ប្រមុខការពារជាតិកម្ពុជាថា វត្តមាននាវាចម្បាំង និងកងទ័ពរុស្ស៊ីនៅកម្ពុជាពេលនេះនឹងលើកកម្ពស់កិច្ចសហប្រតិបត្តិការវិស័យការពារជាតិរវាងកម្ពុជា និងរុស្ស៊ីឲ្យកាន់តែប្រសើរបន្ថែមទៀត

នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានប្រកាសថា វត្តមាននាវាចម្បាំងរបស់រុស្ស៊ីចំនួនពីរគ្រឿង និងវត្តមានរបស់កងទ័ពរុស្ស៊ីរាប់រយនាក់មកបំពេញទស្សន កិច្ចនៅប្រទេសកម្ពុជានាពេលនេះ នឹងលើកកម្ពស់នូវទំនាក់ទំនងវិស័យការពារជាតិរវាងកម្ពុជា និងរុស្ស៊ីឲ្យ គាន់តែល្អប្រសើបន្ថែមទៀត ហើយឯកឧត្តមប្រមុខការពារជាតិរំពឹងថាកងទ័ពកម្ពុជា និងរុស្ស៊ីនឹងធ្វើសម យុទ្ធរួមគ្នាមួយនាពេលអនាគតផងដែរ។

តាមរយៈបណ្តាញសង្គមហ្វេសបុក នាព្រឹកថ្ងៃទី៨ ខែមេសា ឆ្នាំ២០២៦នេះ ឯកឧត្តម នាយឧត្តម សេនីយ៍ ទៀ សុខា បានសរសេរថា សូមស្វាគមន៍នាវាចម្បាំងរបស់រុស្ស៊ីចំនួន២គ្រឿង គឺនាវា Sovershenny លេខ៣៣៣ និងនាវា Rezky លេខ៣៤៣ មកពីកងនាវាប្រចាំតំបន់ប៉ាស៊ីហ្វិកនៃកងទ័ពជើងទឹកសហព័ន្ធរុស្ស៊ី ដែលបានចូលចតនៅកំពង់ផែស្វយ័តក្រុងព្រះសីហនុ ដើម្បីបំពេញទស្សនកិច្ចរយៈពេល៣ថ្ងៃនៅកម្ពុជា ជាមួយនាវិកសរុបប្រមាណ២៦២នាក់។

នាយឧត្តមសេនីយ៍ ទៀ សីហា បានសង្កត់ធ្ងន់ថា«ដំណើរទស្សនកិច្ចរបស់កងទ័ពជើងទឹករុស្ស៊ី និងនាវាចម្បាំងនាពេលនេះ នឹងលើកកម្ពស់ទំនាក់ទំនង និងកិច្ចសហប្រតិបត្តិការលើវិស័យការពារជាតិរវាងកម្ពុជា និងរុស្ស៊ី ដែលប្រទេសទាំងពីរតែងប្រកាន់យកក្នុងប្រវត្តិនៃទំនាក់ទំនង»។

តាមរយៈសំណេរនេះដែរ ប្រមុខការពារជាតិកម្ពុជា ក៏សង្ឃឹមយ៉ាងមុតមាំផងដែរថា រុស្ស៊ីនឹងនៅតែបន្តគាំទ្រ និងធ្វើការយ៉ាងជិតស្និទ្ធជាមួយកងយោធពលខេមរភូមិន្ទ ដើម្បីពង្រឹង និងពង្រីកកិច្ចសហប្រតិបត្តិការយោធារបស់យើងបន្ថែមទៀត ជាពិសេសការបណ្តុះបណ្តានធនធានមនុស្ស និងការធ្វើលំហាត់សមយុទ្ធរួមគ្នានាពេលអនាគតផងដែរ។

សូមបញ្ជាក់ផងដែរថា នៅល្ងាចថ្ងៃទី៧ ខែ មេសា ឆ្នាំ២០២៦នេះ នាយឧត្តមសេនីយ៍ ទៀ សីហា ក៏បានអញ្ជើញចូលរួមពិធីជប់លៀងលើនាវាកងទ័ពជើងទឹកសហព័ន្ធរុស្ស៊ី ដែលបានកំពុងចូលសំចតនៅកំពង់ផែស្វយ័តក្រុងព្រះសីហនុ ខេត្តព្រះសីហនុផងដែរ ខណៈនាវានេះបាននិងកំពុងធ្វើការសំចតនៅកំ ពង់ផែស្វយ័តក្នុងព្រះសីហនុរយៈពេលបីថ្ងៃគឺចាប់ពីថ្ងៃទី៦ ដល់ថ្ងៃទី៨ ខែមេសា ឆ្នាំ២០២៦នេះ៕