ព័ត៌មាន
មូលដ្ឋានអាជីវកម្មទេសចរណ៍នៅភ្នំពេញត្រៀមលក្ខណៈរួចរាល់ សម្រាប់ឱកាសព្រះរាជពិធីបុណ្យអុំទូក
ក្នុងឆ្នាំ២០២៦នេះ នៅរាជធានីភ្នំពេញ មិនមានការប្រារព្ធព្រះរាជពិធីបុណ្យអុំទូក បណ្តែតប្រទីប និងសំព្រះសំពះខែ អកអំបុក នោះទេ ប៉ុន្តែទោះជាយ៉ាងនេះក្ដី នៅតាមគោលដៅទេសចរណ៍ និងមូលដ្ឋានអាជីវកម្មទេសចរណ៍នានា គឺនៅតែត្រៀមលក្ខណៈរួចរាល់សម្រាប់ការបើកដំណើរការទទួលទេសចរជាតិ អន្តរជាតី ដោយបានធ្វើការតុបតែងលំអ បង្ហាញអត្តសញ្ញាណវប្បធម៌ ដើម្បីឱ្យទេសចរចូលទស្សនាកម្សាន្តសប្បាយ។

លោក អាន សីហា អនុប្រធានមន្ទីរទេសចរណ៍រាជធានីភ្នំពេញ បានថ្លែងប្រាប់BTV នៅថ្ងៃទី២០ ខែវិច្ឆិកានេះថា នៅអំឡុងថ្ងៃឈប់សម្រាកព្រះរាជពិធីបុណ្យអុំទូកនេះ នៅតាមរមណីយដ្ឋានទេសចរណ៍ ជាពិសេស គោលដៅទេសចរណ៍ ផ្លូវថ្មើជើងចតុមុខ គឺនឹងធ្វើការបើកដំណើរការរយៈពេល៥ថ្ងៃ ចាប់ពីថ្ងៃទី២១ ដល់ថ្ងៃទី២៥ ខែវិច្ឆិកានេះ ព្រមជាមួយគ្នានេះ នៅតាមមូលដ្ឋានអាជីវកម្មទេសចរណ៍មួយចំនួន ក៏នឹងមានការរៀបចំតុបតែលំអរ បង្ហាញអត្តសញ្ញាណវប្បធម៌ រៀបចំតាំងពិព័រណ៍បង្ហាញផលិតផលរបស់ខ្លួន និងមានរៀបចំកម្មវិធីកម្សាន្តសប្បាយនានាទៀតជាច្រើន ហើយរំពឹង រាល់កម្មវិធីនានានោះ នឹងទាក់ទាញទេសចរជាតិ អន្តរជាតិទស្សនាច្រើនកុះករ។
លោក អាន សីហា បន្តថា រហូតមកដល់នេះ មន្ទីរទេសចរណ៍បានចុះផ្សព្វផ្សាយតាមមូលដ្ឋានអាជីវកម្មទេសចរណ៍រួចហើយ ជាពិសេស តាមមូលដ្ឋានអាជីវកម្មត្រូវពង្រឹងកិច្ចផ្តល់សេវាបដិសណ្ឋារកិច្ចល្អ មានគុណភាព សុវត្ថិភាព និងត្រូវបញ្ជាក់ពីតម្លៃ និងលក្ខខណ្ឌអនុវត្តផ្សេងៗឱ្យបានច្បាស់លាស់ បង្កភាពងាយស្រួលដល់ភ្ញៀវធ្វើការពិចារណា ជ្រើសរើសទិញផលិតផលទេសចរណ៍ ឬប្រើប្រាស់សេវាកម្មទេសចរណ៍ ជាដើម។
សូមបញ្ជាក់ថា នៅក្នុងឆ្នាំ២០២៥កន្លងទៅ នៅរាជធានីភ្នំពេញ មិនបានរៀបចំកម្មវិធីផ្សេងៗសម្រាប់អបអរសាទរព្រះរាជពិធីបុណ្យអុំទូកនោះទេ ប៉ុន្តែនៅថ្ងៃឈប់សម្រាក៣ថ្ងៃ នៃព្រះរាជពិធីបុណ្យអុំទូកឆ្នាំ២០២៥កាលនោះ បានទាក់ទាញទេសចរជាតិ អន្តរជាតិ បានជាង៣០ម៉ឺននាក់ ហើយនៅឱកាសថ្ងៃឈប់សម្រាកព្រះរាជពិធីបុណ្យអុំទូកបីថ្ងៃ ឆ្នាំ២០២៦រំពឹងនឹងមានទេសចរជាតិ អន្តរជាតិ អញ្ជើញមកទស្សនាច្រើនកើនឡើងឆ្នាំកន្លងទៅ៕ អត្ថបទ៖ ស៊ុម សុខជា


-
ព័ត៌មាន7 days agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoយុវជនអ្នកបន្តវេន៖ ការបំពេញកាតព្វកិច្ចយោធារបស់យុវជនគឺពង្រឹងស្មារតីជាតិនិយម
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoក្រសួងសាធារណការ ជូនដំណឹង ស្តីពីការធ្វើនាវាចរណ៍នៅតំបន់ការដ្ឋានសាងសង់ស្ពានឆ្លងកាត់ទន្លេមេគង្គ (ពីទីក្រុងរណបមេគង្គឃី ទៅកាន់ទីក្រុងរណបកោះនរា)