​​លោកជំទាវបណ្ឌិត ពេជ ចន្ទមុនី សន្យាប្រឹងប្រែងរកជំនួយបន្ថែម ដើម្បីជួយដល់ការងារមនុស្សធម៌នៅកម្ពុជា

ភ្នំពេញ ៖ នារសៀលថ្ងៃទី២១ ខែមេសា ឆ្នាំ២០២៥ នៅទីស្នាក់ការកណ្តាលកាកបាទក្រហមកម្ពុជាបានរៀប ចំកិច្ចប្រជុំគណៈកម្មការ, អនុគណៈកម្មការរៀបចំខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៥ និងខួបលើកទី៧០ឆ្នាំនៃកាកបាទក្រហមកម្ពុជាក្រោមអធិបតីលោក ជំទាវបណ្ឌិត ពេជ ចន្ទមុនី្ន ហ៊ុនម៉ាណែត អនុប្រធានអចិន្ត្រៃយ៍កាកបាទក្រហមកម្ពុជា ។​

មានប្រសាសន៍ក្នុងកិច្ចប្រជុំនោះលោកជំទាវបណ្ឌិត បានកោតសរសើរចំពោះគណ:កម្មាការ និងអនុគណ:កម្មាការទាំងពីរ ចំពោះការខិតខំប្រឹងប្រែងជម្រុញការផ្សព្វផ្សាយទាំងផ្នែកខ្លឹមសារ និងទាំងផ្នែកមូលនិធិក្នុងរយះពេលកន្លងមក។ លោកជំទាវបណ្ឌិតបានផ្តល់អនុសាសន៍មួយចំនួនដើម្បីបង្កើនការគៀរគររកមូលនិធិ ក្នុងនោះក្រៅពីការផ្សព្វផ្សាយលើបណ្តាញទូរទស្សន៍ទាំងរដ្ឋ ឯកជន និងប្រព័ន្ធផ្ស ព្វផ្សាយសង្គម យើងគួរតែទំនាក់ទំនងជាមួយអ្នកបង្កើតមាតិកាដែលមានប្រជាប្រិយភាពក្នុងសង្គមដើ ម្បីឲ្យជួយផ្សព្វផ្សាយអំពីព្រឹត្តិការណ៍ទិវា ៨ ឧសភា ឲ្យកាន់តែមានភាពផុលផុសសំដៅជម្រុញឲ្យសប្បុ រសជនទាំងក្នុងនិងក្រៅប្រទេសចូលរួមបរិច្ចាគវិភាគទានដោយការស្ម័គ្រចិត្តជូនកាកបាទក្រហមកម្ពុជា ដើម្បីសមាគមជាតិមួយនេះមាននិន្តរភាពក្នុងការជួយប្រជាពលរដ្ឋរងគ្រោះ និងងាយរងគ្រោះបំផុតទូទាំងប្រទេស ។

ក្នុងកិច្ចប្រជុំនេះដែរលោកជំទាវបណ្ឌិតក៏បានឯកភាពលើសំណើឱ្យមានការរៀបចំប្រកួតបាល់ទាត់ស ប្បុរសធម៌ ដើម្បីគៀរគររកមូលនិធិសម្រាប់ទ្រទ្រង់កាកបាទក្រហមកម្ពុជា ក្នុងឱកាសទិវាពិភពលោកកាកបាទក្រហម ៨ ឧសភា និងខួប ៧០ ឆ្នាំនៃកាកបាទក្រហមកម្ពុជា។ លោកជំទាវបណ្ឌិតបានសន្យានឹងខិតខំអំពាវនាវទៅដល់ភរិយាថ្នាក់ដឹកនាំក្នុងជួររាជរដ្ឋាភិបាល ដើម្បីចូលរួមជាវិភាគទានដល់បុព្វហេតុមនុស្សធម៌ជាមួយកាកបាទក្រហមកម្ពុជា។

ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៥ ប្រារព្វឡើងស្របខួបទី៧០ឆ្នាំនៃកាកបាទក្រហមកម្ពុជា នឹងប្រព្រឹត្តិក្រោមមូលបទ« រួមគ្នាស័្មគ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ៕

​អត្ថបទ៖ សំ ងីម​