ព័ត៌មាន
សម្តេចធិបតី ផ្តល់សម្ភារៈពន្លត់អគ្គិភ័យដល់កងប្រតិបត្តិការរុករក និងសង្គ្រោះរបស់ ៧១១ និង៩១១
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា និងជាប្រធានគណៈកម្មាធិការជាតិគ្រប់គ្រងគ្រោះមហន្តរាយ បានផ្តល់អំណោយសម្ភារៈពន្លត់អគ្គិភ័យជូនកងកម្លាំង៧១១នៃកងពលតូចលេខ៧០ និងកងកម្លាំង៩១១នៃបញ្ជាការដ្ឋានទ័ពពិសេស។
នៅថ្ងៃទី២៧ ខែមិថុនា ឆ្នាំ២០២៤ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងតំណាងក្រសួងសេដ្ឋកិច្ច និងហិរញ្ញវត្ថុ រួមនាយឧត្តមសេនីយ៍ ម៉ៅ សុផាន់ អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក បានអញ្ជើញក្នុងពិធីប្រគល់-ទទួលឧបករណ៍សម្ភារៈពន្លត់អគ្គិភ័យដែលជាអំណោយដ៏ថ្លៃថ្លារបស់សម្តេចធិបតី ហ៊ុន ម៉ាណែត នាយករដ្ឋមន្រ្តី និងជាប្រធានគណៈកម្មាធិការជាតិគ្រប់គ្រងគ្រោះមហន្តរាយ ជូនកងពលតូចលេខ៧០ និងបញ្ជាការដ្ឋានទ័ពពិសេស។
ក្នុងពិធីប្រគល់-ទទួលឧបករណ៍សម្ភារៈពន្លត់អគ្គិភ័យ ឯកឧត្តមទេសរដ្ឋមន្រ្តី គន់ គីម មានប្រសាសន៍ថា តបតាមការយកចិត្តទុកដាក់ និងយោងតាមស្ថានភាពជាក់ស្តែង ដែលកើតឡើងកន្លងទៅ កងប្រតិបត្តិការរុករក និងសង្គ្រោះគ្រោះមហន្តរាយ៧១១នៃកងពលតូចលេខ៧០ និងកងប្រតិបត្តិការរុករក និងសងគ្រោះមហន្តរាយ៩១១នៃបញ្ជាការដ្ឋានទ័ពពិសេស ដែលជាកងកម្លាំងស្ថិតក្នុងភូមិសាស្រ្តរាជធានីភ្នំពេញ និងបានចូលរួមប្រតិបត្តិការកន្លងក្នុងករណីអគ្គិភ័យ មិនថាទាំងករណីឆេះលំនៅដ្ឋាន អគារ និងរោងចក្រ។ ឯកឧត្តមបញ្ជាក់ថា ដោយសង្កេតឃើញផលលំបាករបស់កងប្រតិបត្តិការមានភាពស្មុគស្មាញ ទើបសម្តេចធិបតី ហ៊ុន ម៉ាណែត នាយករដ្ឋមន្រ្តី បំពាក់សម្ភារៈឧបករណ៍បន្ថែមដែលឆ្លើយតបទៅនឹងស្ថានភាពក្នុងករណីអគ្គិភ័យ។
