ព័ត៌មាន
គណៈកម្មាធិការជាតិ OVOP រៀបចំវេទិកាផ្គូផ្គង ដើម្បីលើកកម្ពស់អាជីវកម្មក្នុងស្រុក
ភ្នំពេញ ៖ គណៈកម្មាធិការជាតិជំរុញចលនាភូមិ១ផលិតផល១ រៀបចំវេទិកាផ្គូផ្គង រវាងអ្នកផលិត-អ្នកទិញ ដើម្បីជំរុញអភិវឌ្ឍអាជីវកម្ម ប្រកបដោយសុចរិតភាព និងការទទួលបានទីផ្សារសម្រាប់អ្នកផលិតក្នុងស្រុក នាំចេញនៅនឹងកន្លែង នឹងឈានទៅការនាំចេញទៅក្រៅ ខេត្ត និងក្រៅប្រទេស។
ឯកឧត្តមបណ្ឌិត សួង ណយ អនុប្រធានគណៈកម្មាធិការជាតិជំរុញចលនាភូមិ១ផលិតផល១ លើកឡើងនៅក្នុងវេទិកាផ្គូផ្គង រវាងអ្នកផលិត-អ្នកទិញ គម្រោងអភិវឌ្ឍអាជីវកម្មប្រកបដោយសុចរិតភាព និងការទទួលបានទីផ្សារសម្រាប់អ្នកផលិតក្នុងស្រុក MSMEs និងនាំចេញនៅនឹងកន្លែង នៅថ្ងៃទី ៥ ខែ កក្កដា ឆ្នាំ ២០២៤ នេះថា វេទិកាផ្គូផ្គងរវាងអ្នកផលិត-អ្នកទិញ ជាការចូលរួម ចំណែកក្នុងការអនុវត្តយុទ្ធសាស្ត្រជាតិ សម្រាប់ការកាត់បន្ថយភាពក្រីក្រ ពោលគឺការកៀរគរសក្តានុពលសេដ្ឋកិច្ចក្នុងស្រុកនៃផលិត ផល និងសេវាកម្ម ដើម្បីលើកកម្ពស់ជីវភាពរស់នៅរបស់ប្រជាពលរដ្ឋ និងសហគមន៍មូលដ្ឋាន។ ចលនាភូមិ១ផលិតផល១ (OVOP) ធ្វើការជាមួយអ្នកផលិតក្នុងស្រុក មានសហគ្រាសធុនមីក្រូ តូច និងមធ្យម (MSMEs) និងសមាគមធុរកិច្ច ដើម្បីបង្កើនគុណភាព និង ទីផ្សារនៃផលិតផលក្នុងស្រុក។

ឯកឧត្តមបណ្ឌិត បន្តថា ជុំវិញបញ្ហានេះ គណៈកម្មាធិការជាតិជំរុញចលនាភូមិ១ផលិតផល១ បានកំពុងជំរុញធ្វើការលើការ កសាងបណ្តាញទីផ្សារ ដើម្បីឱ្យប្រទាក់ក្រឡាគ្នារវាងអ្នកផលិត និងអ្នកទិញយកទៅប្រើប្រាស់ កែច្នៃវេចខ្ចប់ផលិតផលក្នុងស្រុក ដើម្បី លក់បន្ត និងឈានទៅការនាំចេញ។ លើសពីនេះ, OVOP ក៏ជំរុញឲ្យមានទាក់ទងជាមួយអាជ្ញាធរ និងស្ថាប័នពាក់ព័ន្ធ ដើម្បីកសាង បរិយាកាសអំណោយផល សម្រាប់ផលិតផលក្នុងស្រុកឱ្យរីកចម្រើន។ បញ្ហានេះនាំឱ្យមានការអភិវឌ្ឍសេដ្ឋកិច្ចប្រកបដោយនិរន្តរភាព ក្នុងប្រទេស។

សូមបញ្ជាក់ថា វេទិកាធុរកិច្ច ការផ្គូផ្គងឆ្នាំ២០២៤ មានអ្នកចូលរួមមកពីបណ្តាខេត្តចំនួន៤រួមមាន៖ ខេត្តបន្ទាយមានជ័យ, កំពង់ធំ, សៀមរាប និងភ្នំពេញ, ក្នុងនោះក៏មានអ្នកចូលរួមមកពី៖ មីក្រូអាជីវកម្ម, សហគ្រាសធុនតូច និងមធ្យម, សហគមន៍, ម៉ាត, ផ្សារទំនើប, ភោជនីយដ្ឋាន, ខេធីវី, ផលិតករ, ហាងកាហ្វេ, តុការ, ផ្នួង, អាចារ្យ, គណៈកម្មាធិការជាតិ ចលនាភូមិ១ផលិតផល១ខេត្ត អាជ្ញាធរមូលដ្ឋាន, អង្គការក្រៅរដ្ឋាភិបាល, និស្សិតសាកលវិទ្យាល័យកសិកម្ម, ទេសចរណ៍, ឧស្សាហកម្ម, ពាណិជ្ជកម្ម, និងភាគីពាក់ ព័ន្ធផ្សេងៗទៀត៕



អត្ថបទ៖ សុន រ៉ាឌី
-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន3 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន3 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន16 hours agoទឹកធ្លាក់ជីអាំង តំបន់ទេសចរណ៍បែបធម្មជាតិ ក្នុងខេត្តមណ្ឌលគិរី ដែលទេសចរមិនគួរមើលរំលង
-
ព័ត៌មាន15 hours agoសម្ដេចធិបតីណែនាំឱ្យរក្សាទុកក្លោងទ្វារភូមិហ្វ្រង់កូហ្វូនី និងប្រាសាទ ព្រះវិហារ តាក្របី និងតាមាន់ធំ ដើម្បីឱ្យប្រជាពលរដ្ឋបានទស្សនាក្នុងអំឡុងពេលព្រះរាជពិធីបុណ្យអុំទូក