កម្មវិធីប្រដាល់គុនខ្មែរ “Wurkz សង្វៀនគុនខ្មែរ” ចុងសប្តាហ៍នេះកាន់តែជក់ចិត្ត ជាមួយវត្តមានកីឡាករបីគូសុទ្ធតែមិនព្រិចភ្នែកបាន

ការប្រកួតមិត្តភាព ២ គូគឺជាគូពិសេសដែលមានវត្តមានកីឡាករកម្ពុជាជួបកម្ពុជា ដែលពួកគេសុទ្ធតែជាកីឡាករមានបទពិសោធប្រកួតជាមួយកីឡាករបរទេស។

• បាង កាណុន កីឡាករមកពីក្លិបប្រដាល់គុនខ្មែរ អាណាចក្រគុនខ្មែរ នឹងជួបជាមួយកីឡាករ ធី ម៉ានិត កូនសិស្សរបស់អតីតស្តេចប្រដាល់គុនខ្មែរ អេ ភូថង ក្នុងប្រភេទទំងន់ ៥៤គ។
• ជ័រ ពៅ កីឡាករវាយមិនចង់អោយចប់ ៥ ទឹក ចង់ផ្តួលគូប្រកួតអោយសន្លប់រាលប្រកួត នឹងជួបជាមួយជើងចាស់ សារឿន ចាន់ មកពីក្លិបប្រដាល់គុនខ្មែរ ចលនាយុវជនកម្ពុជា ១៥៧ គុនខ្មែរ។

ដោយឡែកកាន់តែពិសេសគឺ ការប្រកួតសន្សំប្រាក់លានរបស់ Wurkz គឺនឹងមានវត្តមានកីឡាករជើងចាស់ សំអាង ឌុន មកពីក្លិបនាគរាជចតុមុខ ជួបជាមួយ ម៉ន គឹមឡុង មកពីក្លិបយុវជនគុនខ្មែរពន្លឺថ្មីព្រែកឯង។ តើនរណាជាម្ចាស់លុយមួយលានរៀលសន្សំក្នុងសប្តាហ៍នេះនៃប្រភេទទំងន់ ៦៥គ?

ក្រៅពីការប្រកួតដ៏តានតឹង ក៏នឹងមានការសំដែងរបស់តារាចំរៀងផងដែរ។

ផ្សាយផ្ទាល់តាមរយៈទូរទស្សន៍បាយ័នចាប់ពីវេលាម៉ោង ៦ ល្ងាចតទៅរៀងរាល់ថ្ងៃសៅរ៍នៅសង្វៀនស្ទូឌីយោស្ទឹងមានជ័យ។

រូបតំណាង