ឧត្តមសេនីយ៍ឯក ជួន ណារិន្ទ និងលោកជំទាវ បន្តផ្តល់ជំនួយស្បៀងអាហារ ទៅវរកងនគរបាល ប្រចាំទិសភូមិភាគ៤ និងភូមិភាគ៥

ភ្នំពេញ៖ ឯកឧត្តម ឧត្តមសេនីយ៍ឯកជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និងលោកជំទាវ លីម ដារ៉ែន បានបន្តផ្តល់ជំនួយ ឧបត្ថម្ភជាស្បៀងអាហារ ទៅវរកងនគរបាល ប្រចាំទិសភូមិភាគ៤ និងភូមិភាគ៥ ។

ជំនួយឧបត្ថម្ភមានជាស្បៀងអាហារជាច្រើន ដែលជាអំណោយចូលរួម របស់ក្រុមសម្ព័ន្ធមេត្រីភាព និង សប្បុរសជន ដឹកនាំដោយឯកឧត្តមស្នងការរាជធានី បានដឹកចេញពីរាជធានីភ្នំពេញ នៅព្រឹកថ្ងៃទី២០ ខែកញ្ញា ឆ្នាំ២០២៥នេះ ឆ្ពោះយកទៅជូនដល់វរនគរបាលការពារព្រំដែន ប្រចាំទិសភូមិភាគទី៥ ខេត្តព្រះវិហារ ។

ស្របពេលវេលាជាមួយគ្នានេះដែរ លោកជំទាវ លីម ដារ៉ែន ជួន ណារិន្ទ ដែលជាភរិយា​ឯកឧត្តម ស្នងការរាជធានីភ្នំពេញ រួមទាំងសប្បុរសជន ក៏បានផ្តល់ជំនួយឧបត្ថម្ភជាស្បៀងអាហារជាច្រើន ជូនទៅកាន់វរនគរបាលការពារព្រុំដែន និងកងពលធំអន្តរាគមន៌លេខ៣ ប្រចាំទិសភូមិភាគទី៤ ផងដែរ ។

តាមរយៈជំនួយឧបត្ថម្ភនេះដែរ លោកជំទាវលីម ដារ៉ែន ជួន ណារិន្ទ ក៏សូមសម្តែងនូវ​ទឹកចិត្ត​នឹករលឹក និងផ្ញើរក្តីស្រលាញ់ជ្រាលជ្រៅបំផុតចំពោះស្មារតីទទួលខុសត្រូវខ្ពស់ ក្នុងបុព្វហេតុ​ការពារទឹកដី​របស់កងកម្លាំងទាំងអស់ នៅតាមបន្ទាត់ព្រំដែន ។ ត្បិតលោកជំទាវ និងក្រុមគ្រួសារ មិនបានចូលរួមជាមួយសកម្មភាពពិតនៅក្នុងសមរភូមិមុខក៏ពិតមែន ក៏ប៉ុន្តែក្នុងនាមជាអ្នក​ឈរ​ជួរក្រោយ គឺនៅចាំផ្តល់ជាជំនួយនានាជានិច្ចទៅតាមលទ្ធភាព​ ពិសេសការនៅពីចម្ងាយចាំគាំទ្រ និងលើកទឹកចិត្តឥតងាករេចំពោះ ​វីរភាពអង់អាចហានក្លារបស់កងកម្លាំងការពារព្រំដែនទាំងអស់ មិនថាជាវីរកងនគរបាលជាតិ​ ឬយោធានោះឡើយ ៕ លីហេង