ក្រសួងមហាផ្ទៃ ហាមការផ្តល់កម្ចីតាមអនឡាញខុសច្បាប់ មានអត្រាការប្រាក់ខ្ពស់

អ្នកនាំពាក្យរង ក្រសួងមហាផ្ទៃ បានក្រើនរំលឹកប្រជាពលរដ្ឋបង្កើនការប្រុងប្រយ័ត្ន ចំពោះការទទួលកម្ចី ប្រាក់តាមអនឡាញខុសច្បាប់ ដែលមានអត្រាកាប្រាក់ខ្ពស់ និងហាមប្រាមចំពោះអាជីវកម្ម ឬក្រុមបុគ្គលណាផ្ដល់ប្រាក់កម្ចីតាមអនឡាញខុសច្បាប់ដែលមានត្រាការប្រាក់ខ្ពស់ទៅដល់ប្រជាពលរដ្ឋ។

លោក ទូច សុខៈ បានថ្លែងថា ទង្វើការផ្តល់ប្រាក់ម្ចីមានអាត្រាការប្រាក់លើសពី១.៥% ក្នុងមួយខែ ឬផ្តល់ការប្រាក់លើសពី ១៨% ក្នុងមួយឆ្នាំឡើងទៅនិងមានការផ្តល់កម្ចីតាមប្រព័ន្ធអនឡាញនានាជាទង្វើខុសច្បាប់ ហើយគ្រប់បុគ្គលអ្នកផ្តល់កម្ចីនោះនឹងប្រឈមអនុវត្តទោសនៅចំពោះមុខច្បាប់ អាចរងជាប់ពន្ធធនាគារ ឬអាចជាប់ទោសពិន័យជាប្រាក់ ទៅតាមទោសកំហុសដែលខ្លួនប្រព្រឹត្ត។

លោកថ្លែងថា កន្លងមកកម្ចីអនឡាញបានកើតមានច្រើនផងដែរ ហើយក្រោយពីម្ចាស់បំណុលបានធ្វើទុក្ខបុកម្និញ បង្កអំពើហឹង្សារ គំរាមកំហែងក្រោមរូបភាពផ្សេងៗ ហើយមានអាជ្ញាធរបានចូលខ្លួនដោះស្រាយ គឺបានធ្វើឲ្យករណីនេះ បានថមថយគួរកត់សំគាល់។

តាមបណ្ដាឃុំ សង្កាត់ នាពេលបច្ចុប្បន្ន ក៏មានបាតុភាពប្តឹងផ្តល់គ្នាច្រើន ពាក់ព័ន្ធនឹងករណីការផ្តល់កម្ចីស្របច្បាប់ និងមិនស្របច្បាប់ ប៉ុន្តែសម្រាប់ការផ្តល់កម្ចីតាមអនឡាញវិញ ភាគច្រើនគឺមិនសូវកើតមាននោះទេ។ លោក យ៉ាវ ឡេង ប្រធានក្រុមប្រឹក្សាសង្កាត់កំពង់សំណាញ់ក្រុងតាខ្មៅ និងពលរដ្ឋក្នុងថ្លែងថា ពលរដ្ឋមានការយល់ដឹង និងភាគច្រើនមិនប្រកបរបរផ្តល់ប្រាក់កម្ចី និងទទួលប្រាក់កម្ចីតាមអនឡាញនោះទេ។

សូមបញ្ជាក់ថា បន្ទាប់ពីក្រសួងមហាផ្ទៃ បានក្រើនរំលឹកពលរដ្ឋបង្កើនប្រុងប្រយ័ត្នការទទួលប្រាក់កម្ចីអនឡាញខុស មកដល់ពេលនេះ ក្រសួងក៏បានអះអាងដែរថា បច្ចុប្បន្នសកម្មភាពការផ្តល់កម្ចីតាមអនឡាញពុំមានច្បាប់អនុញ្ញាតបានធ្លាក់ចុះគួរឱ្យគត់សម្គាល់៕

អត្ថបទ ស៊ុម សុខជា