ក្រុមអាជីវករលក់ដូរក្នុងឱកាសបុណ្យចូលឆ្នាំថ្មីប្រពៃណីខ្មែរ នគរសង្ក្រាន្ត (វត្តភ្នំ) ចាប់ផ្តើមរៀបចំឥវ៉ាន់ដាក់លក់ជាបណ្តើរៗហើយ នឹងរំពឹងថា នៅក្នុងព្រឹត្តិការណ៍នគរសង្ក្រាន្តឆ្នាំនេះ នឹងមានប្រជាពលរដ្ឋមកលេងកម្សាន្តច្រើន នឹងអាចធ្វើឱ្យការលក់ដូររបស់ពួកគាត់ ដាច់ជាងឆ្នាំមុនៗ។ អាជីវករលក់ដូរនៅក្នុងថ្ងៃបុណ្យចូលឆ្នាំប្រពៃណីខ្មែរ នគរសង្ក្រាន្ត នៅរាជធានីភ្នំពេញ នៅក្នុងថ្ងៃទី១៣ ខែមេសា ឆ្នាំ២០២៦ នេះ បានចាប់ផ្តើមរៀបចំវ៉ាន់ដាក់លក់ជាបណ្តើរៗហើយ ជាពិសេសការលក់ដូរនំចំណី និងប្រភេទអាហារផ្សេងៗ ដើម្បីលក់ជូនបងប្អូន មកដើរលេងកម្សាន្តនៅក្នុងព្រឹត្តិការណ៍នគរសង្ក្រាន្ត ជាពិសេសនៅរមណីយដ្ឋានវប្បធម៌ប្រវត្តិសាស្ត្រវត្តភ្នំ និងតំបន់ជុំវិញវត្តភ្នំ ដែល នឹងចាប់ផ្តើមពីថ្ងៃស្អែកនេះតទៅ។ អាជីវករលក់ដូរទាំងនោះ លើកឡើងស្រដៀងគ្នាថា...
ក្នុងរយៈពេល៣ខែនឹង១០ថ្ងៃដើមឆ្នាំនេះ គិតចាប់ពីថ្ងៃទី១ ខែមករា រហូតដល់ថ្ងៃទី១០ ខែមេសា ឆ្នាំ២០២៦ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៧១០ករណី បណ្តាលឱ្យមនុស្សស្លាប់៤៧២នាក់ និងបង្កឱ្យមានអ្នករងរបួសធ្ងន់ស្រាលរហូតដល់១.១១៤នាក់។ នេះបើតាមលោក ទូច សុឃៈ អ្នកនាំពាក្យរងក្រសួងមហាផ្ទៃ។ បើតាមអ្នកនាំពាក្យរង មូលហេតុនាំឱ្យកើតមានសោកនាដកម្មលើដងផ្លូវទាំងនេះ បណ្តាលបើកបរលើសល្បឿនចំនួន៤៦% មិនគោរពសិទ្ធិអាទិភាព២១% មិនប្រកាន់ស្ដាំ១២% បើកប្រជែងក្នុងស្ថានភាពគ្រោះថ្នាក់៨% បត់មិនប្រយ័ត្ន៦% ស្រវឹង៤% មិនគោរពសញ្ញាចរាចរណ៍២%។ល។ លោកបញ្ជាក់ថា រាជធានីភ្នំពេញមានគ្រោះថ្នាក់ចរាចរណ៍ច្រើនជាងគេ ចំនួន២៣៣លើក ខេត្តកណ្ដាល៥១លើក...
ខេត្តកោះកុង៖ ថ្ងៃទី១៣ ខែមេសា ឆ្នាំ២០២៦ អាជ្ញាធរជាតិដោះស្រាយវិវាទក្រៅប្រព័ន្ធតុលាការ និងរដ្ឋបាលខេត្តកោះកុង បានធ្វើការចុះអនុស្សរណៈនៃការយោគយល់គ្នា (MOU) ស្តីពីកិច្ចសហប្រតិបត្តិការក្នុងការសម្រុះសម្រួលផ្សះផ្សាវិវាទ ក្រោមអធិបតីភាព ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ និងជាអនុប្រធានប្រចាំការនៃ អ.ដ.ក., ឯកឧត្ដម ថុង ណារ៉ុង ប្រធានក្រុមប្រឹក្សាខេត្តកោះកុង និង លោកជំទាវ ឈី វ៉ា អភិបាលនៃគណៈអភិបាលខេត្តកោះកុង។ ពិធីនេះ...
ក្នុងឱកាសអញ្ជើញដឹកនាំប្រតិភូក្រសួងបរិស្ថាន ចូលរួមប្រជុំស្តីពីការរៀបចំទិវាបរិស្ថានជាតិនិងបរិស្ថានពិភពលោក ៥ មិថុនា នៅឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង នាថ្ងៃទី១៣ ខែមេសា ឆ្នាំ២០២៦ នៅក្នុងព្រះបរមរាជវាំង រាជធានីភ្នំពេញ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថា ឆ្នាំនេះប្រធានបទទិវាបរិស្ថានជាតិនិងទិវាបរិស្ថានពិភពលោក ៥ មិថុនា បានផ្តោតលើ ការឈានឆ្ពោះទៅ «សំណល់សូន្យ»...
