កីឡា
ប្រវត្តិសាស្ត្រលើកទី២ អ៉ីតាលី គ្រងជើងឯកបាល់ទាត់ទ្វីបអឺរ៉ុប ក្រោយឈ្នះអង់គ្លេស
កីឡាអបអរសាទរ អ៉ីតាលីគ្រងជើងឯក EURO 2020 ក្រោយឈ្នះអង់គ្លេស
ក្រុមបាល់ទាត់ជម្រើសជាតិអ៉ីតាលីបានក្លាយជាអធិរាជបាល់ទាត់ទ្វីបអឺរ៉ុប EURO 2020 បន្ទាប់ពីបានយកឈ្នះក្រុមបាល់ទាត់ជម្រើសជាតិអង់គ្លេសដោយបាល់ប៉េណាល់ទីកាត់សេចក្តីដោយលទ្ធផល ៣-២ បន្ទាប់ពីបញ្ចប់១២០នាទីស្មើគ្នា ១-១។
នៅកីឡដ្ឋាន Wembley ក្នុងប្រទេសអង់គ្លេសចំពោះមុខអ្នកគាំទ្រប្រមាណ៦ម៉ឺននាក់ ការប្រកួតបើកឆាកភ្លាមមិនបាន២នាទីផង អង់គ្លេសបានបំប៉ោងសំណាញ់ទីរបស់អ៉ីតាលីនាំមុខ ១-០ ស៊ុតបញ្ចូលទីដោយខ្សែបម្រើការពារ Luke Shaw។ គ្រាប់បាល់នេះបានធ្វើឲ្យអ្នកគាំទ្ររំភើបរីករាយយ៉ាងខ្លាំង។
បន្ទាប់មកអ៉ីតាលីបានព្យាយាមដាក់សម្ពាធ និងវាយសម្រុកយ៉ាងខ្លាំង ប៉ុន្តែខ្សែការពារអង់គ្លេសរឹងមាំដែល៤៥នាទីដំបូង អ៉ីតាលីមិនអាចទម្លាយសំណាញ់ទីរបស់អង់គ្លេសបានឡើយ។
ចូលវគ្គទី២ អ៉ីតាលីនៅតែបន្តដាក់សម្ពាធខ្លាំងដដែលហើយទីបំផុតបានស្មើ ១-១ ដែលជាគុណសម្បត្តិរបស់ខ្សែការពារលេខ១៩ Bonucci នៅនាទី៦៧ ដើម្បីបិទមាត់សំឡេងស្រែកហ៊ោរបស់អ្នកគាំទ្រអង់គ្លេស និងបង្កើនក្តីសង្ឃឹមឡើងវិញ។
ក្រោយពេលតាមស្មើ អ៉ីតាលីហាក់មិនសូវសម្រុកខ្លាំងប៉ុន្មានឡើយដោយលេងតាមបច្ចេកទេស ប៉ុន្តែនៅតែអាចគ្រប់គ្រងបាល់បានច្រើនជាងអង់គ្លេសដែលព្យាយាមការពារច្រើន។
លទ្ធផល ១-១រក្សារហូតចប់៩០នាទី ដូច្នេះត្រូវបន្ថែមម៉ោង១៥នាទីពីរដង ប៉ុន្តែក្រុមទាំងពីរនៅតែមិនអាចរកគ្រាប់បាល់ទម្លាយសំណាញ់ទីគ្នាបានឡើយ។ ទីបំផុតការប្រកួតត្រូវបញ្ចប់ដោយប៉េណាល់ទីដើម្បីរកអ្នកឈ្នះ។
សម្រាប់ការស៊ុតប៉េណាល់ទី៥គ្រាប់ដូចគ្នា អ្នកចាំទីរបស់ក្រុមជម្រើសជាតិទាំងពីរធ្វើបានល្អដូចគ្នា។ សរុបទៅអង់គ្លេសស៊ុតបានសម្រេចតែ២គ្រាប់ប៉ុណ្ណោះ និងស៊ុតអត់ចូល៣គ្រាប់ ខណៈអ៉ីតាលីស៊ុតចូល៣គ្រាប់ និងស៊ុតមិនចូល២គ្រាប់។
នេះជាប្រវត្តិសាស្ត្រលើកទី២សម្រាប់អ៉ីតាលីគ្រងជើងឯកបាល់ទាត់ទ្វីបអឺរ៉ុប បន្ទាប់ពីលើកទី១ឈ្នះនៅឆ្នាំ១៩៦៨។ អ្វីដែលអស្ចារ្យទៀតនោះ ក្រោមការដឹកនាំរបស់លោកគ្រូ Roberto Mancini ក្រុមជម្រើសជាតិ
អ៉ីតាលីមិនទាន់បរាជ័យម្តងណាឡើយក្នុងចំណោម៣៤ចុងក្រោយនេះ។
ចំណែកអង់គ្លេសវិញនេះជាលើកដំបូងដែលបានឡើងវគ្គផ្តាច់ព្រ័ត្រពានរង្វាន់ដ៏ធំនេះគិតចាប់តាំងពីឆ្នាំ១៩៦០មក៕
អត្ថបទពី៖ កម្ពុជាថ្មី
កែសម្រួលដោយ៖ Ha Ti
-
ព័ត៌មាន6 days agoបុរសម្នាក់បើករថយន្តក្នុងល្បឿនលឿនរ៉េចង្កូតបុករះម៉ូតូ និងរថយន្តជាច្រើនគ្រឿង បង្កឲ្យរងរបួសមនុស្ស ៤នាក់
-
ព័ត៌មាន4 days agoរយៈពេល១៥ខែមកនេះ សម្ដេចធិបតីប្រើយុទ្ធសាស្រ្ដឈ្នះឈ្នះ ដោះវិវាទដីធ្លី ជូនពលរដ្ឋបានរាប់ម៉ឺនហិកតា
-
ព័ត៌មាន7 days agoមន្ត្រីជំនាញឆ្មក់បង្រ្កាបបទល្មើសជលផលពេលយប់នៅបឹងទន្លេសាបក្នុងភូមិសាស្ត្រខេត្តពោធិ៍សាត់
-
ព័ត៌មាន1 week agoសម្ដេចធិបតី៖ ទំនាក់ទំនងពិសេសជិតស្និទ្ធកម្ពុជា-ចិន គឺជាដៃគូវិនិយោគ និងយុទ្ធសាស្រ្ដដ៏ធំបំផុតនៅកម្ពុជា
-
ព័ត៌មាន4 days agoសម្តេចធិបតី អំពាវនាវដល់ពលរដ្ឋកុំជឿការញុះញង់របស់ក្រុមឧទ្ទាមក្រៅប្រទេស ត្រូវរួមគ្នាបន្តថែរក្សាសន្តិភាព
-
ព័ត៌មាន4 days agoប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញសម្ពោធសមិទ្ធផលនានា នៅតំបន់អភិវឌ្ឍន៍បឹងជង្រុកតេជោឈ្នះឈ្នះ ខេត្តបន្ទាយមានជ័យ
-
ព័ត៌មាន1 week agoសម្ដេចធិបបតី៖ កិច្ចប្រជុំកំពូលសេដ្ឋកិច្ច GCET នឹងនាំមកនូវលទ្ធផលជាផ្លែផ្កាដល់ការវិនិយោគនៅកម្ពុជា
-
ព័ត៌មាន4 days agoសម្តេចធិបតី៖ ម៉ាឡៃ អតីតតំបន់កាកសំណល់ពីសង្គ្រាម បានប្រែក្លាយមកជាតំបន់អភិវឌ្ឍន៍ហើយ