ដោយស្ម័គ្រចិត្ត នៃថ្នាក់ដឹកនាំ និងមន្រ្តីរាជការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី ២០ ខែមីនា ឆ្នាំ២០២៥ នេះថា នៅដើមឆ្នាំ២០២៥នេះ ឃើញថា មានសប្បុរជនបានចូលរួមបរិច្ចាកឈាមជាច្រើន ជាក់ស្តែងថ្ងៃទី ១៤ មីនា កន្លងមកនេះ មជ្ឈមណ្ឌលជាតិទទួលបានឈាមជាង ១.១០០ សាក់ បន្ទាប់មកនៅថ្ងៃទី ១៨ ប្រមូលបានជាង ១.២០០ សាក់ បន្ថែមទៀត នេះគឺជាតួរលេខមួយខ្ពស់ ដែលជាការបង្ហាញពីការចូលរួមដោយស្ម័គ្រចិត្ត ក្នុងនោះមជ្ឈមណ្ឌលជាតិបាននិងកំពុងបន្ត បេសកម្មរបស់ខ្លួន នៅតាមបណ្តាក្រសួង-ស្ថាប័ន និងបណ្តាវិស័យឯកជនផ្សេងៗ ក្នុងគោលបំណងប្រមូលឈាមឱ្យឆ្លើយតប សម្រាប់ ការចែកចាយតាមមន្ទីពេទ្យនានា។
តាមរយៈនៃការចូលរួមបរិច្ចាកឈាមដោយស្ម័គ្រចិត្តនេះ លោកវេជ្ជបណ្ឌិត រំពឹងថា នៅក្នុងឆ្នាំ២០២៥ មជ្ឈមណ្ឌលជាតិផ្តល់ ឈាមនឹងទទួលបានឈាមច្រើន ខណៈអត្រានៃការចូលរួមបរិច្ចាកឈាមដោយស្ម័គ្រចិត្តនៅមានកម្រិតក៏ដោយ តែទោះបីយ៉ាងណាការ ចូលរួមពីសប្បុរជន នឹងអាចធ្វើឱ្យក្រសួងសុខាភិបាល អាចសម្រេចបាននៅក្នុងគោលដៅផែនការយុទ្ធសាស្រ្ត ដែលបានកំណត់ក្នុង រង្វង់ ២៥ ភាគរយ។
នៅក្នុងកម្មវិធីបរិច្ចាកឈាមនេះ, ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ លើកឡើងថា ការចូលរួមបរិច្ចាកឈាមរបស់ថ្នាក់ដឹកនាំ និងមន្រ្តីរាជការក្រោមឱវាទិ៍ក្រសួង ពិតជាមានសារៈសំខាន់ណាស់ ព្រោះការបរិច្ចាកឈាមរបស់អស់លោកអ្នក គឺមិនមែនយកទៅជួញដូរ ឬការធ្វើអាជីវកម្មណាមួយនោះឡើយ ពោលគឺការជួយដល់មន្ទីរ ពេទ្យដែលកំពុងមានតម្រូវការឈាម ដែលតាមរយៈនេះ អាចចាត់ទុកថា ជាការចូលរួមលើកស្ទួយការងារសង្គម និងជាការបង្ហាញនូវ សកម្មភាពមនុស្សធម៌ដ៏មានតម្លៃ ខណៈដែលសង្គមកំពុងមានតម្រូវការឈាម ដើម្បីជួយដល់អ្នករងគ្រោះ និងងាយរងគ្រោះ ក្នុងនោះ ការចូលរួមបរិច្ចាកឈាម ក្រសួងនឹងមានសកម្មភាពជាបន្តបន្ទាប់ទៀត ក្នុងការចូលរួមគាំទ្រអំពីតម្រូវការឈាមនេះ៕អត្ថបទ៖ សុន រ៉ាឌី

-
ព័ត៌មាន3 days ago
រថយន្ដក្រុងមួយគ្រឿង សង្ស័យអ្នកបើកបរងងុយដេករេចង្កូតបុកចូលផ្ទះប្រជាពលរដ្ឋ ទាំងកម្រោល ស្ថិតនៅស្រុកចុងកាល់
-
ព័ត៌មាន1 week ago
សម្តេចតេជោ ហ៊ុន សែន អះអាងថា បងប្រុសសម្ដេច (ឯកឧត្តម ហ៊ុន សាន) នៅមានជីវិត
-
ព័ត៌មាន1 week ago
ឧបករណ៍ប្រពៃណីខ្មែរចាប់ផ្តើមលក់ដាច់ ខណៈពិធីបុណ្យចូលឆ្នាំថ្មីខិតជិតចូលមកដល់
-
ព័ត៌មាន1 week ago
ក្រសួងការងារ៖ គិតត្រឹមម៉ោង៣៖១៥នាទីរសៀលនេះ នៅការដ្ឋានបាក់រលំអគារមួយកន្លែងនៅថៃមានពលករបរទេសប្រមាណ៣០នាក់មិនទាន់អាចដឹងថាមានជនជាតិណាខ្លះទេ
-
ព័ត៌មាន1 week ago
ក្រសួងការងារបញ្ជាកថាគិតត្រឹមល្ងាចថ្ងៃនេះ មិនមានពលរដ្ឋខ្មែររងគ្រោះថ្នាក់ដោយសារករណីរញ្ជួយដីនៅថៃនោះទេ
-
ព័ត៌មាន3 days ago
សង្រ្កាន្តនៅវិទ្យាល័យហ៊ុនសែនបរិបូណ៌ ឆ្លុះបញ្ចាំងពី វប្បធម៌ ទំនៀមទម្លាប់ ប្រពៃណី និងការអភិវឌ្ឍសមត្ថភាពរបស់យុវជនជាសហគ្រិនភាព
-
ព័ត៌មាន6 days ago
សម្តេចធិបតី ហ៊ុន ម៉ាណែត ចូលរួមសោកស្តាយជាមួយរាជរដ្ឋាភិបាលថៃ និងមីយ៉ាន់ម៉ា ក្នុងឧបទ្ទវហេតុគ្រោះធម្មជាតិរញ្ជួយដី
-
ព័ត៌មាន1 week ago
សម្ដេចធិបតី ហ៊ុន ម៉ាណែត បង្ហាញរូបថតមួយសន្លឹកជាពេលកម្ពុជាឆ្លងរាលដាលជំងឺកូវីដ១៩ ក្នុងសហគមន៍ដំបូង ហើយសម្ដេចបានចូលរួមប្រឈម និងដោះស្រាយនូវវិបត្តិនោះ