អាកាសយានដ្ឋានអន្ដរជាតិភ្នំពេញ（ព្រលានយន្តហោះចាស់) បើកជាសួនសាធារណៈ សម្រាប់ពលរដ្ឋចូលទស្សនា ក្នុងឱកាសបុណ្យចូលឆ្នាំថ្មីនេះ កំពុងបើកបង្ហាញនូវទម្រង់សិល្បៈវប្បធម៌ខ្មែរ យ៉ាងរស់រវើក ដើម្បីអបអរសាទ និងស្វាគមន៍ភ្ញៀវទេសចរ។ ប្រជាពលរដ្ឋ និងយុវជន ដែលបានចូលទៅទស្សនាទីតាំងអាកាសយានដ្ឋានអន្ដរជាតិភ្នំពេញ(ព្រលានយន្តហោះចាស់) បានប្រាប់ BTV កាលពីល្ងាចថ្ងៃទី១២ ខែមេសា ឆ្នាំ២០២៦ ថា ពួកគេរីករាយដែលបានចូលដល់ទីតាំង ច្រកចេញចូល VIP ចំណត និងផ្លូវរត់របស់យន្ដហោះ។ ហើយអ្វីដែលពួកគាត់ ពេញចិត្តនោះ គឺការបើកបង្ហាញនូវទម្រង់សិល្បៈវប្បធម៌ខ្មែរ ដូចជាការលេងឧបករណ៍ភ្លេងខ្មែរ...
ប្រជាពលរដ្ឋខ្មែររស់នៅប្រទេសជប៉ុន បានធ្វើដំណើរមកដល់កម្ពុជា ដើម្បីចូលរួមអបអរសាទរ ពិធីបុណ្យចូលឆ្នាំថ្មីប្រពៃណីជាតិ និងការប្រារព្ធព្រឹត្តិការណ៍ នគរសង្រ្កាន្ដ ក្នុងស្មារតីសាមគ្គីជាតិ ថែរក្សាប្រពៃណីវប្បធម៌។ លោក ឃុន សារឿន ប្រជាពលរដ្ឋខ្មែររស់នៅប្រទេសជប៉ុន ដែលបានធ្វើដំណើរមកដល់កម្ពុជា កាលពីយប់ថ្ងៃទី១០ ខែមេសា ឆ្នាំ២០២៦ លោកបានប្រាប់ BTV នៅថ្ងៃទី១១ ខែមេសាថា បន្ទាប់ពីមកដល់កម្ពុជា អ្វីដែលលោកមានមោទនភាពបំផុតនោះ គឺអាកាសយានដ្ឋានអន្ដរជាតិតេជោ ដែលមានរចនាបថខ្មែរដ៏ល្អឯក។ លោកថា សមិទ្ធផលនេះ...
នៅថ្ងៃដើមសប្ដាហ៍នេះ ភៀវទេសចរជាតិ និងអន្តរជាតិ បាននាំគ្នាដើរលេងកម្សាន្តនៅទីតាំងរៀបចំព្រឹត្តិការណ៍ «នគរសង្ក្រាន្ត» នៅរមណីដ្ឋានប្រវត្តិសាស្រ្តវត្តភ្នំ ដែលមានការតុបតែងលម្អបែបប្រពៃណីជាតិយ៉ាងស្រស់ស្អាត។ ក្នុងពេលដើរលេងកម្សាន្តនៅរមណីដ្ឋានប្រវត្តិសាស្រ្តវត្តភ្នំ ភ្ញៀវទេសចរជាតិ បានបង្ហាញការមើលឃើញអំពីការតុបតែងលម្អបែបប្រពៃណីជាតិនៅតំបន់វត្តភ្នំ មានភាពស្រស់ស្អាត ពោលគឺការតុបតែងរូបសេះ តំណាងឆ្នាំមមី និងឧបករណ៍ភ្លេងខ្មែរ ជាដើម។ ភ្ញៀវទេសចរ បានអះអាងថា ពួកគេនឹងនឹងចូលរួមលេងកម្សាន្តក្នុងព្រឹត្តិការណ៍ «នគរសង្ក្រាន្ត» ដែលមានទស្សនីយភាពជាច្រើន និងជូនពរដល់វីរកងទ័ពនៅជួរមុខ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ មានសុខភាពល្អ និងសុវត្ថិភាព។ ភ្ញៀវទេសចរអន្តរជាតិ...
