កីឡាករ ទ្វេ វិរៈ នឹងជួបជាមួយកីឡាករបរទេសរស់នៅស្រុកខ្មែរ រ៉ូល ឡង់ ក្នុងប្រភេទទំងន់ធ្ងន់ ៧០គ លើសង្វៀនប្រដាល់ គុនខ្មែរ ជើងឯកលេខ ១ គូបូតា

រីករាយទស្សនាការប្រកួតប្រដាល់គុនខ្មែរ ជើងឯកលេខ ១ គូបូតា សប្តាហ៍នេះដែលនឹងមានវត្តមានកីឡាករ ៥ គូ។ សប្តាហ៍ថ្ងៃសុក្រនេះ នឹងមានការប្រកួតគូល្អៗចាប់ពីទំងន់ ៦០គ ឡើងទៅ។

គូបើកឆាកដំបូង កីឡាករមកពីខេត្តបាត់ដំបង ទ្វេ វិរៈ នឹងជួបជាមួយកីឡាករបរទេសរស់នៅស្រុកខ្មែរ រ៉ូល ឡង់ ដែលហាត់ នៅក្លិបប្រដាល់ខេមរៈខ្លាហោះ ក្នុងប្រភេទទំងន់ធ្ងន់ ៧០គ។ គូទីពីរ រិទ្ធ ភារម្យ ប្រកួតប្រភេទទំងន់ ៦០គ ជាមួយកីឡាករ ធា វាសនា។

គូពិសេសពីរគូសប្តាហ៍នេះនៅសង្វៀនគូបូតាគឺ មាស សារ៉ាក់ របស់ក្លិបអាណាចក្រគុនខ្មែរ នឹងជួបជាមួយ វៀត ប៊ុនឌឿន មកពីក្លិបប្រដាល់គុហារព្រហ្មជ័យក្នុងប្រភេទទំងន់ ៦០គ។

គូឯកសប្តាហ៍នេះគឺ ម្ចាស់ខ្សែក្រវាត់នៅទូរទស្សន៍បាយ័ន ឯម ឡេងលី នឹងជួបជាមួយជើងចាស់ នន់ ជំនិត មកពីក្លិបស្វាយរលំមានរិទ្ធ ក្នុងប្រភេទទំងន់ ៧២គ។

ផ្សាយផ្ទាល់ពីទូរទស្សន៍បាយ័នថ្ងៃសុក្រនេះចាប់ពីវេលាម៉ោង ៧ យប់តទៅពីស្ទូឌីយោបាយ័នស្ទឹងមានជ័យ។

រូបតំណាង