អភិបាលរាជធានីភ្នំពេញ៖ពិធីបុណ្យចូលឆ្នាំថ្មីប្រពៃណីជាតិខ្មែរទទួលបានការសាទរយ៉ាងខ្លាំងពីពលរដ្ឋ ប៉ុន្តែមិនអាចកាត់ផ្តាច់ពីការគោរពដឹងគុណវីរកងទ័ព វីរនគរបាល និងជនភៀសសឹកឡើយ

ការរៀបចំប្រារព្ធពិធីពិធីបុណ្យចូលឆ្នាំថ្មីប្រពៃណីជាតិខ្មែរនៃព្រឹត្តិការណ៍នគរសង្ក្រាន្ត គឺមានការសាទរយ៉ាងខ្លាំងពីសំណាក់ប្រជាពលរដ្ឋ ដោយថ្ងៃទី១ មានប្រជាពលរដ្ឋ និងភ្ញៀវទេសចរដើរលេងកំសាន្តប្រមាណជិត ១លាននាក់។

ប៉ុន្តែការសប្បាយភាពរបស់ប្រជាពលរដ្ឋ គឺមិនអាចកាត់ផ្តាច់បានពីការគោរពដឹងគុណវីរកងទ័ព វីរនគរបាល និងជនភៀសសឹកដែលរងការឈ្លានពានពីប្រទេសជិតខាង។

គណៈបញ្ជាការឯកភាពរាជធានីភ្នំពេញបានបើកកិច្ចប្រជុំនៅព្រឹកថ្ងៃទី១៥ ខែមេសាឆ្នាំ២០២៦ នេះដែលជាថ្ងៃទី២ នៃពិធីបុណ្យចូលឆ្នាំថ្មីប្រពៃណីជាតិខ្មែរនៃព្រឹត្តិការណ៍នគរសង្ក្រាន្ត។ កិច្ចប្រជុំនេះ ដឹកនាំដោយឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ។

ឯកឧត្តម ឃួង ស្រេង បានមានប្រសាសន៍ថា ការរៀបចំប្រារព្ធពិធីពិធីបុណ្យចូលឆ្នាំថ្មីប្រពៃណីជាតិខ្មែរនៃព្រឹត្តិការណ៍នគរសង្ក្រាន្ត គឺនៅថ្ងៃទី១ ទទួលបានជោគជ័យ និងមានការសាទរគាំទ្រពីប្រជាពលរដ្ឋ។ ប៉ុន្តែទោះជាយ៉ាងណាសូមអោយអាជ្ញាធរមានសមត្ថកិច្ចពាក់ព័ន្ធរក្សាការពារសន្តិសុខសណ្តាប់ធ្នាប់ឲ្យបានល្អជាបន្តទៀត។

ឯកឧត្តម ឃួង ស្រេង បានមានប្រសាសន៍ថា ការរៀបចំប្រារព្ធពិធីពិធីបុណ្យចូលឆ្នាំថ្មីប្រពៃណីជាតិខ្មែរនៃព្រឹត្តិការណ៍នគរសង្ក្រាន្ត គឺមានការសាទរយ៉ាងខ្លាំងពីសំណាក់ប្រជាពលរដ្ឋ ប៉ុន្តែការសប្បាយភាពរបស់ពួកគាត់គឺមិនអាចកាត់ផ្តាច់បានពីការគោរពដឹងគុណវីរកងទ័ព វីរនគរបាល និងជនភៀសសឹកេែលរងការឈ្លានពានពីប្រទេសជិតខាង។ ចំណុចនេះសម្តេចតេជោ និងសម្តេចធិបតី ក៏បានចេញសារថា បើសិនជាយើងមានបញ្ហារបួសតិចតួច ប៉ុន្តែយើងមិនអាចខកខាននៃការរៀបចំដំណើរបុណ្យចូលឆ្នាំប្រពៃណីជាតិខ្មែរ ហើយយើងក៏មិនអាចឈរស្ងៀមដោយមិនដើរទៅមុខ។ នេះគឺជាចំណុចសំខាន់ដែលជាការដាស់តឿនដល់ស្មារតីប្រជាពលរដ្ឋនៅទូទាំងប្រទេសកម្ពុជាថា ឲ្យបង្វែការឈឺចាប់ទៅជាការតស៊ូ កាេខិតខំប្រឹងប្រែង ការពង្រឹងខ្លួនឯង

ហើយក៏មិនអាចកាត់ផ្តាច់បានពីការសប្បាយនៅក្នុងការប្រារព្ធប្រពៃណីជាតិ។

អ្នកនាំពាក្យរដ្ឋបាលរាជធានីភ្នំពេញលោកស្រី ដោ សម្ជស្ស បានប្រាប់ BTV ថា នៅថ្ងៃទី១៤ ខែមេសា ឆ្នាំ២០២៦ ដែលជាថ្ងៃទី១ នៃពិធីបុណ្យចូលឆ្នាំប្រពៃណីជាតិខ្មែរ នៃព្រឹត្តិការណ៍នគរសង្ត្រាន្ត គិតត្រឹមម៉ោង 21:00 នាទី មានប្រជាពលរដ្ឋដើរលេងកម្សាន្តវិលល្ងាច ចំនួន 983,080 នាក់ និងទេសចរបរទេសចំនួន 7,068 នាក់។ ហើយតួលេខនេះ នគរសង្ក្រាន្តទាំងាំង ៦ទៅតាំង បូកជាមួយព្រលានយន្តហោះចាស់ និងសង្ក្រាន្តនៅមូលដ្ឋានតាមខណ្ឌផ្សេងៗទៀត៕ អត្ថបទ : វង្ស សុភាព

. រូបភាព អាត់ សុធា