ព័ត៌មាន
រដ្ឋមន្រ្តីក្រសួងព័ត៌មាន គាំទ្រដំណើរការសមាគមសហគ្រិនសារព័ត៌មានសេដ្ឋកិច្ចកម្ពុជា
រដ្ឋមន្រ្តីក្រសួងព័ត៌មានលោក នេត្រ ភត្រា បានបង្ហាញការគាំទ្រ និងវាយតម្លៃខ្ពស់ចំពោះការបង្កើតសមាគមសហគ្រិន សារព័ត៌មានសេដ្ឋកិច្ចកម្ពុជា(CEMEA)។
រដ្ឋមន្រ្តីក្រសួងព័ត៌មានលោក នេត្រ ភត្រា បានបង្ហាញការគាំទ្រ និងវាយតម្លៃខ្ពស់ចំពោះការបង្កើតសមាគមសហគ្រិន សារព័ត៌មានសេដ្ឋកិច្ចកម្ពុជា(CEMEA)។ លោករដ្ឋមន្រ្តីបានថ្លែងបែបនេះ ក្នុងឱកាសដែលលោកអនុញ្ញាតឲ្យថ្នាក់ដឹកនាំសមាគមសហគ្រិនសារព័ត៌មានសេដ្ឋកិច្ចកម្ពុជាចូលជួបសម្តែងការគួរសម និងសុំអនុសាសន៍ណែនាំ នារសៀលថ្ងៃទី១៥ ខែឧសភានេះ។
ប្រធានសមាគមសហគ្រិនសារព័ត៌មានសេដ្ឋកិច្ចកម្ពុជា លោកយិន លាងគង់ បានជម្រាបជូនលោករដ្ឋមន្រ្តីថា សមាគមទើបបង្កើតឡើងបានរយៈពេលប្រមាណ២ខែ បន្ទាប់ពីទទួលច្បាប់អនុញ្ញាត្តពីក្រសួងមហាផ្ទៃ ប៉ុន្តែសមាគមបាន និងកំពុងដំណើរការយ៉ាងសកម្មលើការផ្សព្វផ្សាយព័ត៌មានសេដ្ឋកិច្ចជាតិ អន្តរជាតិ ជាបីភាសា គឺភាសាខ្មែរ ភាសាអង់គ្លេស និងភាសាចិនយ៉ាងទូលំទូលាយ។
លោកបានជម្រាបជូនលោករដ្ឋមន្រ្តីថា សមាគមនេះ បង្កើតឡើងដើម្បីគាំទ្រគោលនយោបាយរបស់រដ្ឋាភិបាលលើវិស័យសេដ្ឋកិច្ចដោយធ្វើយ៉ាងណាសមាគមនេះ អាចផ្សព្វផ្សាយព័ត៌មានសេដ្ឋកិច្ចជាតិ អន្តរជាតិឱ្យមានលក្ខណៈស៊ីជម្រៅ ដល់មជ្ឈដ្ឋានជាតិ និងអន្តរជាតិ ពិសេសសមាគមចង់រួមចំណែក បណ្តុះបណ្តាលធនធានមនុស្សផ្នែកសរសេរ វិភាគព័ត៌មានសេដ្ឋកិច្ចផងដែរ។
ជាការឆ្លើយតបលោកនេត្រ ភត្រា រដ្ឋមន្រ្តីក្រសួងព័ត៌មានបានបង្ហាញការវាយតម្លៃខ្ពស់ ចំពោះការបង្កើតសមាគមនេះឡើង ដោយលោកចាត់ទុកថា វាជាគំនិតដ៏ល្អមួយ ដែលត្រូវរួមគ្នាផ្តោតលើព័ត៌មានសេដ្ឋកិច្ច ជាជាងរឿងបែប Drama ផ្សេងៗ។
លោករដ្ឋមន្រ្តីបានផ្តល់អនុសាសន៍ ដោយឲ្យថ្នាក់ដឹកនាំសមាគមពិចារណា លើការសរសេរព័ត៌មានសេដ្ឋកិច្ច ដែលអាចផ្សារភ្ជាប់នឹងជីវភាពប្រចាំថ្ងៃរបស់ប្រជាពលរដ្ឋ។ ឧទាហរណ៍ដូចជាតម្លៃទំនិញលើទីផ្សារត្រី សាច់ជ្រូក តម្លៃប្រាក់ដុល្លារ ជាមួយប្រាក់រៀល តម្លៃមាស ជាដើម។
