ព័ត៌មាន
អាជ្ញាធរ និងសិស្សសាលាចតុមុខនាំគ្នាសម្អាតបរិស្ថានក្នុងយុទ្ធនាការ «កម្ពុជាស្អាត ខ្មែរអាចធ្វើបាន»
អាជ្ញាធរមូលដ្ឋាននៅសង្កាត់ជ័យជម្នះ ខណ្ឌដូនពេញ និងសាលាបឋមសិក្សាចតុមុខ នៅព្រឹកថ្ងៃទី៤ ខែកក្កដានេះ បានសម្អាតអនាម័យ និងរើសសំរាមនៅខាងក្នុង និងក្រៅបរិវេនសាលារៀន ដែលជាការចូលរួមក្នុងយុទ្ធនាការ «កម្ពុជា ស្អាតខ្មែរអាចធ្វើបាន» របស់ក្រសួងបរិស្ថាន។

លោក សូ ធី នាយកសាលាបឋមសិក្សាចតុមុខ បានឱ្យដឹងថា ដើម្បីជាការចូលរួមចំណែកក្នុងយុទ្ធនាការ «កម្ពុជាស្អាត ខ្មែរអាចធ្វើបាន» របស់ក្រសួងបរិស្ថាន នៅថ្ងៃនេះសាលារៀនបានរៀបចំការសម្អាតនាម័យ និងរើសសំរាម នៅក្នុងសាលារៀន និងក្រៅសាលារៀន ដើម្បីលើកកម្ពស់សោភ័ណភាពសាលារៀនឱ្យបានស្អាត និងបំផុសស្មារតីឱ្យសិស្សចេះស្រលាញ់ភាពស្អាត និងទុកដាក់សំរាមឱ្យបានត្រឹមត្រូវ។ ជាមួយគ្នានេះ សិស្សនៅសាលាបឋមសិក្សាចតុមុខបានប្តេជ្ញាថា នឹងគោរពតាមការណែនាំរបស់លោកគ្រូ អ្នកគ្រូ ពីការទុកដាក់សំរាមឱ្យបានត្រឹមត្រូវ និងមិនប្រើប្រាស់ថង់ប្លាស្ទិកជាដើម។
លោក លី សុខាគ្រី ចៅសង្កាត់ជ័យជំនះ ខណ្ឌដូនពេញ រាជធានីភ្នំពេញ បានឱ្យដឹងដែរថា ក្នុងនាមលោកជាអាជ្ញាធរ តែងតែផ្សព្វផ្សាយ និងដឹកនាំសម្អាតអនាម័យនៅតាមភូមិ សាលារៀន និងតាមវត្ត ដើម្បីឱ្យបរិស្ថាននៅក្នុងសហគមស្អាត រស់នៅមានផាសុខភាព។ ម្យ៉ាងវិញទៀត សកម្មភាពទាំងនេះ ក៍ជាការចូលរួមជាមួយក្រសួងបរិស្ថាន ក្នុងយុទ្ធនាការ«កម្ពុជាស្អាត ខ្មែរអាចធ្វើបាន»ផងដែរ។

កាលពីថ្ងៃទី១៥ ខែឧសភា ឆ្នាំ២០២៤ ក្រសួងបរិស្ថានបានដាក់ចេញយុទ្ធនាការ «កម្ពុជាស្អាត ខ្មែរអាចធ្វើបាន» ក្នុងគោលបំណងជំរុញប្រជាពលរដ្ឋឱ្យចូលរួមសម្អាតអនាម័យបរិស្ថាននៅក្នុងមូលដ្ឋានរបស់ខ្លួនក្នុងមួយថ្ងៃក្នុងមួយសប្តាហ៍។ គិតមកដល់ដើមខែកក្កដា ឆ្នាំ២០២៤នេះ មានឃុំសរុបចំនួនជាង១០០ នៅទូទាំងប្រទេសកម្ពុជា បានចូលរួមក្នុងយុទ្ធនាការ «កម្ពុជាស្អាត ខ្មែរអាចធ្វើបាន»។ នេះបើតាមការឱ្យដឹងពីមន្រ្តីនាំពាក្យក្រសួងបរិស្ថាន៕




អត្ថបទ៖ ទូច សោភ័ណ
-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន3 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន3 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន16 hours agoទឹកធ្លាក់ជីអាំង តំបន់ទេសចរណ៍បែបធម្មជាតិ ក្នុងខេត្តមណ្ឌលគិរី ដែលទេសចរមិនគួរមើលរំលង
-
ព័ត៌មាន15 hours agoសម្ដេចធិបតីណែនាំឱ្យរក្សាទុកក្លោងទ្វារភូមិហ្វ្រង់កូហ្វូនី និងប្រាសាទ ព្រះវិហារ តាក្របី និងតាមាន់ធំ ដើម្បីឱ្យប្រជាពលរដ្ឋបានទស្សនាក្នុងអំឡុងពេលព្រះរាជពិធីបុណ្យអុំទូក