កីឡា
ប៊ុន សុធា ឈ្នះ គង់ ហ៊ូវ ដោយពិន្ទុ ខណៈពេជ្រ ប៊ុនសិទ្ធ ផ្តួល ហ៊ឹម គឹមរៀង សន្លប់ទឹក២
ប៊ុន សុធា អ្នកប្រដាល់ជើងខ្លាំងស្រករក្រោយ នៃក្លិបមជ្ឈមណ្ឌលកីឡាកងយោធពលខេមរភូមិន្ទ និងជាម្ចាស់ខ្សែក្រវាត់គូបូតាទម្ងន់៥៤គីឡូក្រាមឆ្នាំ២០១៩នោះ បានយកឈ្នះគង់ ហ៊ូវ អ្នកប្រដាល់ក្លិបគុហារព្រហ្មជ័យខេត្តសៀមរាបដោយពិន្ទុ ក្នុងការជួបប្រកួតគ្នានៅលើសង្វៀនបិទទ្វារគូបូតារបស់ទូរទស្សន៍បាយ័ន កាលពីយប់ថ្ងៃទី២៨សីហា២០២០។
នៅក្នុងការប្រកួតគ្នា៥ទឹកពេញនោះ ប៊ុន សុធា គេមានប្រៀបឈ្នះលើគង់ ហ៊ូវ សឹងតែគ្រប់ទឹក ទាំងលើផ្នែកកម្លាំងកាយសម្បទា ស្នៀតវាយលុកនិងកម្លាំងចិត្ត ។ គង់ ហ៊ូវ ចាញ់កម្លាំងស៊ុហ្វប៊ុនសុធា ដោយសារខកខានឡើងប្រកួតយូរ ហេតុនេះប៊ុន សុធា ថិតនៅប្រៀបឈ្នះច្រើនជាង ។ ប៊ុន សុធា និងគង់ ហ៊ូវ នេះ ប្រកួតគ្នាក្នុងប្រភេទទម្ងន់៥៧គីឡូក្រាម ។
ពេជ្រ ប៊ុនសិទ្ធ អ្នកប្រដាល់ជើងខ្លាំងស្រករក្រោយ នៃក្លិបចលនាយុវជនកម្ពុជា១៥៧គុនខ្មែរ បានផ្តួលជើងខ្លាំងស្រករមុន ហ៊ឹម គឹមរៀង អ្នកប្រដាល់ក្លិបតាព្រហ្មមានជ័យ អោយសន្លប់ក្នុងទឹកទី២ ។ ពួកគេទាំងពីរនាក់នេះ ប្រកួតគ្នាក្នុងទម្ងន់៥៤គីឡូក្រាម។
ហ៊ឹម គឹមរៀង ក្នុងទឹកទី២នោះ ត្រូវ ប៊ុនសិទ្ធ វាយកែងត្រូវចុងចង្កាខាងឆ្វេងមួយកែងពេញបណ្តាលឲ្យដួលលើរេញត្រូវអាជ្ញាកណ្តាលរាប់៨ម្តង ហើយបន្ទាប់ពីបន្តការប្រកួតទៀតនោះ គឹមរៀង ក៏ត្រូវប៊ុនសិទ្ធ វាយកែងត្រូវមួយកែងទៀតចំកន្លែងដដែល ធ្វើឲ្យគឹមរៀងដួលសន្លប់លែងក្រោកតែម្តង។
ចំពោះរិទ្ធ ភារម្យ អ្នកប្រដាល់ក្លិបអាណាចក្រគុនខ្មែរ ត្រូវគេផ្គូឲ្យជួបប្រកួតជាមួយស៊ឹម ប៊ុនឆៃ អ្នកប្រដាល់ចាស់វស្សាក្លិបព្រៃទទឹងខេត្តបាត់ដំបង ក្នុងប្រភេទទម្ងន់៦០គីឡូក្រាមនោះ បានវាយចាញ់ប៊ុនឆៃដោយពិន្ទុ បន្ទាប់ពីប្រកួតគ្នា៥ទឹកពេញនោះ។