លោកបញ្ជាក់ថា “អ្នកសារព័ត៌មានខ្លះ មានការយល់ច្រឡំថា ទាល់តែសរសររព័ត៌មាន ដែលបានសម្ភាសន៍ជាមួយឧបនាយករដ្ឋមន្រ្តីទើបជារឿងល្អ នោះជាការភ័ន្តច្រឡំមួយ”។ លោកបន្តថា “បច្ចុប្បន្ននៅកម្ពុជា មានសារព័ត៌មាន អនឡាញប្រមាណ១០០០ មានអ្នកប្រើTik Tok ប្រមាណ១០លាននាក់ អ្នកប្រើFacebook ចំនួន១៣លាននាក់ ហេតុនេះ ការផ្តោតលើព័ត៌មាន ត្រូវតែលឿន រហ័ស មានគុណភាព និងអាចទុកចិត្តបានសម្រាប់សាធារណៈជន។
ជាមួយគ្នានេះ លោកនេត្រ ភត្រា ក៏បានបង្ហាញការគាំទ្រ ដល់សមាគមសហគ្រិនសារព័ត៌មានសេដ្ឋកិច្ចកម្ពុជា ដើម្បីរៀបចំបណ្តុះបណ្តាលធនធានមនុស្ស ផ្នែកសារព័ត៌មានផ្នែកសេដ្ឋកិច្ចឲ្យបានច្រើនផងដែរ៕
អត្ថបទពី៖ KPT

-
ព័ត៌មាន3 days ago
កិច្ចព្រមព្រៀងសន្តិភាពកម្ពុជា-ថៃ នឹងត្រូវចុះហត្ថលេខានៅចុងខែនេះ ដោយមានប្រធានាធិបតីអាម៉េរិកជាសាក្សី
-
ព័ត៌មាន1 week ago
ស.ស.យ.ក ខណ្ឌច្បារអំពៅ បន្តនាំអំណោយ និងថ្នាំការពាររោគសើរស្បែក ជូនដល់បងប្អូនពលរដ្ឋនៅតំបន់បឹងព្រលិត ដែលរងផលប៉ះពាល់ដោយទឹកជន់
-
ព័ត៌មាន1 week ago
អង្គភាពស៊ីម៉ាក់ស្នើរដ្ឋាភិបាលជប៉ុនតាមរយៈ JICA បន្ដគាំទ្រវិស័យសកម្មភាពបោសសម្អាតមីននៅកម្ពុជា
-
ព័ត៌មាន4 days ago
ក្រោយស្ងប់ស្ងាត់៣យប់ ថៃ បន្តចាក់សំឡេងរំខានអ្នកភូមិជោគជ័យ ដែលមានកម្រិតរលកសំឡេងខ្ពស់បំផុត
-
ព័ត៌មាន1 week ago
ព្រះមហាក្សត្រ និងសម្ដេចព្រះមហាក្សត្រី យាងនិវត្តន៍មកដល់កម្ពុជាវិញហើយនៅរសៀលថ្ងៃទី១២តុលានេះ
-
ព័ត៌មាន2 days ago
តំណាងរាស្រ្តមណ្ឌលខេត្តបន្ទាយមានជ័យ អញ្ជើញចុះសួរសុខទុក្ខកងកម្លាំងជួរមុខ និងប្រជាពលរដ្ឋរស់នៅភូមិព្រៃចាន់
-
ព័ត៌មាន4 days ago
ប្រធាន AmCham៖ ទំនិញអាម៉េរិកនឹងហូរចូលកម្ពុជាកាន់តែច្រើនជំរុញកំណើនពាណិជ្ជកម្មប្រទេសទាំងពីរ
-
ព័ត៌មាន3 days ago
ទាហានកម្ពុជា ១៨ នាក់ដែលថៃចាប់ទៅ នឹងត្រូវដោះលែងក្នុងពេលឆាប់ៗនេះ