ព័ត៌មាន
សម្ដេចធិបតី៖ ក្រុមហ៊ុនរដ្ឋចំនួន២ ចូលរួមវិនិយោគលើគម្រោងព្រែកជីកហ្វូណនតេជោ
តាមការថ្លែងឱ្យដឹងដោយសម្ដេចធិបតី ហ៊ុន ម៉ាណែត គម្រោងព្រែកជីកហ្វូណនតេជោ គ្រោងនឹងបើកការដ្ឋានសាងសង់ នាថ្ងៃទី៥ ខែសីហា ឆ្នាំ២០២៤ ខាងមុខឆាប់ៗនេះ។
ជាថ្មីម្ដងទៀត សម្ដេចធិបតី ហ៊ុន ម៉ាណែត ប្រកាសថា គម្រោងព្រែកជីកហ្វូណនតេជោ ត្រូវបានប្រគល់សិទ្ធិវិនិយោគដោយក្រុមហ៊ុនខ្មែរចំនួន៥១% ដែលក្នុងនោះ ក្រុមហ៊ុនរដ្ឋចំនួន២ នឹងកាន់កាប់ភាគច្រើនលើគម្រោងព្រែកជីកជាប្រវត្តិសាស្រ្តនេះ។
តាមការថ្លែងឱ្យដឹងដោយសម្ដេចធិបតី ហ៊ុន ម៉ាណែត គម្រោងព្រែកជីកហ្វូណនតេជោ គ្រោងនឹងបើកការដ្ឋានសាងសង់ នាថ្ងៃទី៥ ខែសីហា ឆ្នាំ២០២៤ ខាងមុខឆាប់ៗនេះ។ ថ្លែងចេញពីខេត្តកំពត ក្នុងពិធីសម្ពោធកំពង់ផែពហុបំណងកំពត នាព្រឹកថ្ងៃទី៦ ខែមិថុនា ឆ្នាំ២០២៤នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បញ្ជាក់ថា គម្រោងព្រែកជីកជាប្រវត្តិសាស្ត្ររបស់កម្ពុជានេះ គឺមិនមែនខ្ចីលុយពីបរទេស ដើម្បីយកមកកសាងទេ តែជាគម្រោងវិនិយោគដោយក្រុមហ៊ុនឯកជន តាមរូបមន្ត BOT។
សម្ដេចធិតបី លើកឡើងថា ព្រែកជីកហ្វូណនតេជោ គឺជាគម្រោងលក្ខណៈឯកជន វិនិយោគិនឯកជន ជាអ្នកវិនិយោគ ដើម្បីកសាង ហើយសុំសិទ្ធិដើម្បីប្រតិបត្តិការ ក្នុងរយៈពេលកំណត់ណាមួយ ហើយនៅពេលបញ្ចប់ប្រតិបត្តិការវិនិយោគ ត្រូវបានផ្ទេរមកឱ្យរាជរដ្ឋាភិបាលគ្រប់គ្រងវិញ។ សម្ដេចធិបតី បានសង្កត់ធ្ងន់ថា គម្រោង BOT គឺប្រជាពលរដ្ឋ និងរាជរដ្ឋាភិបាល មិនចាយថវិកាលើការសាងសង់នោះទេ ប៉ុន្តែក្រុមហ៊ុនជាអ្នកទទួលខុសត្រូវ ហើយយើងនឹងមានឱកាសប្រើប្រាស់ ដើម្បីផលប្រយោជន៍ទាំងអស់គ្នា។
ពាក់ព័ន្ធនឹងការវិនិយោគដោយឯកជននេះដែរ សម្ដេចធិបតី នាយករដ្ឋមន្ត្រី បានគូសបញ្ជាក់ថា ពីមុន គឺគ្រោងវិនិយោគដោយក្រុមហ៊ុនបរទេស១០០% ប៉ុន្តែចុងក្រោយនេះ រាជរដ្ឋាភិបាលបានសម្រេចប្រគល់សិទ្ធិវិនិយោគលើគម្រោងព្រែកជីក ហ្វូណនតេជោ ឱ្យក្រុមហ៊ុនខ្មែរកាន់ភាគច្រើន ពោល គឺចំនួន៥១%។ សម្ដេចធិបតី បានប្រកាសដូច្នេះថា៖ «ឥលូវខ្ញុំសូមបញ្ជាក់ថា លែង ១០០ភាគរយដោយបរទេសទៀតហើយ គម្រោងនេះ នឹងមានវិនិយោគិនពីខ្មែរយើងចំនួន ៥១ភាគរយ គឺភាគច្រើនកម្ពុជាយើង នឹងចូលរួមក្នុងរូបភាពជាអ្នកកាន់ភាគច្រើន ក្នុងការវិនិយោគនេះតែម្ដង»។
