ការប្រកួតកង់ភ្នំជើងឯកជាតិជុំទី១ មានកីឡាករក្នុងស្រុក និងបរទេសអ្នកចូលរួមជិត ៣០០នាក់

ការប្រកួតកីឡាកង់ភ្នំជើងឯកជាតិ (Cambodia MTB Series) ជុំទី១ បាន​ដំណើរការ​ប្រកួត​កាល​ពី​ចុងសប្តាហ៍កន្លងទៅនេះ នៅតំបន់ភ្នំ នាទំនប់ក្រាំងអំពិល ស្ថិតនៅភូមិស្រែផ្អេរ ឃុំក្រាំង​អំពិល ស្រុកសំរោងទង ខេត្តកំពង់ស្ពឺ។

លោក យឿន ភិយុទ្ធ តំណាងអ្នករៀបចំការប្រកួត បានប្រាប់ឱ្យដឹងថារដូវកាលនេះធ្វើតែបីជុំទេ ហើយ​ជុំដំបូងនេះធ្វើនៅខេត្តកំពង់ស្ពឺ ដោយមានកីឡាករ កីឡាការិនី ចូលរួម២៣៥នាក់ ហើយ​ក្នុង​នោះ​ក៏មានកីឡាករបរទេសចូលរួមប្រកួតដែរ។ លោកបន្តថា ការ​រៀបចំ​នេះ​ទទួល​បាន​ជោគជ័យ​មួយកម្រិត ទោះបីជាមិនមានដៃគូគាំទ្រក៏ដោយ។

សម្រាប់លទ្ធផលនៃការប្រកួត វិញ្ញាសាកម្រិត A លេខ១ បានទៅកីឡាករ សាង សីហា លេខ២ កីឡាករ ហួត ឡយរស្មី លេខ៣ កីឡាករ ដាវីដ ព័ររីយ៉េ។ កម្រិត C លេខ១ កីឡាករថៃ ភីរ៉ាផន ចារើនសុខ លេខ២ កីឡាករ មាស វីរៈយុទ្ធ និងលេខ៣ កីឡាករ ហម កក្កដា។ កម្រិតD លេខ១​កីឡាករ លីយ ម៉េង លេខ២ កីឡាករ ណេ សាវណេត និងលេខ៣កីឡាករ ភី ស៊ីថុល។ វិញ្ញាសាកម្រិត E លេខ១ កីឡាករ ប៉្រៃវ៉ាន់ ភីរិនយ៉ានុនតាខនមកពីប្រទេសថៃ លេខ២កីឡាករ ស៊្រុន វណ្ណៈ និងលេខ៣ កីឡាករ ឆេង សម្បត្តិ។ កម្រិត F លេខ១ម្ចាស់ផ្ទះកម្ពុជា គឹម យូរ៉ា លេខ​២​ កីឡាករវៀតណាម ហូ ភឹកញ៉ា និងលេខ៣កីឡាករ ស៊ុន សុគន្ធ។ វិញ្ញាសាកម្រិត ម៉ាស្ទ័រ លេខ ព្យែរ អ៊ីវកាទ្រី លេខ២កីឡាករ ស៊ូរ៉ាចិត ស៊ីងជួយ និងលេខ៣កីឡាករ វ៉ាស្កូ រ៉ាមស្ពើហ្គឺរ។ វិញ្ញាសា វីអាយភី លេខ១កីឡាករ ធា សុភាន់ លេខ២កីឡាករ ជួន យ៉េន និងលេខ៣កីឡាករ សៀង ប៊ុណ្ណាត។ វិញ្ញាសានារីលេខ១ បានទៅកីឡាការិនីវៀតណាម តុន ហ័ងខាញ់ឡាន លេខ២​កីឡាការិនី កម្ពុជា វុន ស្រីនីត និងលេខ៣កីឡាការិនី នុត ផល្លានេសា។ ចំនែកវិញ្ញាកុមារលេខ១ បាន​ទៅសេង ហេង លេខ២ លឹម ឆាយគឹមខូយ និងលេខ៣ គង់ ដារ៉ា៕

អត្ថបទ៖ គង់ ហួន