មិនបាច់ទៅណាឆ្ងាយ នៅតែក្បែរភ្នំពេញក៏មាន Resort អាចស្នាក់កម្សាន្តបានដែរ

ថ្ងៃចុងសប្តាហ៍មិនដឹងថាគួរទៅលេងនៅកន្លែងណាមែនទេ? ថ្ងៃនេះ Admin មានកន្លែងកម្សាន្តថ្មីមួយចង់មកណែនាំឲ្យប្រិយមិត្តបានស្គាល់។ Resort មួយកន្លែងនេះមានឈ្នោះថា “Phummara Resort” ដែលមានទីតាំងស្ថិតនៅក្នុងឃុំ ​ល្វាសា ស្រុកល្វាឯម ខេត្តកណ្តាល។

នៅទីនេះរៀបចំឡើងជាលក្ខណៈបែបធម្មជាតិអមទៅដោយដើមឈើតូចធំម្លប់ត្រជាក់ ខ្សល់អាកាសបរិសុទ្ធ ជៀសឆ្ងាយពីសម្លេងរំខាន។ ក្រៅពីបានសម្រាកនៅក្នុងបរិយាកាសធម្មជាតិ កន្លែងស្នាក់នៅមានផាសុខភាពហើយនោះ ប្រិយមិត្តក៏នឹងបានភ្លក្សជាមួយនឹងរសជាតិអាហារបែបខ្មែរដ៏ឈ្ងុយឆ្ងាញ់ថែមទៀតផង។

សម្រាប់អាហារនៅទីនេះ គឺផ្តោតទៅលើអាហារខ្មែរគ្រប់មុខតែម្តង។ ចំណែកឯបន្លែត្រីសាច់វិញ គឺសុទ្ធសឹងតែជាបន្លែធម្មជាតិ ដែលបងប្អូនកសិករខ្មែរយើងបានដាំដុះ។

បានមកសម្រាកលំហែរនៅកន្លែងស្ងប់ស្ងាត់ធម្មជាតិ និងបានទទួលទានអាហារខ្មែរ ដែលមានរសជាតិឈ្ងុយឆ្ងាញ់បែបនេះពិតជាបានរំសាយអស់ទុកកង្វល់ និងមានថាមពលសម្រាប់វិលត្រឡប់មកចាប់ផ្តើមការងារនាថ្ងៃដើមសប្តាហ៍វិញថែមទៀតផង។

សម្រាប់ប្រិយមិត្តដែលមានបំណងចង់ទៅសម្រាកលំហែរនៅ Phumara Resort អាចទំនាក់ទំនងបានតាមទូរស័ព្ទលេខ ០១១ ២៩៥ ៨៨៨ ឬអាចចូលទៅកាន់ facebook Page ដើម្បីសាកសួរព័ត៌មានបន្ថែមបាន៕

អត្ថបទដោយ៖ កូនទន្សាយតូច