តាមការបញ្ជាក់ឱ្យដឹងបន្ថែមពីសម្ដេចធិបតី ក្នុងក្រុមហ៊ុនវិនិយោគខ្មែរនេះ មានគ្រឹះស្ថានសាធារណៈរបស់រដ្ឋចំនួន២ គឺ កំពង់ផែស្វយ័តព្រះសីហនុ និងកំពង់ផែស្វយ័តភ្នំពេញ គឺជាអ្នកចូលរួមវិនិយោគជាមួយក្រុមហ៊ុនឯកជនមួយទៀត ដោយក្រុមហ៊ុនរដ្ឋ២នេះ ជាអ្នកកាន់ភាគច្រើននៃក្រុមហ៊ុនខ្មែរ។ ក្នុងន័យនេះ សម្ដេចធិបតី បញ្ជាក់ថា មិនមែនយកថវិការដ្ឋទៅវិនិយោគទេ តែក្រុមហ៊ុនរដ្ឋចូលរួមវិនិយោគដូចក្រុមហ៊ុនឯកជនដែរ៕
អត្ថបទ៖ KPT
-
ព័ត៌មាន7 days ago
ប្រជាពលរដ្ឋ បន្តទស្សនកិច្ចខេត្តទិសឦសាន ជើងទី៣ ស្វែងយល់ពីអធិបតេយ្យភាពជាតិ
-
PR NEWS13 hours ago
GANZBERG លើកស្ទួយ គុនខ្មែរ ឡើង ដល់កម្រិត ពិភពលោក!
-
ព័ត៌មាន5 days ago
នាវាកងទ័ពជើងទឹកអង់គ្លេស ចូលចតធ្វើទស្សនកិច្ចលើកកម្ពស់ទំនាក់ទំនង និងពង្រឹងកិច្ចសហប្រតិបត្ដិការ
-
ព័ត៌មាន5 days ago
និស្សិតមហាវិទ្យាល័យសិល្បៈសូនរូប ១៨៣នាក់ឡើងការពារស្នាដៃបញ្ចប់បរិញ្ញាបត្រឆ្នាំសិក្សា២០២៣-២០២៤
-
ព័ត៌មាន6 days ago
សហគ្រិនក្នុងស្រុកចាប់អារម្មណ៍ការប្រើប្រាស់បញ្ញាសិប្បនិម្មិត AI សម្រាប់ការធ្វើអាជីវកម្ម
-
ព័ត៌មាន1 week ago
សម្តេចតេជោ៖កម្ពុជាសម្រេចបញ្ចប់ការចូលរួមក្នុងតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) ចាប់ពីថ្ងៃ២០ ខែកញ្ញា ឆ្នាំ២០២៤នេះតទៅ ដើម្បី «ដកអាវុធចេញពីដៃពួកជ្រុលនិយម» កុំឲ្យមានលទ្ធភាពញុះញង់បោកប្រាស់ប្រជាជនកម្ពុជាតទៅទៀត
-
ព័ត៌មាន1 week ago
បេក្ខជន ១,២០០នាក់ ដាក់ពាក្យធ្វើអ្នកស្ម័គ្រចិត្តក្នុងព្រឹត្តិការណ៍កីឡាជាតិ លើកទី៤
-
ព័ត៌មាន1 week ago
អបអរសាទរ! ប្រាក់ឈ្នួលកម្មករកាត់ដេរឆ្នាំ២០២៥ ឡើងដល់ ២០៨ដុល្លារ ខណៈសម្ដេចធិបតី ហ៊ុន ម៉ាណែត បន្ថែម២ដុល្លារលើតួលេខ ២០៦ ដុល្លារ នៃលទ្ធផលបោះឆ្នោតរបស់ក្រុមប្រឹក្សាជាតិប្រាក់ឈ្នួលអប្បបរមា