ជាក់ស្តែងផ្អែកតាមតម្រូវការក្នុងប្រតិបត្តិរបស់កងរុករក និងសង្គ្រោះសម្តេចធិបតីនាយករដ្ឋមន្រ្ដីបាន ផ្តល់សម្ភារៈពន្លត់អគ្គិភ័យ រួមមាន មួកពន្លត់អគ្គីភ័យ, ស្រោមមុខការពារពន្លឺ, ខោអាវពន្លត់អគ្គិភ័យ ចំនួន ២៥ កំប្លេ, ស្រោមដៃពន្លត់អគ្គិភ័យ, ស្រោមដៃប្រតិបត្តិការ, ស្បែកជើងពន្លត់អគ្គិភ័យ, ឧបករណ៍សម្រាប់ដកដង្ហើម, បំពង់អុកស៊ីសែន និងម៉ាស៊ីនផលិតអុកស៊ីសែនជាដើម។
លើសពីនេះ ឯកឧត្តមទេសរដ្ឋមន្ត្រី បានណែនាំដល់មេបញ្ជាការកងទ័ពជើងគោក រៀបចំផែនការ និងការហ្វឹកហ្វឺនឱ្យបានជាប់ជាប្រចាំ ជាពិសេសរដូវវស្សាខិតជិតមកដល់ កងប្រតិបត្តិការរុករក និងសង្គ្រោះទាំង១៦ត្រូវពង្រឹងសមត្ថភាពរបស់ខ្លួនឱ្យបានល្អ ដើម្បីចេញអន្តរាគមន៍ក្នុងករណីមានគ្រោះមហន្តរាយនានា មិនថាទាំងគ្រោះអគ្គិភ័យ ឬទឹកជំនន់៕
អត្ថបទ: សេក ឧត្តម

-
ព័ត៌មាន3 days ago
រថយន្ដក្រុងមួយគ្រឿង សង្ស័យអ្នកបើកបរងងុយដេករេចង្កូតបុកចូលផ្ទះប្រជាពលរដ្ឋ ទាំងកម្រោល ស្ថិតនៅស្រុកចុងកាល់
-
ព័ត៌មាន1 week ago
ឧបករណ៍ប្រពៃណីខ្មែរចាប់ផ្តើមលក់ដាច់ ខណៈពិធីបុណ្យចូលឆ្នាំថ្មីខិតជិតចូលមកដល់
-
ព័ត៌មាន1 week ago
ក្រសួងការងារ៖ គិតត្រឹមម៉ោង៣៖១៥នាទីរសៀលនេះ នៅការដ្ឋានបាក់រលំអគារមួយកន្លែងនៅថៃមានពលករបរទេសប្រមាណ៣០នាក់មិនទាន់អាចដឹងថាមានជនជាតិណាខ្លះទេ
-
ព័ត៌មាន1 week ago
ក្រសួងការងារបញ្ជាកថាគិតត្រឹមល្ងាចថ្ងៃនេះ មិនមានពលរដ្ឋខ្មែររងគ្រោះថ្នាក់ដោយសារករណីរញ្ជួយដីនៅថៃនោះទេ
-
ព័ត៌មាន3 days ago
សង្រ្កាន្តនៅវិទ្យាល័យហ៊ុនសែនបរិបូណ៌ ឆ្លុះបញ្ចាំងពី វប្បធម៌ ទំនៀមទម្លាប់ ប្រពៃណី និងការអភិវឌ្ឍសមត្ថភាពរបស់យុវជនជាសហគ្រិនភាព
-
ព័ត៌មាន6 days ago
សម្តេចធិបតី ហ៊ុន ម៉ាណែត ចូលរួមសោកស្តាយជាមួយរាជរដ្ឋាភិបាលថៃ និងមីយ៉ាន់ម៉ា ក្នុងឧបទ្ទវហេតុគ្រោះធម្មជាតិរញ្ជួយដី
-
ព័ត៌មាន1 week ago
សម្ដេចធិបតី ហ៊ុន ម៉ាណែត បង្ហាញរូបថតមួយសន្លឹកជាពេលកម្ពុជាឆ្លងរាលដាលជំងឺកូវីដ១៩ ក្នុងសហគមន៍ដំបូង ហើយសម្ដេចបានចូលរួមប្រឈម និងដោះស្រាយនូវវិបត្តិនោះ
-
ព័ត៌មាន1 week ago
អបអរសាទរ! បេក្ខជន ៤៩នាក់ ទទួលបានលទ្ធផលល្អភ្លាមៗនៅក្នុងវេទិកាការងារ