ព័ត៌មាន
១២៨គម្រោង មានទុនវិនិយោគ២៥០០លានដុល្លារ អាចបង្កើតការងារ១៣ម៉ឺនកន្លែង កើតចេញពីការទាក់ម៉ូយរបស់សម្ដេចធិបតី
សម្ដេចធិបតី បានថ្លែងសង្កត់ធ្ងន់ដូច្នេះ «រាប់ពីខែមករា ទៅខែមេសា ឆ្នាំ២០២៤នេះ រាជរដ្ឋាភិបាលយើង តាមរយៈទិន្នន័យរបស់CDC (ក្រុមប្រឹក្សាអភិវឌ្ឍន៍កម្ពុជា) បើយើងនិយាយទិន្នន័យក្នុង CDC គឺ…
នាយករដ្ឋមន្រ្តីកម្ពុជា សម្ដេច ហ៊ុន ម៉ាណែត បានគូសបញ្ជាក់ថា រយៈពេល៤ខែ នៃឆ្នាំ២០២៤ រាជរដ្ឋាភិបាល បានអនុម័តគម្រោងចំនួន១២៨ មានទុនវិនិយោគ២៥០០លានដុល្លារ បង្កើតការងារ១៣ម៉ឺនកន្លែង ដែលគម្រោងទាំងនេះកើតចេញពីការទាក់ម៉ូយរបស់រដ្ឋ និងវិស័យឯកជននៅកម្ពុជា។ សម្ដេច បានលើកឡើងដូច្នេះ ក្នុងពិធីប្រកាសបើកឱ្យដំណើរការជាផ្លូវការសមាគម សហព័ន្ធអ្នកវិនិយោគកម្ពុជា រសៀលថ្ងៃទី០៩ ឧសភា ឆ្នាំ២០២៤។
សម្ដេចធិបតី បានថ្លែងសង្កត់ធ្ងន់ដូច្នេះ «រាប់ពីខែមករា ទៅខែមេសា ឆ្នាំ២០២៤នេះ រាជរដ្ឋាភិបាលយើង តាមរយៈទិន្នន័យរបស់CDC (ក្រុមប្រឹក្សាអភិវឌ្ឍន៍កម្ពុជា) បើយើងនិយាយទិន្នន័យក្នុង CDC គឺការវិនិយោគដែលចុះនៅក្នុងប្រព័ន្ធ នៅក្នុងនោះ… រាជរដ្ឋាភិបាលបានអនុម័តគម្រោងថ្មី និងគម្រោងពង្រីកចំនួន១២៨គម្រោង ដែលក្នុងនោះទុនវិនិយោគមាន២៥០០លានដុល្លារ អាចបង្កើតការងារ១៣ម៉ឺនកន្លែងនៅពេលដែលគម្រោងនេះចេញ។ នៅក្នុងរយៈពេលដែលយើងចាប់ផ្ដើមត្រឹមតែ៤ខែប៉ុណ្ណោះ នេះហើយគឺជាលទ្ធផលនៃការខិតខំប្រឹងប្រែងទាក់ម៉ូយ ទាំងរាជរដ្ឋាភិបាល ទាំងបងប្អូនវិស័យឯកជនរបស់យើង។»
ក្នុងពិធីដដែល សម្ដេចធិបតី បានបង្ហើបឱ្យដឹងថា កាលពីល្ងាចថ្ងៃទី០៨ ខែឧសភា សម្ដេចធិបតី ក្នុងនាមជាប្រធានក្រុមប្រឹក្សាអភិវឌ្ឍន៍កម្ពុជា បានចុះហត្ថលេខាអនុម័តគម្រោងចំនួន១៤ធំៗ ដែលសរុបទុនវិនិយោគប្រមាណ៤៨០លានដុល្លារ។
គួររំលឹកជួនថា ចាប់តាំងពីចូលកាន់តំណែងជានាយករដ្ឋមន្ត្រីកម្ពុជា នៅចុងខែសីហា មកទល់បច្ចុប្បន្ន ជានិច្ចកាលក្នុងពេលសម្ដេចធិបតី អញ្ជើញបំពេញទស្សនកិច្ចនៅក្រៅប្រទេស មិនថាជាទស្សនកិច្ចការងារ ឬទស្សនកិច្ចផ្លូវការ សម្ដេចនាយករដ្ឋមន្ត្រី តែងតែឆ្លៀតពេលដ៏មមាញឹកជួបទាក់ម៉ូយ ជាមួយម្ចាស់ ប្រធានក្រុមហ៊ុនបរទេស ដើម្បីប្រាប់អ្នកទាំងនោះអំពីគោលនយោបាយ ការគាំទ្ររបស់រដ្ឋ ហេដ្ឋារចនាសម្ព័ន្ធ កម្លាំងពលកម្ម កត្តាសន្តិភាព ដែលកម្ពុជាមាន ដើម្បីទាក់ទាញឱ្យវិនិយោគិនបរទេសទាំងនោះមករកស៊ីនៅកម្ពុជា៕
ប្រភពអត្ថបទ៖ កម្ពុជាថ្មី

-
ព័ត៌មាន1 week ago
ស.ស.យ.ក ខណ្ឌច្បារអំពៅ បន្តនាំអំណោយ និងថ្នាំការពាររោគសើរស្បែក ជូនដល់បងប្អូនពលរដ្ឋនៅតំបន់បឹងព្រលិត ដែលរងផលប៉ះពាល់ដោយទឹកជន់
-
ព័ត៌មាន4 days ago
កិច្ចព្រមព្រៀងសន្តិភាពកម្ពុជា-ថៃ នឹងត្រូវចុះហត្ថលេខានៅចុងខែនេះ ដោយមានប្រធានាធិបតីអាម៉េរិកជាសាក្សី
-
ព័ត៌មាន5 days ago
ក្រោយស្ងប់ស្ងាត់៣យប់ ថៃ បន្តចាក់សំឡេងរំខានអ្នកភូមិជោគជ័យ ដែលមានកម្រិតរលកសំឡេងខ្ពស់បំផុត
-
ព័ត៌មាន1 week ago
អង្គភាពស៊ីម៉ាក់ស្នើរដ្ឋាភិបាលជប៉ុនតាមរយៈ JICA បន្ដគាំទ្រវិស័យសកម្មភាពបោសសម្អាតមីននៅកម្ពុជា
-
ព័ត៌មាន1 week ago
ព្រះមហាក្សត្រ និងសម្ដេចព្រះមហាក្សត្រី យាងនិវត្តន៍មកដល់កម្ពុជាវិញហើយនៅរសៀលថ្ងៃទី១២តុលានេះ
-
ព័ត៌មាន3 days ago
តំណាងរាស្រ្តមណ្ឌលខេត្តបន្ទាយមានជ័យ អញ្ជើញចុះសួរសុខទុក្ខកងកម្លាំងជួរមុខ និងប្រជាពលរដ្ឋរស់នៅភូមិព្រៃចាន់
-
ព័ត៌មាន5 days ago
ប្រធាន AmCham៖ ទំនិញអាម៉េរិកនឹងហូរចូលកម្ពុជាកាន់តែច្រើនជំរុញកំណើនពាណិជ្ជកម្មប្រទេសទាំងពីរ
-
ព័ត៌មាន4 days ago
ទាហានកម្ពុជា ១៨ នាក់ដែលថៃចាប់ទៅ នឹងត្រូវដោះលែងក្នុងពេលឆាប់ៗនេះ