រីឯ ធន ចំរ៉ុង អ្នកប្រដាល់ក្លិបមជ្ឈមណ្ឌលកីឡាកងយោធពលខេមរភូមិន្ទ បានផ្តួលពៅ ចំរ៉ុង អ្នកប្រដាល់ក្លិបបញ្ជាការទ័ពពិសេស អោយបោះបង់ចោលការប្រកួតក្នុងទឹកទី២ ដោយសារឈឺភ្លៅឆ្វេង ក្រោយធន ចំរ៉ុងទាត់ត្រូវជាច្រើនជើងនោះ ។ពួកគេទាំងពីរនាក់នេះ ប្រកួតគ្នាក្នុងប្រភេទទម្ងន់៦០គីឡូក្រាមដែរ ។ចំណែកផល ស៊ីឡុង ក្លិបរាជសីហ៍ខេត្តរតនគិរី ដែលឡើងសងសឹករិទ្ធ វិបុល ក្លិបអាណាចក្រគុនខ្មែរនោះ គឺពុំបានសម្រេចឡើយ ដោយត្រូវប្រកួតចាញ់វិបុលដោយពិន្ទុទៀត៕
វិសិទ្ធ
-
ព័ត៌មាន1 week agoសង្ខេបស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីកងកម្លាំងយោធាថៃបន្តការបាញ់ប្រហារ និងឈ្លានពានមកលើដែនអធិបតេយ្យកម្ពុជា នៅទិសយោធភូមិភាគទី៤ និងយោធភូមិភាគទី៥
-
ព័ត៌មាន1 week agoសម្ដេចធិបតីប្រកាសជំហរជាថ្មីម្តងទៀត ដោយឥតងាករេកម្ពុជាគោរពយ៉ាងម៉ឺងម៉ាត់នូវបទឈប់បាញ់
-
ព័ត៌មាន1 week agoមកទល់រសៀលនេះយោធាថៃបន្តប្រើយន្តហោះ F-16 ទម្លាក់គ្រាប់បំផ្លាញទីតាំងជនស៊ីវិលកម្ពុជា
-
ព័ត៌មាន5 days agoក្រសួងពាណិជ្ជកម្ម បង្ការ និងទប់ស្កាត់ការក្លែងបន្លំដើមកំណើតទំនិញនាំចេញទៅកាន់ទីផ្សារសហរដ្ឋអាម៉េរិក
-
ព័ត៌មាន1 week agoTOP STORY | សម្ដេចធិបតី៖សំឡេងរបស់ពលរដ្ឋកម្ពុជា គឺជាសំឡេងដែលឱ្យតម្លៃលើសន្តិភាព និងប្រាថ្នាការរួមរស់ដោយសន្តិសហវិជ្ជមានជាមួយគ្រប់ប្រជាជាតិទាំងអស់
-
ព័ត៌មាន1 week agoទាហានថៃ បន្តឧក្រិដ្ឋកម្មសង្រ្គាមដោយបន្តប្រើយន្តហោះ F-16 បាញ់យ៉ាងកំរោល និងគ្មានរើសគោលដៅ ចូលតំបន់រស់នៅរបស់ជនស៊ីវិលកម្ពុជា
-
ព័ត៌មាន5 days agoBREAKING NEWS | ទាហានឈ្លានពានថៃដែលព្យាយាមរុលចូលទឹកដីកម្ពុជាត្រូវបានវីរកងទ័ពកម្ពុជាបាញ់ឱ្យស្លាប់ និងរបួសជាច្រើននាក់, អ្នកស្លាប់អាចកើនឡើងដល់ជាង ៦ពាន់នាក់ និងរបួសជិត ២ម៉ឺននាក់
-
ព័ត៌មាន5 days agoអ្នកនាំពាក្យ៖ គ្រប់ពេលដែលជាតិ និងប្រជាជនជួបការលំបាក តែងតែមានវត្តមានរបស់សម្តេចតេជោជានិច្ច ហើយជីវិតសម្ដេចជារបស់ជាតិខ្មែរ