អប្សរចិត្តខ្មៅ ខ្សែភាពយន្តភាគបែបស្នេហាលាយគំនុំ កំពុងអង្រួនបេះដូងទស្សនិកជនខ្លាំង

ប្រិយមិត្តដែលនិយមគាំទ្រខ្សែភាពយន្តភាគខ្មែរ បានត្រៀមអារម្មណ៍តាមដានជាមួយខ្សែភាពយន្តភាគថ្មីរបស់ស្ថានីយ៍ទូរទស្សន៍ បាយ័ន រឿង «អប្សរចិត្តខ្មៅ»។

រឿង «អប្សរចិត្តខ្មៅ» គឺជាខ្សែភាពយន្តភាគ ដែលនិយាយអំពីខ្សែជីវិតក្មេងស្រីម្នាក់ដែលត្រូវព្រាត់ប្រាស់ម្តាយតាំងពីក្មេង ហើយត្រូវធ្វើគ្រប់វិធីក្នុងការយករួចខ្លួន និងដើម្បីវិលត្រឡប់មកសងសឹកដល់អ្នកដែលធ្វើឲ្យម្តាយរបស់ខ្លួនស្លាប់។

តែការសងសឹករបស់នាងមិនមែនត្រឹមតែម្នាក់ឡើយគឺនាងសងយកវិញទាំងគ្រួសារ។

សម្រាប់ខ្សែរភាពយន្តភាគមួយនេះ ក៏មានតារាសម្តែងល្បីឈ្មោះជាច្រើនមកចួលរូមសម្តែងដូចជា កញ្ញា ហ្វាហ្វា  លោក សានី អ្នកស្រី សាំង ភស្តា លោក យូនីស្កូ អ្នកស្រី កែវ ស៊ីណាក់ អ្នកស្រី អូន រំដួល រួមជាមួយនឹងតារាសម្តែងល្បីៗជាច្រើនរូបទៀត។

អប្សរ ជាឈ្មោះស្រទន់ តែតួស្រីរបស់យើងមិនមែនទន់ជ្រាយនោះទេ។ នាងគឺជាមនុស្សម្នាក់ដែលរឹងមាំមិនងាយឲ្យអ្នកណាមកជិះជាន់បានឡើយ។ តែភាពរឹងមាំនិងការសងសឹករបស់នាងចុងក្រោយក៏បានវិលត្រឡប់មកធ្វើបាបខ្លួននាងវិញ ដោយសារតែនាងបានលង់ស្រឡាញ់កូនប្រុសរបស់សត្រូវដែលជាអុ្នកធ្វើឲ្យម្តាយរបស់នាងស្លាប់ទៅវិញ។

 តើតួរឯកស្រីរបស់យើងនឹងត្រូវជ្រើសផ្លូវមួយណារវាង​ស្នេហា និង គំនុំ? បើចង់ដឹងសូមកុំភ្លេចរង់ចាំតាមដានទស្សនាជាមួយនឹងខ្សែភាពយន្តភាគថ្មីរឿង «អប្សរចិត្តខ្មៅ» ដែលនឹងមានចាក់ផ្សាយរៀងរាល់ថ្ងៃ ចន្ទ ដល់ ព្រហស្បត្តិ៍ វេលាម៉ោង ២០:០០ ដល់ ម៉ោង ២១:០០ យប់ នៅលើកញ្ចក់ទូរស្សន៍ បាយ័ន៕

អត្ថបទដោយ៖ កូនទន្សាយតូច