កីឡា
កីឡាករអូស្រ្តាលី Oscar Piastri ពន្លាតពិន្ទុនាំមុខក្នុងតារាងជើងឯកក្រោយឈ្នះ F1 នៅ Miami
កីឡាករប្រណាំងរថយន្តអូស្រ្តាលី Oscar Piastri បានប្រជែងឈ្នះការប្រណាំង F1 នៅទីក្រុង Miami សហរដ្ឋអាមេរិក ដែលជាជ័យជនះទីបួនក្នុងចំណោម ៦ ទីលានរដូវកាលនេះ។
ជើងឯកពិភពលោកបួនសម័យ Max Verstappen ជាអ្នកឈ្នះការប្រណាំងយកទីចេញដំណើរកាលពីថ្ងៃសៅរ៍ តែការចេញដំណើររបស់កីឡាករហូឡង់រូបនេះត្រដាប់ត្រដួសទោះរក្សាការនាំមុខក៏ដោយ។
កីឡាកររបស់ក្រុម McLaren ទាំងពីរមានល្បឿនគួរកត់សំគាល់នៅ Miami នេះតែត្រូវរង់ចាំដល់ជុំទី ១៤ ទើប Oscar Piastri វ៉ាជែងផុត Max Verstappen បានសម្រេចបន្ទាប់ពីកីឡាកររបស់ Red Bull រូបនេះព្យាយាមរារាំង Piastri ពីការវ៉ាជែងជាច្រើនជុំប្រកបដោយគ្រោះថ្នាក់។
មិនយូរប៉ុន្មាន បន្ទាប់ពីការវ៉ាជែងគ្នាទៅវិញទៅមក កីឡាកររបស់ McLaren ម្នាក់ទៀត Lando Norris ក៏វ៉ា Verstappen បានសម្រេច និងបញ្ចប់ទីដោយលេខមួយ និងលេខពីរសម្រាប់ McLaren។
ចំណែក Verstappen ក៏បាត់បង់មួយតំណែងទៀតឆក់យកដោយ George Russell របស់ Mercedes ទទួលបានតំណែងលេខបីនៅ Miami នេះ។
តាមរយៈជ័យជំនះនៅ Miami នេះ និងជាជ័យជំនះទីបួនរដូវកាលនេះ Oscar Piastri នៅពេលនេះមាន ១៣១ ពិន្ទុ នាំមុខដាច់មិត្តរួមក្រុម Lando Norris ១៦ ពិន្ទុ ខណៈ Max Verstappen លេខបីមាន ៩៩ ពិន្ទុ។
ទីលានទី ៧ រដូវកាលនេះ Formula One នឹងបន្តដំណើរទៅ Emilia Romagna Grand Prix ទឹកដីអ៊ីតាលីនៅសប្តាហ៍ក្រោយ៕
អត្ថបទ៖នាង សុភាវុធ

-
ព័ត៌មាន1 week ago
សម្ដេចធិបតី សាទរនាវាដឹកទំនិញតាមផ្លូវដឹកជញ្ជូនត្រង់ពីកំពង់ផែ Wuxi ប្រទេសចិនមកកាន់កំពង់ផែព្រះសីហនុ
-
ព័ត៌មាន6 days ago
មានការរិះគន់នគរបាលខេត្តឧត្តរមានជ័យ ឃាត់រថយន្តឈ្នួលត្រួតពិនិត្យលិខិតឆ្លងដែន និងទារប្រាក់ ស្នងការខេត្តបញ្ជាក់ថា កំពុងស្រាវជ្រាវ
-
ព័ត៌មាន1 week ago
ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញអបអរសាទរការទទួលបានក្រុមហ៊ុនវិនិយោគចំនួន២០០ នៅតំបន់សេដ្ឋកិច្ចពិសេសក្រុងព្រះសីហនុ
-
ព័ត៌មាន4 days ago
ស៊ុតមាន់ចំនួនជាង ២ម៉ឺន៥ពាន់គ្រាប់ នាំចូលពីប្រទេសវៀតណាម ត្រូវបានមន្រ្តីជំនាញធ្វើការឃាត់ និងដកហូត
-
ព័ត៌មាន1 week ago
គិតត្រឹមខែមេសាឆ្នាំនេះ វិស័យកាត់ដេរផ្តល់ឱកាសការងារដល់ពលរដ្ឋក្នុងស្រុកចំនួនប្រមាណ ៩៧ម៉ឺននាក់
-
ព័ត៌មាន4 days ago
ពលរដ្ឋ និងកុមារ បន្តមកចាក់វ៉ាក់សាំងកូវីដ-១៩ដូសជំរុញ នៅមណ្ឌលសុខភាពក្រាំងធ្នង់ ទប់ស្កាត់ការរីករាលដាល
-
ព័ត៌មាន1 week ago
សម្ដេចធិបតី៖ ក្រុមហ៊ុនវិនិយោគជាង២០០បន្ថែមនៅព្រះសីហនុ ជាសមិទ្ធផលកិច្ចហប្រតិបត្តិការកម្ពុជា-ចិន
-
កីឡា1 week ago
កីឡាការិនីជិត ៥០នាក់ ចូលរួមធ្វើតេស្ដជម្រើសជាតិ U19 កម្ពុជា ត្រៀមការប្រកួតជើងឯកអាស៊ាន ខែក្រោយ