ព័ត៌មាន
សម្ដេចតេជោ ៖ ការរឹតបន្តឹងអនុវត្តច្បាប់ចរាចរណ៍ គឺដើម្បីធានាសុវត្ថិភាពអាយុជីវិតពលរដ្ឋ
សម្ដេចតេជោ បានបញ្ជាក់ថា ការរឹតបន្តឹងច្បាប់ចរាចរណ៍ នឹងធ្វើនៅទូទាំងប្រទេស ដូច្នេះ អ្នកបើក បរទាំងអស់ មុននឹងបើកបររថយន្ត …
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា ការរឹតបន្តឹងអនុវត្ត ច្បាប់ចរាចរណ៍ផ្លូវគោក គឺដើម្បីធានាសុវត្ថិភាពអាយុជីវិតពលរដ្ឋនៅទូទាំងប្រទេស ដើម្បីបញ្ចៀសគ្រោះ ថ្នាក់ផ្សេងៗ ដែលអាចបង្ករបួសស្នាមធ្ងន់ស្រាល រហូតដល់មានការបាត់បង់អាយុជីវិតទៀតផង។
នៅមុនពេលមន្ត្រីនគរបាលចរាចរណ៍ នឹងអនុវត្តរឹតបន្តឹងច្បាប់ ស្ដីពីចរាចរណ៍ផ្លូវគោក ដែលនឹង ចាប់ផ្ដើមពីថ្ងៃទី០១ ខែឧសភា ឆ្នាំ២០២០នេះទៅ តាមរយៈទំព័រហ្វេសប៊ុក ផ្លូវការ នៅព្រឹកថ្ងៃទី២៩ ខែ មេសា នេះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានធ្វើការអំពាវនាវដល់អ្នកបើកបរ ទាំងអស់ ឱ្យគោរពច្បាប់ចរាចរណ៍ ដើម្បីសុវត្ថិភាពទាំងអស់គ្នា បើកបរដោយមានការប្រុងប្រយ័ត្នខ្ពស់ ជាមួយ នឹងការយោគយល់ដល់គ្នាទៅវិញទៅមក ដើម្បីសុខសុវត្ថិភាពទាំងអស់គ្នានៅទូទាំងប្រទេស។
សម្ដេចតេជោ បានបញ្ជាក់ថា ការរឹតបន្តឹងច្បាប់ចរាចរណ៍ នឹងធ្វើនៅទូទាំងប្រទេស ដូច្នេះ អ្នកបើក បរទាំងអស់ មុននឹងបើកបររថយន្ត ត្រូវមានប័ណ្ណបើកបរពិតប្រាកដត្រឹមត្រូវ ត្រូវបង់ពន្ធរថយន្ត និងបង់ថ្លៃ សេវាផ្សេងៗឱ្យបានត្រឹមត្រូវ មុននឹងធ្វើចរាចរនៅលើដងផ្លូវសាធារណៈ។
សម្ដេចតេជោ ហ៊ុន សែន បានបញ្ជាក់ថា ការរឹតបន្តឹងការអនុវត្តច្បាប់ចរាចរណ៍នេះ គឺដើម្បីធានា សុវត្ថិភាពអាយុជីវិតប្រជាពលរដ្ឋនៅទូទាំងប្រទេស ដោយមិនចង់ឃើញករណីគ្រោះថ្នាក់ចរាចរណ៍ កើត មានទៅលើសមាជិកក្រុមគ្រួសាររបស់ប្រជាពលរដ្ឋណាម្នាក់ឡើយ។
យោងតាមសេចក្តីជូនដំណឹងរបស់អគ្គស្នងការនគរបាលជាតិកម្ពុជា បានឲ្យដឹងថា ចាប់ពីថ្ងៃទី០១ ខែឧសភា ឆ្នាំ២០២០នេះទៅ កម្លាំងនគរបាលចរាចរណ៍ផ្លូវគោក នឹងចាប់ផ្តើមរឹតបន្តឹងការអនុវត្តច្បាប់ ចរាចរណ៍ផ្លូវគោកនៅទូទាំងប្រទេស ដោយផាកពិន័យច្រើនជាងមុន ហើយការអនុវត្តនេះ នឹងប្រកបដោយ មានសីលធម៌ វិជ្ជាជីវៈ ព្រមទាំងឥរិយាបថថ្លៃថ្នូរ ទន់ភ្លន់ និងម៉ឺងម៉ាត់ផងដែរ៕
ដកស្រង់ពី៖ BTV
-
កីឡា1 week agoបឹងកេត ក្លាយជាក្លិបទី៣ ដែលផ្អាកកិច្ចសន្យាជាមួយក្រុមហ៊ុនផ្គត់ផ្គង់សម្លៀកបំពាក់ថៃ
-
កីឡា1 week agoភ្នំពេញក្រោន និងអង្គការស្មារតីនៃអ្នកកីឡា ចាប់ដៃគ្នាបញ្ជ្រាបការអព់រំពីគ្រាប់មីន និងគ្រប់មិនទាន់ផ្ទុះ
-
ព័ត៌មាន5 days agoTOP STORY | សម្តេចតេជោ ឲ្យពលរដ្ឋពិចារណាខ្លួនឯងក្រោយវិដេអូក្រុមក្បត់ជាតិសរសើរទាហានឈ្លានពានថៃហើយបង្អាប់កងទ័ពខ្មែរទៅវិញ
-
កីឡា4 days agoប្រតិភូកីឡាទោក្រយានកម្ពុជា ចូលរួមព្រឹត្តិការណ៍ Cycling Tour Solidarity ដែលផ្ដោតគោលបំណង ៣សំខាន់
-
ព័ត៌មាន1 week agoFinalizing the ASEAN Observer Team’s Terms of Reference is an Urgent Priority, Spokesperson (8 August, 2025)
-
ព័ត៌មាន1 week agoPress Briefing – Update on the implementation of the immediate and unconditional ceasefire agreement between Cambodia and Thailand ( August 7, 2025)
-
កីឡា3 days agoក្រុមបាល់ទាត់សប្បុរសធម៌ Vlogger All Star ប្រមូលថវិកាជិត ៧ពាន់ដុល្លារជួយដល់វីរកងទ័ពជួរមុខ
-
ព័ត៌មាន1 week agoរដ្ឋមន្ត្រីក្រសួងកសិកម្មដឹកនាំកិច្ចប្រជុំដោះស្រាយបញ្ហាតម្លៃស្រូវស្រង៉ែ នៅខេត្តបាត់ដំបង