គ្រប់គោលដៅទេសចរណ៍នានានៅរាជធានីភ្នំពេញ គឺបានតុបតែងរួចរាល់មានភាពស្រស់ស្អាត និងមានភាពទាក់ទាញក្នុងការដើរកម្សាន្ត នៅក្នុងឱកាសថ្ងៃបុណ្យចូលឆ្នាំថ្មី ដែលនឹងឈានចូលមកដល់នៅថ្ងៃស្អែកនេះ ហើយសម្រាប់ភ្ញៀវទេសចរអន្តរជាតិ ដែលដើរទស្សនាតាមបណ្តោយផ្លូវថ្មើរជើងចតុមុខ ថាតំបន់នេះមានភាពទាក់ទាញខ្លាំង ហើយគេនឹងចូលរួមដើរកម្សាន្ត ភ្លក់ម្ហូបអាហារ ទិញផលិតផលខ្មែរ ចូលរួមរាំ លេងល្បែងប្រជាប្រិយខ្មែរ កម្សាន្តសប្បាយជាមួយពលរដ្ឋខ្មែរ។ ភ្ញៀវទេសចរអន្តរជាតិ បានថ្លែងប្រាប់BTV នៅថ្ងៃទី១៣ ខែមេសា នេះថា រៀងរាល់ឆ្នាំ ព្រឹត្តិការណ៍បុណ្យចូលឆ្នាំថ្មី ប្រពៃណីខ្មែរឈានមកដល់ម្តងៗ គោលដៅទេសចរណ៍កម្ពុជា គឺមានភាពសប្បាយរីករាយ តាមបែបប្រពៃណី វប្បធម៌...
សង្ក្រាន្តផ្សារទួលទំពូង បានចាប់ផ្ដើមពីរថ្ងៃមកហើយ បានទាក់ទាញភ្ញៀវជាតិ និងអន្តរជាតិច្រើនកុះករឱ្យចូលរួមលេងកម្សាន្ត និងបានជំរុញកំណើនលក់ដូររបស់អាជីវករក្នុងផ្សារនេះផង។ ពីរថ្ងៃមកនេះ កម្មវិធីសង្ក្រាន្ត នៅបរិវេណផ្សារទួលទំពូង បានទាក់ទាញប្រជាពលរដ្ឋ ភ្ញៀវជាតិ និងអន្តរជាតិជាច្រើន ចូលរួមលេងកម្សាន្តសប្បាយជាមួយនឹងការរៀបចំកម្មវិធីសប្បាយភាពផ្សេងៗ ក៏ដូចជាការចូលរួមលេងល្បែងប្រពៃណីជាតិខ្មែរជាដើម ។ ទន្ទឹមនឹងភាពអធិកអាធ័មនេះដែរ ការលក់ដូរម្ហូបអាហារ សម្ភារ សម្លៀកបំពាក់ ជាដើម ត្រូវទទួលបានការបញ្ជាទិញជាច្រើនពីសំណាក់ពលរដ្ឋ ដែលអញ្ជើញទៅកម្សាន្ត។ ក្រុមអាជីវកម្ម បង្ហាញទឹកចិត្តសប្បាយរីករាយជាខ្លាំង ដោយសារមានភ្ញៀវច្រើនជួយជាវ និងទិញម្ហូបអាហារញុំា ដែលវាជាផ្នែកជួយដល់សេដ្ឋកិច្ចជីវភាពរបស់ពួកគេមួយផ្នែកធំផងដែរ។...
កម្មករ កម្មការិនី តាមរោងចក្រសហគ្រាសទូទាំងប្រទេស បានលេងល្បែងប្រជាប្រិយ និងរាំកម្សាន្ត និងកម្មវិធីកម្សាន្តផ្សេងៗទៀតយ៉ាងសប្បាយរីករាយនៅមុនពិធីបុណ្យចូលឆ្នាំថ្មីប្រពៃណីជាតិ ដែលបងប្អូនកម្មករនិយោជិតនឹងទទួលបានការឈប់សម្រាកក្នុងឱកាសឆ្នាំថ្មី។ ក្នុងនោះសហគ្រាស វីនណាស ហ្គាមេន ឯ.ក ដែលមានអាសយដ្ឋាននៅក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ដែលមានសកម្មភាពអាជីវកម្មក្នុងផ្នែកកាត់ដេរសម្លៀកបំពាក់ ក៏បានផ្តល់ឱកាសឱ្យបងប្អូនកម្មករនិយោជិត រាំលេងកំសាន្ត លេងល្បែងប្រជាប្រិយ និងការចាប់រង្វាន់លើកទឹកចិត្តជូនបងប្អូនកម្មករ រួមទាំងកម្មវិធីផ្សេងៗទៀតយ៉ាងសប្បាយរីករាយក្នុងឱកាសបុណ្យចូលឆ្នាំថ្មីប្រពៃណីជាតិ។ ទន្ទឹមនេះ សហគ្រាស ស្តារឡៃថ៍ អឹភែរឹល មេនូហ្វេកឆឺរីង...