កីឡា
ក្តីសង្ឃឹមគ្រូ Felix! ការប៉ះម៉ាកាវយប់នេះធ្វើឲ្យអ្នកគាំទ្រមានមោទនភាព
លោក Félix Dalmás គ្រូបង្វឹកបាល់ទាត់ជម្រើសជាតិកម្ពុជាសង្ឃឹមទទួលបានលទ្ធផលល្អក្នុងការប្រកួតជាមួយម៉ាកាវ
លោក Félix Dalmás គ្រូបង្វឹកបាល់ទាត់ជម្រើសជាតិកម្ពុជាសង្ឃឹមទទួលបានលទ្ធផលល្អក្នុងការប្រកួតជាមួយម៉ាកាវវេលាម៉ោង៧យប់នេះ ក្នុងជំនួបមិត្តភាពអន្តរជាតិ FIFA Days ថ្ងៃចន្ទ ទី១១ ខែកញ្ញា ឆ្នាំ២០២៣ នៅពហុកីឡដ្ឋានជាតិអូឡាំពិក។
ក្នុងសន្និសីទសារព័ត៌មាន លោក Félix សង្ឃឹមទទួលបានលទ្ធផលគាប់ប្រសើរ និងចង់ឲ្យអ្នកគាំទ្រមានមោទនភាពចំពោះក្រុមបាល់ទាត់ជម្រើសជាតិកម្ពុជា។ លោកអាចនឹងធ្វើការផ្លាស់ប្តូរកីឡាករមួយចំនួនសម្រាប់ទម្រង់លេងជាមួយម៉ាកាវយប់នេះ។
ការលើកឡើងបែបនេះ បន្ទាប់ពីលោកបានចូលដឹកនាំក្រុមជម្រើសជាតិកម្ពុជា២ប្រកួត ប៉ុន្តែមិនទាន់ស្គាល់ជ័យជម្នះឡើយ ក្នុងនោះប្រកួតមិត្តភាពលើកទី១ចាញ់ បង់ក្លាដែស ១-០ និង ប្រកួតលើកទី២ ស្មើ ហុងកុង ១-១។
អ្នកគាំទ្រមួយចំនួនប្រហែលជាមិនយល់ថា ហេតុអ្វីបានជាលោក Félix ដាក់កីឡាករខ្លះឲ្យលេងទល់នឹងហុងកុង ប៉ុន្តែជាកីឡាករទាំងនោះមិនសូវបានលេងឲ្យក្លិបញឹកញាប់ទេ។ ពាក់ព័ន្ធនឹងចំណុចនេះ លោកបានលើកឡើងថា ពិតណាស់ កីឡាករខ្លះមិនបានលេងញឹកញាប់នៅក្លិបក្នុងលីគកំពូលកម្ពុជាបែរជាបានលេងឲ្យជម្រើសជាតិ ខណៈកីឡាករខ្លះបានលេងនៅក្លិបញឹកញាប់ ប៉ុន្តែលោកមិនដាក់ឲ្យលេង។
លោកបានពន្យល់ថា ៖«ខ្ញុំដាក់កីឡាករឲ្យលេងគឺមិនមែនអាស្រ័យទាំងស្រុងលើកីឡាករបានលេងញឹកញាប់ ឬមិនបានលេងញឹកញាប់ទេ តែខ្ញុំដាក់កីឡាករដែលស័ក្តិមនឹងទម្រង់ដែលខ្ញុំរៀបចំនៅជម្រើសជាតិ»។
ពេលជួបហុងកុង លោក Félix បានដាក់កីឡាករថ្មីឲ្យលេងមានដូចជា ខ្សែប្រយុទ្ធ ឃាន់ សុប៉ិន ខ្សែបម្រើ វ៉ាន់ តៃឡាម៉ី អ្នកចាំទី ហ៊ុល គឹមហ៊ុយ និង ខ្សែការពារ ឈង់ ប៊ុនណាត ដែលមិនសូវបានលេងឲ្យក្លិបទេសម្រាប់ការប្រកួតលីគកំពូលកម្ពុជា។ ផ្ទុយទៅវិញ កីឡាករមួយចំនួនដែលបង្ហាញខ្លួនឲ្យក្លិបញឹកញាប់បែរជាមិនបានលេង។
កម្ពុជាអាចនឹងទទួលបានល្អ ពីព្រោះកម្រិតគុណភាពរបស់ម៉ាកាវអាចទាបជាងកម្ពុជា។ ជួបគ្នា៦លើកកន្លងមក កម្ពុជាឈ្នះ៤ ស្មើ១ និងចាញ់១៕
អត្ថបទពី៖ KPT
-
ព័ត៌មាន7 days agoក្រសួងកសិកម្មជំរុញលើកទឹកចិត្តឱ្យប្រជាកសិករប្រើប្រាស់ថាមពលសូឡា ក្នុងបរិបទតម្លែប្រេងឥន្ធនៈឡើងថ្លៃ
-
ព័ត៌មាន6 days agoកម្ពុជាតវ៉ាយ៉ាងដាច់អហង្ការចំពោះសកម្មភាពខុសច្បាប់របស់ថៃកាន់កាប់នៅតាមបណ្តោយព្រំដែនលើទឹកដីកម្ពុជា
-
ព័ត៌មាន7 days agoរាជរដ្ឋាភិបាលកម្ពុជាបានតវ៉ាជាផ្លូវការជាថ្មីទៀត ចំពោះសកម្មភាពខុសច្បាប់របស់ថៃកាន់កាប់នៅតំបន់ភូមិជោគជ័យ និងច្រកទ្វារអន្តរជាតិអូរស្មាច់
-
PR NEWS1 week agoអីក៏ស្រួលម្ល៉េះ! គ្រាន់តែចេះរាំ ក៏អាចឈ្នះឡានEVថ្មីពីប៊ូសស្រ្តង
-
ព័ត៌មាន5 days agoរដ្ឋចាត់ជាបន្ទុករបស់រដ្ឋនូវអាករលើតម្លៃបន្ថែមចំពោះការផ្គត់ផ្គង់ផលិតផលប្រេងម៉ាស៊ូត និងឧស្ម័ន LPG
-
ព័ត៌មាន1 week agoថ្លៃលក់រាយប្រេងឥន្ធនៈនៅតាមស្ថានីយចាប់ពី ថ្ងៃទី៤ ខែមេសានេះតទៅបន្តហក់ឡើង ខណៈរដ្ឋបន្តបន្ថយអត្រាពន្ធដល់សូន្យ
-
ព័ត៌មាន5 days agoកម្ពុជា និងរុស្សី នៅតែបន្ដពង្រឹងទំនាក់ទនង និងកិច្ចសហប្រតិបត្ដិការល្អទាំងការទូត និងយោធា
-
ព័ត៌មាន1 week agoមន្រ្តីជាន់សមាគមអតីតយុទ្ធជន ចុះពិនិត្យវឌ្ឍនភាពភូមិប៊ុនរ៉ានីសែនជ័យដំណាក់ទ្រយឹង