ព័ត៌មាន
ឧបនាយករដ្ឋមន្ត្រី នេត សាវឿន អំពាវនាវក្រសួងស្ថាប័ន និងថ្នាក់ក្រោមជាតិត្រូវយកចិត្តលើកម្មវិធីផ្ដល់ជំនួយសង្គម
ភ្នំពេញ៖ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានអំពាវនាវដល់ក្រសួងស្ថាប័នពាក់ព័ន្ធ ជាពិសេសរដ្ឋបាលថ្នាក់ក្រោមជាតិគ្រប់លំដាប់ថ្នាក់ ត្រូវបន្តបង្កើនការយកចិត្តទុកដាក់ និងពង្រឹងការអនុវត្តកម្មវិធីជាតិ ជំនួយសង្គមក្នុងកញ្ចប់គ្រួសារ សំដៅជួយឲ្យចំគោលដៅនៃគ្រួសារជាជនរងគ្រោះ និងមានជីវ ភាពខ្វះខាតពិតប្រាកដ ។
ក្នុងឱកាសអញ្ជើញបិទសន្និបាតបូកសរុបលទ្ធផលការងារ ឆ្នាំ២០២៤ និងលើកទិសដៅ ការងារឆ្នាំ២០២៥ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២៦ ខែ មីនា ឆ្នាំ២០២៥ ឯកឧត្តមឧបនាយករដ្ឋមន្ត្រី មានប្រសាសន៍ថា ក្រសួងសង្គមកិច្ច ត្រូវពង្រឹង ការអនុវត្តកម្មវិធីជំនួយសង្គមជាសាច់ប្រាក់ ក្នុងការបណ្ដុះបណ្ដាលវិជ្ជាជីវៈទៅដល់យុវជន នៃ គ្រួសារ ដែលមានបណ្ណសមធម៌ និងបណ្ណងាយរងហានិភ័យ បន្ទាប់ពីក្រសួងការងារ និងបណ្ដុះ បណ្ដាលវិជ្ជាជីវៈ បានចុះឈ្មោះ ហើយជំរុញការផ្សព្វផ្សាយកម្មវិធីនេះ ដល់យុវជនមានពិការ ភាព បានចុះឈ្មោះចូលរៀន សំដៅបង្កឱកាសស្មើគ្នា ជូនដល់ពួកគាត់ ក្នុងការទទួល បានការ អភិវឌ្ឍជំនាញ និងការបង្កើនប្រាក់ចំណូល ស្របតាមស្ថានភាព និងកម្រិតជីវភាពរស់នៅប្រចាំ ថ្ងៃ ។
ឯកឧត្តមបានបន្តថា ក្រសួងស្ថាប័នពាក់ព័ន្ធ និងអាជ្ញាធរគ្រប់លំដាប់ថ្នាក់ ត្រូវតែត្រៀម លក្ខណៈសម្បត្តិជាមុន ក្នុងការអនុវត្តកម្មវិធីកិច្ចគាំពារសង្គម ឆ្លើយតបនឹងគ្រោះមហន្តរាយ ក្នុងករណីមានគ្រោះអាសន្នជាយថាហេតុណាមួយកើតឡើង ដើម្បីអន្តរាគមន៍ជួយដល់គ្រួសារ រងគ្រោះ និងងាយរងហានិភ័យបានទាន់ពេលវេលា និងមានប្រសិទ្ធភាព ។
ឯកឧត្តមឧបនាយករដ្ឋមន្ត្រី បានសង្កត់ធ្ងន់ថា ក្រសួងសង្គមកិច្ច និងក្រសួង-ស្ថាប័ន ពាក់ព័ន្ធ ពិសេសរដ្ឋបាលថ្នាក់ក្រោមជាតិគ្រប់លំដាប់ថ្នាក់ ត្រូវបន្តបង្កើនការយកចិត្តទុកដាក់ និងពង្រឹងការអនុវត្តកម្មវិធីជាតិ ជំនួយសង្គមក្នុងកញ្ចប់គ្រួសារ សំដៅធានាគាំទ្រផ្នែកជីវភាព និងផ្ដល់ឱកាសដល់ក្រុមគោលដៅ ដែលជាជនងាយរងគ្រោះ អាចស្ថិតលើគន្លង នៃការចាក ចេញពីភាពក្រីក្រ ព្រមទាំងពង្រីកវិសាលភាព នៃកម្មវិធីនេះ ឲ្យគ្របដណ្ដប់គ្រប់អ្នកទទួលផល ទាំងអស់ ។
ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា មាន ប្រសាសន៍ថា ក្រោយពីបានស្ដាប់នូវកិច្ចអន្តរាគមន៍នានា នៃសន្និបាត ក្រសសួងបានរកឃើញ កិច្ចប្រឈមដែលត្រូវយកចិត្តដាក់បន្ត គឺរួមមានដោះស្រាយបញ្ហាជនអនាថា ការងារព្យាបាល និងបន្សាបអ្នកញៀនគ្រឿងញៀន ការងារវិមជ្ឈការ និងវិសហមជ្ឈការ និងការអនុវត្តភារកិច្ច ផ្ទេរមុខងារគ្រប់គ្រងសេវាថែទាំកុមារ នៅថ្នាក់ក្រោមជាតិ ការងារថែទាំជំនួស ចំពោះកុមារការ ងារ បណ្ដុះបណ្ដាលកម្លាំងសេវាសង្គម កម្មវិធីជាតិជំនួយសង្គម របបសន្តិសុខសង្គម ការងារ សមាគមមនុស្សចាស់ ការងារវិស័យពិការភាព ការងារអភិបាលកិច្ច៕ អត្ថបទ បាន សុខរិទ្ធិ

-
ព័ត៌មាន6 days ago
ក្រុមអ្នកស្រាវជ្រាវរកឃើញកំណត់ត្រាថ្មីសម្រាប់ពិភពលោក គឺខ្យងគោក ឬ «ខ្យងឧទយាទិត្យ» នៅភ្នំបាណន់ ខេត្តបាត់ដំបង
-
ព័ត៌មាន7 days ago
រដ្ឋមន្រ្តីក្រសួងកសិកម្ម ស្នើរួមគ្នាអភិរក្សធនធានធម្មជាតិនៅក្នុងប្រទេសកម្ពុជាឱ្យបានគង់វង្ស
-
ព័ត៌មាន6 days ago
ស្ពានខ្ពស់ជាគេលើកំណាត់ផ្លូវជាតិលេខ១០ នឹងបើកឱ្យឆ្លងកាត់បណ្តោះអាសន្ន ចាប់ពីថ្ងៃទី ១១-១៧ ខែមេសា ឆ្នាំ២០២៥ នាឱកាសនៃពិធីបុណ្យចូលឆ្នាំថ្មី ប្រពៃណីជាតិខ្មែរ
-
ព័ត៌មាន6 days ago
សម្ដេចតេជោ៖ «ពេលនេះខ្ញុំពិតជាកំពុងមានទុក្ខធ្ងន់ម្ខាងភរិយាត្រូវវះកាត់ និងម្ខាងបងប្រុសទីមួយក៏កំពុងឈឺធ្ងន់»
-
ព័ត៌មាន1 week ago
ចាប់ពីខែធ្នូ២០២៤ដល់ថ្ងៃទី១៧ ខែមីនាឆ្នាំនេះ ក្រសួងធនធានទឹកអន្តរាគមន៍បូមទឹកសង្គ្រោះស្រូវប្រាំង កសិករបានជាង ៩៣១៣៣ ហិកតាក្នុងក្របខ័ណ្ឌទូទាំងប្រទេស
-
កីឡា6 days ago
លោក Koji រំពឹងកូនក្រុមលេងបានល្អ ទល់ក្រុមអារូបា ដែលជាបទពិសោធន៍ថ្មី សម្រាប់ក្រុមគោព្រៃកម្ពុជា
-
កីឡា6 days ago
វគ្គផ្ដាច់ព្រ័ត្រជើងឯកបាល់ទាត់ក្នុងសាលរាជធានីភ្នំពេញ នឹងប្រកួតនៅពហុកីឡដ្ឋានជាតិមរតកតេជោ
-
ព័ត៌មាន7 days ago
ដឹងច្បាស់ហើយករណីសង្ស័យផ្ទុះមីនតោន ចំកណ្តាលផ្ទះវីឡាតឿនៅក្រុងបាវិតគឺផ្ទុះដោយផាវគ្រាប់បែកនិងកាំជ្រួច