ព័ត៌មាន
គណៈកម្មការគ្រប់គ្រងផ្សារអូរឫស្សី បានចាប់ផ្តើមអនុវត្តយុទ្ធនាការ « ចាស់អ្នក ថ្មីខ្ញុំ » ដើម្បីអាចឱ្យពលរដ្ឋចូលរួមបរិច្ចាគសម្ភារៈ
ភ្នំពេញ ៖ គណៈកម្មការ គ្រប់គ្រង ផ្សារ អូរឫស្សី បានចាប់ផ្តើមអនុវត្តយុទ្ធនាការ “ចាស់អ្នក ថ្មីខ្ញុំ”ដើម្បីទទួលយករបស់របរ មានដូចជា សំលៀកបំពាក់ ឬសម្ភារៈសិក្សា ដែលពលរដ្ឋអាជីវក លក់ដូរ សិស្សនិស្សិតទូទៅ ឈប់ប្រើប្រាស់តែនៅមានគុណភាពល្អ និងមានតម្លៃ សម្រាប់យកទៅកែច្នៃឱ្យក្លាយជារបស់របរថ្មីមានប្រយោជន៍សម្រាប់អ្នកដែលត្រូវការ ។
ជាក់ស្ដែងនៅព្រឹកថ្ងៃទី១៧ ខែកក្កដា ឆ្នាំ២០២៤ ប្រធានគណះកម្មការផ្សារអូរឬស្សី និងមន្រ្តីបាននាំយកសៀវភៅ ប៊ិក សម្លៀកបំពាក់ របស់របរសម្ភារៈ ប្រើប្រាស់ផ្សេងៗ មួយចំនួនចូលរួមបរិច្ចាគក្នុងយុទ្ធនាការ “ចាស់អ្នក ថ្មីខ្ញុំ” ។
លោក ឡយ ស៊ាងអាង ប្រធានគណៈកម្មការគ្រប់គ្រងផ្សារអូរឫស្សី សូមជម្រាបជូនបងប្អូនអាជីវករ និង សាធារណជនទាំងអស់មេត្តា ជ្រាបថាគណៈកម្មការ គ្រប់គ្រងផ្សារបានរៀបចំធុង «ចាស់អ្នក ថ្មីខ្ញុំ» របស់សមាគមកាយឫទ្ធិនារីកម្ពុជា។ ចំពោះបងប្អូនអាជីវករ និង សាធារណជនទាំងអស់ ដែលមានបំណងចូលរួមបរិច្ចាគ ដូចជាសៀវភៅ ប៊ិក សម្លៀកបំពាក់ របស់របរសម្ភារៈ ប្រើប្រាស់ផ្សេងៗ សូមបងប្អូនចូលរួមបរិច្ចាគបានតាមរយៈ ធុង «ចាស់អ្នក ថ្មីខ្ញុំ» របស់សមាគមកាយឫទ្ធិនារីកម្ពុជា។
ទីតាំងធុងបរិច្ចាគ ស្ថិតនៅមុខទីស្នាក់ការ គណៈកម្មការ គ្រប់គ្រងផ្សារផ្លូវលេខ ១១១ សង្កាត់ អូរឫស្សី ទី១ ខណ្ឌ ៧មករា ររាជធានីភ្នំពេញ។
យុទ្ធនាការនេះ គឺជាអនុវត្តតាមគំនិតផ្ដួចផ្ដើម និងដឹកនាំប្រកបដោយកិត្តិបណ្ឌិតដោយលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការសមាគមកាយឫទ្ធិនារីកម្ពុជា ដែលបានចាប់អនុវត្តតាំងពីថ្ងៃទី១២ រហូតដល់ថ្ងៃទី៣១ ខែកក្កដា ឆ្នាំ២០២៤៕

-
ព័ត៌មាន3 days ago
ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី
-
ព័ត៌មាន1 week ago
ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បន្តចុះពិនិត្យ ព្យាបាលជំងឺ ជូនប្រជាពលរដ្ឋដោយឥតគិតថ្លៃ នៅឃុំតាសាល ស្រុកឱរ៉ាល់ ខេត្តកំពង់ស្ពឺ
-
ព័ត៌មាន3 days ago
TOP STORY | សម្ដេចតេជោ៖ «ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់»
-
ព័ត៌មាន5 days ago
មន្ទីរសាធារណការ និងដឹកជញ្ជូនខេត្តព្រះវិហារ អនុវត្តការងារថែទាំផ្លូវជាតិលេខ៦២ ប្រវែងជាង២០១គីឡូម៉ែត្រ ដើម្បីសុវត្ថិភាពចរាចរណ៍
-
ព័ត៌មាន17 hours ago
TOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
-
ព័ត៌មាន1 week ago
សម្ដេចតេជោ៖ សាលានាយទាហាន ពលទាហាន តាមបណ្តាភូមិភាគគួរត្រូវបានរៀបចំក្នុងកាលៈទេសៈនេះ ខណៈកម្ពុជានឹងអនុវត្តកាតព្វកិច្ចយោធាចាប់ពីឆ្នាំក្រោយ
-
ព័ត៌មាន20 hours ago
អ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
-
ព័ត៌មាន1 week ago
CMAC បញ្ជូនគ្រូបង្គោលបណ្តុះបណ្តាលជំនាញ អប់រំយល់ដឹងពីមីន និងសំណល់គ្រាប់យុទ្ធភណ្ឌដល់មន្ត្រីនគរបាលប៉ុស្តិ៍រដ្ឋបាល ទូទាំងខេត្តកណ្តាល