ព័ត៌មាន
សិស្សានុសិស្ស លោកគ្រូ អ្នកគ្រូ និងអាណាព្យាបាល ប្ដេជ្ញាចូលរួមទប់ស្កាត់ការប្រើប្រាស់គ្រឿងញៀន
នៅក្នុងឱកាសដែលកម្ពុជា ប្រារព្ធទិវាអន្តរជាតិ ប្រយុទ្ធប្រឆាំងគ្រឿងញៀន ២៦ មិថុនា ឆ្នាំ២០២៤នេះ សិស្សានុសិស្ស លោកគ្រូ អ្នកគ្រូ និងអ្នកអាណាព្យាបាលសិស្ស បានបង្ហាញការប្តេជ្ញាចិត្តចូលរួម បង្កើនកិសហការជាមួយអាជ្ញាធរមូលដ្ឋាន ទប់ស្កាត់ និងមិនឲ្យមានគ្រឿងញៀនគ្រប់ប្រភេទទាំងអស់ ខណៈបញ្ហាគ្រឿងញៀននៅតែជាបញ្ហាចំបងដែលរាជរដ្ឋាភិបាលកំពុងយកចិត្តទុកដាក់ធ្វើការទប់ស្កាត់។
សិស្សានុសិស្ស គ្រូបង្រៀន និងអាណាព្យាបាលសិស្ស នៅវិទ្យាល័យ ហ៊ុន សែន សេរីភាព ក្រុងតាខ្មៅខេត្តកណ្តាលបានប្រាប់ BTV នៅថ្ងៃទី២៦ ខែមិថុនានេះថា ពួកគេប្ដេជ្ញាចិត្ត ចូលរួមសហការជាមួយសមត្ថកិច្ចពាក់ព័ន្ធលើការទើបស្កាត់ និងផ្សព្វផ្សាយលើបញ្ហាគ្រឿងញៀននេះឱ្យបាន ពីព្រោះបញ្ហាគ្រឿងញៀននេះ បានបង្កផលប៉ះពាល់ធ្ងន់ធ្ងរណាស់ដល់សង្គមជាតិ និងអនាគតរបស់យុវជនកម្ពុជាទាំងមូល។
សូមបញ្ជាក់ថា ទិវាអន្តរជាតិ ប្រយុទ្ធប្រឆាំងគ្រឿងញៀននៅថ្ងៃទី ២៦ មិថុនា ឆ្នាំ២០២៤ ការិយាល័យអង្គការសហប្រជាជាតិទទួលបន្ទុកកិច្ចការគ្រឿងញៀន និងឧក្រិដ្ឋកម្មគ្រឿងញៀន UNODC ប្រារព្ធក្រោមប្រធានបទ៖ ភស្តុតាងបង្ហាញច្បាស់ថា ការវិនិយោគការបង្ការគឺជាការចាំបាច់។ ដោយឡែកសម្រាប់កម្ពុជា គឺរៀបចំប្រារព្ធទិវានេះក្រោមប្រធានបទ៖ ការរួមគ្នាវិនិយោគ ការបង្ការទប់ស្កាត់ និងការលើកកម្ពស់អប់រំដើម្បីសហគមគ្មានគ្រឿងញៀន។
តាមរយៈទិវាអន្តរជាតិនេះដែរ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញសារលិខិត និងបានអំពាវនាវគ្រប់ភាគីពាក់ព័ន្ធទាំងអស់ ចូលរួមផ្សព្វផ្សាយ ជំរុញការលើកទឹកចិត្តដល់សិស្សានុសិស្ស និស្សិត យុវជន មាតាបិតា កម្មករ និយោគជិកនានា និងសាធារណៈជនទូទៅយល់ដឹងឲ្យបានស៊ីជម្រៅ អំពីផលប៉ះពាលគ្រោះថ្នាក់ និងវិនាសសកម្មនៃគ្រឿងញៀន ដោយត្រូវនិយាយថា ទេចំពោះគ្រឿងញៀន៕
អត្ថបទ៖ ស៊ុម សុខជា
-
ព័ត៌មាន7 days ago
ប្រជាពលរដ្ឋ បន្តទស្សនកិច្ចខេត្តទិសឦសាន ជើងទី៣ ស្វែងយល់ពីអធិបតេយ្យភាពជាតិ
-
PR NEWS19 hours ago
GANZBERG លើកស្ទួយ គុនខ្មែរ ឡើង ដល់កម្រិត ពិភពលោក!
-
ព័ត៌មាន6 days ago
នាវាកងទ័ពជើងទឹកអង់គ្លេស ចូលចតធ្វើទស្សនកិច្ចលើកកម្ពស់ទំនាក់ទំនង និងពង្រឹងកិច្ចសហប្រតិបត្ដិការ
-
ព័ត៌មាន6 days ago
និស្សិតមហាវិទ្យាល័យសិល្បៈសូនរូប ១៨៣នាក់ឡើងការពារស្នាដៃបញ្ចប់បរិញ្ញាបត្រឆ្នាំសិក្សា២០២៣-២០២៤
-
ព័ត៌មាន6 days ago
សហគ្រិនក្នុងស្រុកចាប់អារម្មណ៍ការប្រើប្រាស់បញ្ញាសិប្បនិម្មិត AI សម្រាប់ការធ្វើអាជីវកម្ម
-
ព័ត៌មាន1 week ago
បេក្ខជន ១,២០០នាក់ ដាក់ពាក្យធ្វើអ្នកស្ម័គ្រចិត្តក្នុងព្រឹត្តិការណ៍កីឡាជាតិ លើកទី៤
-
ព័ត៌មាន1 week ago
សម្តេចតេជោ៖កម្ពុជាសម្រេចបញ្ចប់ការចូលរួមក្នុងតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) ចាប់ពីថ្ងៃ២០ ខែកញ្ញា ឆ្នាំ២០២៤នេះតទៅ ដើម្បី «ដកអាវុធចេញពីដៃពួកជ្រុលនិយម» កុំឲ្យមានលទ្ធភាពញុះញង់បោកប្រាស់ប្រជាជនកម្ពុជាតទៅទៀត
-
ព័ត៌មាន1 week ago
អបអរសាទរ! ប្រាក់ឈ្នួលកម្មករកាត់ដេរឆ្នាំ២០២៥ ឡើងដល់ ២០៨ដុល្លារ ខណៈសម្ដេចធិបតី ហ៊ុន ម៉ាណែត បន្ថែម២ដុល្លារលើតួលេខ ២០៦ ដុល្លារ នៃលទ្ធផលបោះឆ្នោតរបស់ក្រុមប្រឹក្សាជាតិប្រាក់ឈ្នួលអប្បបរមា