ព័ត៌មាន
ប្រជានុរាស្ត្របង្ហាញការគោរព និងថ្វាយព្រះពរសម្ដេចយាយក្នុងឱកាសថ្ងៃចម្រើនព្រះជន្ម
នៅថ្ងៃទី១៨ ខែមិថុនា ឆ្នាំ២០២៤នេះ ជាព្រះរាជពិធីចម្រើនព្រះជន្មគម្រប់ ៨៨ ព្រះវស្សា យាងចូល៨៩វស្សា របស់សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ។ ថ្ងៃនេះក៏ជាថ្ងៃឈប់សម្រាកសម្រាប់កម្ពុជាផងដែរ។ ក្នុងឱកាសពិធីចម្រើនព្រះជន្មនេះ ប្រជាពលរដ្ឋជាកូន ជាចៅ បានសម្ដែងនូវការសាទរ ក៏ដូចជាថ្វាយព្រះពរដល់សម្ដេចយាយ សូមប្រកបដោយព្រះរាជសុខភាពល្អបរិបូរណ៍ បន្តគង់ជាម្លប់សម្រាប់ដ៏ត្រជាក់ត្រជុំសម្រាប់កម្ពុជា។

ប្រជានុរាស្ត្រកម្ពុជា ជាអ្នកបំពេញការងាររដ្ឋ បំពេញការងារឯកជន ក៏ដូចជាសិស្សានុសិស្សសុទ្ធតែទទួលបានការឈប់សម្រាករយៈពេលមួយថ្ងៃ ក្នុងពិធីចម្រើនព្រះជន្មគម្រប់ ៨៨ ព្រះវស្សា ឈានចូល ៨៩វស្សា របស់សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ។ នាព្រឹកថ្ងៃឈប់សម្រាកនេះប្រជានុរាស្ត្រ ជាកូនជាចៅ បានមកលេងកម្សាន្តនៅមុខព្រះបរមរាជវាំង ដែលមានការតាំងពិព័រណ៍ព្រះបរមឆាយាល័ក្ខណ៍ សម្ដេចព្រះមហាក្សត្រី ព្រះវររាជមាតាជាតិខ្មែរ។

ក្នុងនាមជាកូនជាចៅរស់នៅក្រោមម្លប់ដ៏ត្រជាក់ត្រជុំ ពួកគាត់បានសម្ដែងនូវស្នាមញញឹម ក៏ដូចជាការថ្វាយព្រះពរសម្ដេចយាយ ក្នុងឱកាសចម្រើនព្រះជន្មប្រកបដោយព្រះរាជសុខភាពល្អបរិបូរណ៍ ព្រះជន្មាយុយឺនយូរ បន្តគង់ជាម្លប់សម្រាប់ដ៏ត្រជាក់ត្រជុំសម្រាប់ប្រជានុរាស្ត្រកម្ពុជាគ្រប់រូប។
ទន្ទឹមនឹងការថ្វាយព្រះពរពលរដ្ឋបានមើលឃើញពីព្រះរាជហឬទ័យ សណ្ដោសប្រណី ស្រឡាញ់ប្រជានុរាស្ត្រ របស់សម្ដេចយាយ គ្រប់កាលៈទេសៈ។

ក្នុងឱកាសពិធីចម្រើនព្រះជន្មនេះដែរ ថ្នាក់ដឹកនាំ ក្រសួងស្ថាប័ន ក៏ដូចជាប្រជាពលរដ្ឋ បានបង្ហោះនូវ សារថ្វាយព្រះពរ ភ្ជាប់ជាមួយព្រះឆាយាល័ក្ខណ៍ សម្ដេចព្រះមហាក្សត្រី ព្រះវររាជមាតាជាតិខ្មែរ។ សម្រាប់ព្រះរាជពិធីចម្រើនព្រះជន្មនេះដែរ សហភាពសហព័ន្ធយុវជនកម្ពុជា ក៏បានរៀបចំពិធីសំខាន់មួយចំនួន ដើម្បីអបអរសាទរផងដែរ។ ពិធីទី១ គឺជាពិធីថ្វាយបង្គំថ្វាយព្រះពរ និងពិធីចម្រើនព្រះជន្មាវស្សា ពិធីទី ២ ជាការបញ្ចាំងខ្សែភាពយន្តរឿង «ព្រៃប្រសិទ្ធិ» និងកម្មវិធីទី៣ ជាកម្មវិធីពិព័រណ៍ព្រះបរមព្រះឆាយាល័ក្ខណ៍៕





អត្ថបទ៖ គឹម ហុក
-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoហ្វ្រង់កូហ្វូនី លើកឡើងពីក្តីបារម្ភស្ថានការណ៍ព្រំដែនកម្ពុជា-ថៃ និងអំពាវនាវឱ្យគោរពសេចក្ដីប្រកាសរួម
-
ព័ត៌មាន15 hours agoទឹកធ្លាក់ជីអាំង តំបន់ទេសចរណ៍បែបធម្មជាតិ ក្នុងខេត្តមណ្ឌលគិរី ដែលទេសចរមិនគួរមើលរំលង