ហ្វាហ្វា បង្ហាញចំណាប់អារម្មណ៍ចំៗក្រោយពីបានសម្តែងនៅក្នុងរឿង អប្សរចិត្តខ្មៅ

បន្ទាប់ពីបានធ្វើការចាក់ផ្សាយត្រឹមតែមួយសប្តាហ៍ខ្សែភាពយន្តភាគខ្មែររឿង “អប្សរចិត្តខ្មៅ” ទទួលបានការគាំទ្រយ៉ាងខ្លាំងពីសំណាក់អ្នកទស្សនា។

ថ្មីៗនេះផងដែរ ក្រុមការងាររបស់ស្ថានីយទូរទស្សន៍បាយ័នក៏បានជួបសម្ភាសន៍ជាមួយនឹងកញ្ញា ហ្វាហ្វា ដែលសម្តែងជាតួឯកស្រី អប្សរ នៅក្នុងរឿងនេះដើម្បីសាកសួរពីចំណាប់អារម្មណ៍ខ្លះៗ។

កញ្ញាក៏បានរៀបរាប់ប្រាប់មកកាន់ក្រុមការងារទាំងភាពសប្បាយរីករាយថា «កញ្ញាពិតជាមានអារម្មណ៍សប្បាយរីករាយយ៉ាងខ្លាំងដែលបានសម្តែងជាតួរអង្គអប្សរនេះ។ ហើយអ្វីដែលកាន់តែធ្វើឲ្យកញ្ញាកាន់តែរំភើបជាងនេះទៅទៀតគឺបានរួមការងារជាមួយនឹង Idol ក្នុងដួងចិត្តគឺអ្នកស្រី សាំង ភស្តា ដែលសម្តែងជាតួអង្គ ម្តាយរបស់តួរឯកប្រុស ។ ក្រៅពីនេះក៏មានសិល្បកររៀមច្បងដូចជាលោក យូរឌីស្កូ និងសិល្បកររៀមច្បងជាច្រើនរូបទៀត»។

ក្រៅពីនេះទៅទៀតកញ្ញាក៏បាន បង្ហើបប្រាប់ពីការធ្វើការរួមគ្នានៅក្នុងរឿង អប្សរចិត្តខ្មៅ នេះផងដែរថា «គ្រប់តួសម្តែងទាំងអស់ជាពិសេសតួអង្គដែលត្រូវបានាសម្តែងប៉ះជាមួយកញ្ញាច្រើនគឺម្នាក់ៗសុទ្ធតែមិនប្រកាន់ច្រើន រួសរាយគួរឲ្យស្រលាញ់ និងចេះជួយគ្នាទៅវិញទៅមកដើម្បីឲ្យខ្សែភាពយន្តមួយនេះបញ្ចប់ទៅដោយរលូន»។

បន្ថែមពីលើនេះកញ្ញាក៏បានបន្ថែមទៅលើតួរឯកប្រុសរបស់យើងផងដែរថា «តួឯកប្រុសគឺជាមនុស្សដែលមិនប្រកាន់ច្រើនងាយស្រួលធ្វើការជាមួយ អ្នកទាំងពីរប្រៀបដូចជាមិត្តភក្តិ ជាបងប្អូននឹងគ្នា ព្រោះថាឆាប់យល់ចិត្តគ្នានិងចេះជួយគ្នាទៅវិញទៅមក»។

នៅពេលដែលសួរដល់រឿង Ship តួអង្គកញ្ញាបានឆ្លើយតាំងសម្លេងសើចផងអៀនផងថា «បើ Fa Fa ចង់ Ship កញ្ញាជាមួយនិងតួឯកប្រុសកញ្ញាក៏មិនថាអ្វីដែរ កាន់តែសប្បាយចិត្តទៅវិញទេព្រោះថាតួរឯកប្រុសរបស់យើងគឺជាមនុស្សល្អនិងងាយស្រួលធ្វើការជាមួយ» «ប្រសិនបើមានឪកាសកញ្ញាក៏ចង់ណាត់ជួបជាមួយតួអង្គប្រុសរបស់យើងទៅផឹកកាហ្វេ ដើម្បីជជែកគ្នាលេង និង ធ្វើការ Promote ទៅលើរឿងដែលអ្នកទាំងពីរបានសម្តែងជាមួយគ្នាផងដែរ» ឮបែបនេះហើយប្រិយមិត្តប្រាកដជាបានឃើញរូបភាព Cute Cute ក្រៅសាច់រឿងរបស់អ្នកទាំងពីរក្នុងពេលឆាប់ៗនេះជាក់ជាមិនខាន៕

អត្ថបទដោយ៖ កូនទន្សាយតូច